The Kapil Sharma Showના ચાહકો માટે ખરાબ સમાચાર, નવી સિઝનમાં આ કલાકાર નહી જોવા મળે

The Kapil Sharma Show: જો તમે કપિલના શોના ફેન છો, તો તમારા માટે સારા સમાચાર એ છે કે આ શો ફરી ધમાકેદાર કમબેક કરી રહ્યો છે.

ધ કપિલ શર્મા શોના કલાકારો

The Kapil Sharma Show: જો તમે કપિલના શોના ફેન છો, તો તમારા માટે સારા સમાચાર એ છે કે આ શો ફરી ધમાકેદાર કમબેક કરી રહ્યો છે.

ધ કપિલ શર્મા શો થોડા સમયના બ્રેક બાદ ફરીથી શરુ થવા જઈ રહ્યો છે. આ દરમિયાન શોના એક પાત્રનો ફેરફાર નવી સિઝનમાં જોવા મળશે.

ખરાબ સમાચાર એ છે કે જો તમે કપિલના શોના ફેન છો, તો આ વખતે તમે તેની ટીમના એક સભ્યને ખૂબ જ મિસ કરવાના છો.

જો રિપોર્ટ્સનું માનીએ તો આ વખતે કપિલના શોમાં તેનો એક પણ મુખ્ય પાત્ર જોવા મળશે નહીં. ઈ-ટાઈમ્સના સમાચાર અનુસાર, કૃષ્ણા અભિષેક કપિલના શોની નવી સીઝનનો ભાગ નહીં હોય.

આ સમાચારની પુષ્ટિ ખુદ કૃષ્ણા અભિષેકે કરી છે. અભિનેતાએ ઈટાઈમ્સ સાથેની વાતચીતમાં જણાવ્યું કે તે આ સીઝનનો ભાગ નથી. જો કે તેની પાછળનું કારણ એગ્રીમેન્ટના કેટલાક મુદ્દા જણાવવામાં આવી રહ્યા છે.

તમને જણાવી દઈએ કે, કપિલના શોમાં કૃષ્ણા ખૂબ જ મહત્વપૂર્ણ ભૂમિકા ભજવે છે. કૃષ્ણા આ શોમાં 'સપના'નું પાત્ર ભજવે છે જે ખૂબ જ પ્રખ્યાત પાત્ર છે.

શોમાં કૃષ્ણાની એન્ટ્રી ત્યારે થઈ જ્યારે સુનીલ ગ્રોવરે શોને અલવિદા કહ્યું હતું. તેની જગ્યાએ ક્રિષ્ના આવ્યો અને તે 'સપના' બનીને સુનીલ ગ્રોવરના પાત્રની ખોટ પૂરી કરી હતી.

નવી સીઝનની વાત કરીએ તો કપિલ ફરી એક નવી ઉર્જા સાથે વાપસી કરવા જઈ રહ્યો છે. જોકે આ શો ક્યારે શરૂ થશે તે અંગે કોઈ સત્તાવાર માહિતી સામે આવી નથી.