સોના-ચાંદીના ભાવમાં જબ્બર ઘટાડો: ચાંદી ₹20,000 સસ્તી થઈ! દિવાળી બાદ 10 ગ્રામ સોનાનો લેટેસ્ટ ભાવ જાણો

દિવાળીના બીજા દિવસે MCX પર સોના અને ચાંદીના ભાવમાં નોંધપાત્ર ઘટાડો જોવા મળ્યો હતો. ટ્રેડિંગ દરમિયાન 1 કિલો ચાંદીના ભાવમાં ₹8,000 નો મોટો ઘટાડો થયો, જેના કારણે તે ₹1.5 લાખની સપાટીથી નીચે આવી ગઈ.

Gold Silver Rate: આ ઘટાડા સાથે, ચાંદી તેના રેકોર્ડ ઉચ્ચતમ સ્તર ₹1.70 લાખ પ્રતિ કિલોથી ₹20,000 જેટલી સસ્તી થઈ ગઈ છે. સોનાના ભાવમાં પણ મોટો ઘટાડો નોંધાયો છે; 5 ડિસેમ્બરના વાયદા માટે 10 ગ્રામ સોનું ₹2,500 ઘટીને ₹1,28,000 પર ટ્રેડ થઈ રહ્યું છે, જે તેના રેકોર્ડ ઉચ્ચતમ સ્તર ₹1.32 લાખથી ₹4,000 ઓછું છે. IBJA (ઈન્ડિયન બુલિયન જ્વેલર્સ એસોસિએશન) પર ગઈકાલે 24 કેરેટ સોનાનો ભાવ ₹1,26,730 પ્રતિ 10 ગ્રામ અને ચાંદીનો ભાવ ₹1,60,730 પ્રતિ કિલોગ્રામ હતો.

દિવાળીના તહેવાર બાદ તરત જ, બુલિયન બજારમાં સોના અને ચાંદીના ભાવમાં નોંધપાત્ર ઘટાડો જોવા મળી રહ્યો છે. MCX પર મંગળવારે ટ્રેડિંગ દરમિયાન ચાંદી ની કિંમતોમાં મોટો કડાકો બોલાયો. 1 કિલો ચાંદીના ભાવમાં ₹8,000 નો ઘટાડો થતાં તે ₹1.5 લાખની સપાટીથી નીચે આવી ગઈ હતી. ઉલ્લેખનીય છે કે, શુક્રવાર, 17 ઓક્ટોબર ના રોજ MCX પર ચાંદીનો ભાવ ₹1.70 લાખને પાર કરી ગયો હતો.

આજના ઘટાડા સાથે, ચાંદી તેના રેકોર્ડ ઉચ્ચતમ સ્તર થી પ્રતિ કિલો દીઠ આશરે ₹20,000 જેટલી સસ્તી થઈ ગઈ છે. સોમવારે, 20 ઓક્ટોબર ના રોજ, જ્યારે બજાર ખુલ્યું ત્યારે પણ ચાંદીના ભાવમાં ₹11,000 નો મોટો ઘટાડો નોંધાયો હતો. આનો સ્પષ્ટ અર્થ એ છે કે છેલ્લા થોડા દિવસોમાં ચાંદીમાં રોકાણકારો માટે મોટી ઉથલપાથલ જોવા મળી છે.