KGF Chapter 2 માં અધીરા બન્યો સંજય દત્ત, આ પહેલાં પણ ખલનાયકની ભૂમિકામાં છવાયો હતો સંજય...

સંજય દત્ત

સંજય દત્ત 80 અને 90ના દશકમાં એ સુપરસ્ટાર્સમાંના એક છે જે આજે પણ લોકોના દિલો પર રાજ કરે છે. આજે પણ સંજય દત્તની ફિલ્મો જોવા માટે લોકોમાં એટલો જ ઉત્સાહ જોવા મળે છે.

હવે સંજય દત્ત કેજીએફ ચેપ્ટર 2માં અધીરાનો નેગેટિવ રોલ કરતો દેખાશે. ખાસ વાત એ છે કે, સંજયને નાયક કરતાં ખલનાયકની ભૂમિકામાં લોકોએ ઘણો પસંદ કર્યો છે. આ વાતનો પુરાવો છે ભૂતકાળમાં આવેલી સંજય દત્તની ફિલ્મો.

ખલનાયકઃ આ ફિલ્મમાં સંજય દત્તે પ્રથમ વખત વિલન (નેગેટિવ)નો રોલ કર્યો હતો. આજે પણ જો સંજયની ટોપ ફિલ્મો કે ટોપ કેરેક્ટરની વાત થાય તો ખલનાયકનું નામ સૌથી પહેલાં આવે છે.

વાસ્તવઃ આ ફિલ્મમાં સંજય દત્તે ગૈંગસ્ટરનો રોલ કર્યો હતો જે મજબૂરીમાં હથિયાર ઉઠાવી લે છે. 1999માં રિલીઝ થયેલી આ ફિલ્મ સંજયની કરિયરની સુંદર ફિલ્મ સાબિત થઈ હતી.

અગ્નિપથઃ કાંચા નામનું પાત્ર ભજવીને સંજય દત્તે આ ફિલ્મમાં દર્શકોને ઘણા ડરાવ્યા હતા. સંજયનો લૂક તો જબરદસ્ત હતો જ સાથે જ તેની એક્ટિંગથી દર્શકોના રુંવાડા ઉભા થઈ ગયા હતા.

મુસાફિરઃ આ ફિલ્મમાં પણ સંજયનું પાત્ર નેગેટિવ હતું. ફિલ્મ ભલે હિટ ના ગઈ પણ સંજયનો લૂક, ડાયલોક અને ગીત ઘણા ફેમસ થયા હતા.

પાનીપતઃ પાનીપત ફિલ્મમાં અર્જૂન કપૂર મારાઠા શાસકના રોલમાં હતો જ્યારે સંજય દત્ત અહમદ શાહ અબ્દાલીના રોલમાં જોવા મળ્યો હતો. સંજયનું આ પાત્ર પણ નેગેટિવ હતું.