Happy Birthday Radhika Pandit: ટીચર બનવા માંગતી હતી KGF સ્ટાર યશની પત્ની, બાદમાં બની ગઇ સાઉથની જાણીતી એક્ટ્રેસ

સાઉથમાં ઘણા એવા સેલેબ્સ છે જેમણે ક્યારેય ગ્લેમરની દુનિયામાં જવાનું નથી વિચાર્યું પરંતુ તેમ છતાં તેઓ પોતાના ઇન્ડસ્ટ્રિઝ પર રાજ કરી રહ્યા છે.દક્ષિણ અભિનેત્રી રાધિકા પંડિત પણ તેમાંથી એક છે.

ફોટોઃ ઇન્સ્ટાગ્રામ

બાળપણમાં દરેકના મનમાં એવું હોય છે કે આપણે મોટા થઈને ડોક્ટર, એન્જિનિયર કે બીજું કંઈક બનવા માંગીએ છીએ, પરંતુ જેમ જેમ આપણે મોટા થઈએ છીએ તેમ તેમ આપણા વિચારો અને સપનાઓ પણ બદલાઈ જાય છે. કેટલાક કિસ્સાઓમાં નસીબ પણ મહત્વપૂર્ણ છે. બોલિવૂડથી લઈને સાઉથ સુધી ઘણા એવા સેલેબ્સ છે જેમણે ક્યારેય ગ્લેમરની દુનિયામાં જવાનું નથી વિચાર્યું પરંતુ તેમ છતાં તેઓ પોતાના પરફોર્મન્સથી ઇન્ડસ્ટ્રિઝ પર રાજ કરી રહ્યા છે. દક્ષિણ અભિનેત્રી રાધિકા પંડિત પણ તેમાંથી એક છે.

રાધિકા પંડિત છે વાસ્તવિક જીવનમાં 'KGF' સ્ટાર યશની પત્ની છે. આજે અમે તેમના જન્મદિવસ નિમિત્તે તેમના વિશે વાત કરી રહ્યા છીએ. તે 7મી માર્ચે તેનો 39મો જન્મદિવસ ઉજવી રહી છે. તેમનો જન્મ 7 માર્ચ, 1984ના રોજ બેંગ્લોરમાં થયો હતો. આજે તે ભલે ફિલ્મોમાં જોવા મળતી ન હોય પરંતુ તેણીએ ઘણા સમય સુધી ઇન્ડસ્ટ્રી પર રાજ કર્યું છે

રાધિકા વિશે બહુ ઓછા લોકો જાણતા હશે કે તે ટીચર બનવા માંગતી હતી અને કોઈપણ ઓડિશન આપ્યા વિના સાઉથ ઈન્ડસ્ટ્રીમાં લોકપ્રિય અભિનેત્રી બની ગઈ છે. અભિનેત્રીએ તેનું પ્રારંભિક શિક્ષણ બેંગ્લોરની એક શાળામાંથી પૂર્ણ કર્યું છે. તેણે બી.કોમ.માં ગ્રેજ્યુએશન કર્યું છે.

એટલું જ નહીં રાધિકાએ બિઝનેસ એડમિનિસ્ટ્રેશનનો કોર્સ પણ કર્યો છે. તે ફિલ્મી પરિવાર સાથે સંબંધ ધરાવે છે. તેના પિતા કૃષ્ણ પંડિત સારસ્વત એક ફિલ્મ અને સ્ટેજ પર્ફોર્મર છે, પરંતુ તે એક શિક્ષિકા બનવા માંગતી હતી અને નસીબમાં કંઈક બીજું હતું, તે અભિનેત્રી બની.

રાધિકા ચોક્કસપણે તેની કારકિર્દીમાં શિક્ષક બનવા માંગતી હતી. પરંતુ તેનું આ સપનું તે દિવસોનું હતું જ્યારે તે બી.કોમ.ના અંતિમ વર્ષમાં હતી. જો કે, અભિનેત્રીએ બીકોમના અભ્યાસ દરમિયાન અભિનયની દુનિયામાં પ્રવેશ કર્યો હતો. તેના એક મિત્રએ કન્નડ ટીવી શોમાં ઓડિશન માટે તેનો સંપર્ક કર્યો.

જે ટીવી સિરિયલ માટે રાધિકાનો સંપર્ક કરવામાં આવ્યો હતો તેનું નામ 'નંદા ગોકુલા' હતું. આમાં રાધિકાને ઓડિશન આપ્યા વિના જ કામ મળી ગયું. આ પછી રાધિકાએ બીજી ટીવી સિરિયલમાં કામ કર્યું. તેનું નામ સુમંગલી છે.

આ પછી જ રાધિકાની ફિલ્મી સફર શરૂ થઈ. દિગ્દર્શક શશાંકે તેમની ફિલ્મો 18th Cross અને Mogginna Manasuમાં રાધિકાને કાસ્ટ કરી હતી. Mogginna Manasu માં રાધિકાના કામને સારો પ્રતિસાદ મળ્યો હતો

તમામ તસવીરો ઇન્સ્ટાગ્રામ પરથી લેવામા આવી છે.