Bollywood Celebrity Expensive Divorces: આ સેલેબ્સને ડિવોર્સ લેવા પડ્યા મોંઘા, એલિમનીમાં એક્સ પાર્ટનરને આપવા પડ્યા કરોડો રૂપિયા

ફાઇલ તસવીર

બોલિવૂડ સેલેબ્સના લગ્ન જેટલા ચર્ચામાં રહે છે, તેમના છૂટાછેડા પણ તેટલા જ ચર્ચામાં રહેતા હોય છે. જ્યારે છૂટાછેડા લેવામાં આવે અથવા આપવામાં આવે ત્યારે આ સેલેબ્સની એલિમની પણ ઓછી ચર્ચામાં રહેતી નથી. ઘણા એવા સેલેબ્સ છે જેમને છૂટાછેડાના બદલામાં ભારે ભરણપોષણ ચૂકવવું પડ્યું છે, જ્યારે કેટલાક એવા છે જેમને છૂટાછેડા લેવા પર ભરણપોષણના રૂપમાં મોટી રકમ મળી છે.

2014માં રિતિક અને સુઝેનના 14 વર્ષ બાદ છૂટાછેડા થયા હતા. દરમિયાન, મીડિયા રિપોર્ટ્સ અનુસાર, સુઝૈને રિતિક પાસેથી લગભગ 400 કરોડ રૂપિયાની એલિમની માંગવામાં આવી હતી. બંને વચ્ચે 380 કરોડની એલિમની રકમ નક્કી થયા બાદ છૂટાછેડા થયા હતા.

સૈફ અલી ખાન અને અમૃતા સિંહે 2004માં છૂટાછેડા લીધા હતા. સૈફે અમૃતાને 5 કરોડ રૂપિયાનું એલિમની આપી હતી. અમૃતાથી છૂટાછેડા બાદ સૈફે 2012માં કરીના કપૂર સાથે લગ્ન કર્યા હતા.

સંજયે 1998માં તેની બીજી પત્ની રિયા પિલ્લઈ સાથે છૂટાછેડા લીધા હતા. છૂટાછેડા પછી તે રિયાનો ખર્ચ ઉઠાવતો હતો. આ સિવાય તેણે રિયાને સી-ફેસિંગ એપાર્ટમેન્ટ અને લક્ઝરી કાર પણ આપી હતી.

2016માં કરિશ્માએ બિઝનેસમેન સંજય કપૂરથી છૂટાછેડા લીધા હતા. આ દરમિયાન સંજયે બંન્ને બાળકોના નામે 14 કરોડના બોન્ડ ખરીદેને આપ્યા હતા. આ સિવાય કરિશ્માને સંજયના પિતાનું ઘર પણ આપવામાં આવ્યું હતું.

ફરહાન અને અધુનાએ 2016માં છૂટાછેડા લીધા હતા. ફરહાને અધુનાને મંથલિ એલિમની આપવાના બદલે એકસાથે એલિમનીની રકમ આપી હતી. જોકે આ રકમ કેટલી હતી તે જાહેર કરવામાં આવી નહોતી. રિપોર્ટ્સ અનુસાર, ફરહાને એલિમની સાથે અધુનાને 10,000 સ્ક્વેર ફૂટનો બંગલો પણ આપ્યો હતો.