કોરોનાની વચ્ચે આમિર ખાન પોતાની મોટી ફિલ્મનુ શૂટિંગ કરવા તુર્કી પહોંચ્યો, તસવીરો વાયરલ

જ્યારે આમિર ખાન તુર્કી પહોંચ્યો ત્યારે ફિલ્મમાં તેની કૉ-સ્ટાર કરીના કપૂર ખાન મુંબઇમાં પોતાની દીકરા તૈમુર અલી ખાનની સાથે સ્પૉટ થઇ હતી. જોકે, હજુ સુધી કરિના ક્યારે શિડ્યૂલમાં જોડાશે તે જાણી શકાયુ નથી.

ખાસ વાત છે કે ફિલ્મના શૂટિંગ માટે આમિર ખાન પોતાની આખી ટીમને લઇને પંજાબ જવાનો હતો, પરંતુ લૉકડાઉનના કારણે આ પ્લાનને કેન્સલ કરવો પડ્યો હતો. લૉકડાઉન હટી જશે તો આગામી મહિને આ શૂટિંગ પણ શરૂ કરવા માટે મેકર્સ તૈયાર થઇ જશે.

લાલ સિંહ ચઢ્ઢા ફિલ્મમાં આમિર ખાનની સાથે એક્ટ્રેસ કરિના કપૂર ખાન લીડ રૉલમાં છે. આ ઉપરાંત દક્ષિણ ભારતીય ફિલ્મોના સુપરસ્ટાર વિજય સેતુપતિ પણ મુખ્ય રૉલમાં દેખાશે. લાલ સિંહ ચઢ્ઢાને અદ્વૈત ચંદન ડાયરેક્ટ કરી રહ્યાં છે,જેને ફિલ્મ સિક્રેટ સુપરસ્ટારને ડાયરેક્ટ કરી હતી. આમિર અને તેની ટીમ દિવાળી પર લાલ સિંહ ચઢ્ઢાની ટીજર લૉન્ચ કરવાના હતા. પરંતુ કોરોના વાયરસના કારણે આ મુશ્કેલ બની ગયુ છે.

આ તસવીર તુર્કી એરપોર્ટ પરની છે, આ તસવીરમાં આમિર ખાને ગ્રે કલરનો સ્વેટશર્ટ અને બ્લેક પેન્ટ પહેરેલુ છે. સાથે બ્લૂ કલરનુ ફેસ માસ્ક પણ પહેર્યુ છે, અને હસતો ચહેરો છે.

મુંબઇઃ કોરોના કાળ બાદ હવે ફિલ્મી દુનિયાની હલચલ શરૂ થઇ ગઇ છે, ફિલ્મોનુ શૂટિંગ ધીમે ધીમે શરૂ થઇ રહ્યું છે. હવે બૉલીવુડ સ્ટાર આમિર ખાને પોતાની આગામી ફિલ્મ લાલ સિંહ ચઢ્ઢાનુ શૂટિંગ ફરીથી શરૂ કરવાની તૈયારી કરી લીધી છે. આ માટે આમિર ખાન તુર્કી પહોંચ્યો છે. ત્યાંથી કેટલીક તસવીરો વાયરલ થઇ છે.