મહિલાઓને જમીન કે મકાન ખરીદવા પર આ વસ્તુઓમાં મળે છે છૂટ, જાણો કેટલો થાય છે ફાયદો

Women Property Benefits: મહિલાઓના નામે મિલકત ખરીદવાથી ઘણા ફાયદા થાય છે. ઘણા રાજ્યોમાં મહિલાઓના નામે જમીન કે મકાન ખરીદવા પર ટેક્સમાં છૂટ આપવામાં આવે છે.

ઘણા લોકો પ્રોપર્ટીમાં રોકાણને શ્રેષ્ઠ વિકલ્પ માને છે, આ સિવાય કેટલાક લોકો પોતાના જીવનની કમાણી ઘર કે જમીન ખરીદવામાં ખર્ચી નાખે છે.

જો તમે પણ પ્રોપર્ટીમાં રોકાણ કરવા જઈ રહ્યા છો અને પરિણીત છો, તો તમારા માટે એ જાણવું જરૂરી છે કે તમારી પત્નીના નામે પ્રોપર્ટી ખરીદવી એ નફાકારક સોદો હોઈ શકે છે.

મોટાભાગના લોકો ઘર ખરીદવા માટે લોન લે છે, ઘણી હાઉસિંગ ફાઇનાન્સ કંપનીઓ પુરૂષોની સરખામણીએ મહિલાઓને વ્યાજ દરમાં રાહત આપે છે.

પ્રોપર્ટી ખરીદવા પર અલગ-અલગ રાજ્યોમાં અલગ-અલગ સ્ટેમ્પ ડ્યૂટી વસૂલવામાં આવે છે, જેમાં ઘણા રાજ્યોમાં પુરુષોની સરખામણીમાં મહિલાઓને બે ટકા સુધીની છૂટ મળે છે.

આ બધા સિવાય મહિલાઓને ઘર ખરીદ્યા બાદ પ્રોપર્ટી ટેક્સમાં પણ છૂટ મળે છે. વિવિધ શહેરોની મ્યુનિસિપલ કોર્પોરેશનો આ ડિસ્કાઉન્ટ આપે છે.

આ જ કારણ છે કે છેલ્લા કેટલાક વર્ષોમાં મહિલાઓના નામે પ્રોપર્ટી ખરીદવાનું ચલણ નોંધપાત્ર રીતે વધ્યું છે.

જો તમે પરિણીત નથી તો તમે તમારી માતાના નામે પ્રોપર્ટી પણ ખરીદી શકો છો, તેનાથી તમને હજારો રૂપિયાનો ફાયદો મળી શકે છે.