Ambalal Patel: કાળઝાળ ગરમી વચ્ચે વાવાઝોડા સાથે વરસાદની અંબાલાલ પટેલની આગાહી, જાણો ક્યાં વરસશે

Ambalal Patel: કાળઝાળ ગરમી વચ્ચે વાવાઝોડા સાથે વરસાદની અંબાલાલ પટેલની આગાહી, જાણો ક્યાં વરસશે

અંબાલાલ પટેલ

ગાંધીનગર: કાળઝાળ ગરમી વચ્ચે આંધી-તોફાનનું હવામાન નિષ્ણાંત અંબાલાલ પટેલે અનુમાન વ્યક્ત કર્યું છે. 8 મે સુધી રાજ્યના કેટલાક ભાગોમાં પ્રિ-મોનસૂન એક્ટિવિટીનો વરસાદ વરસવાની આગાહી અંબાલાલ પટેલે વ્યક્ત કરી છે.

અંબાલાલ પટેલ મુજબ દક્ષિણ-પશ્ચિમ દિશાના ભેજના પવનોનો લીધે રાજ્યના વાતાવરણમાં પલટો આવ્યો છે. 12થી 14 મે આસપાસ વેસ્ટર્ન ડિસ્ટર્બન્સને લીધે રાજસ્થાન સરહદ નજીકના વિસ્તારોમાં વરસાદ વરસી શકે છે.

તેમના જણાવ્યા અનુસાર, 19થી 23 મે વચ્ચે ફરી હવામાનમાં પલટો આવશે. દરિયામાં ઊંચા મોજા ઉછળવાની અને 50 કિલોમીટર પ્રતિ કલાકની ઝડપે પવન ફુંકાવાની તેમણે આગાહી કરી છે.

15 જૂન આસપાસ રાજ્યમાં પવન સાથે ચોમાસાનો વરસાદ વરસી શકે છે. અંબાલાલ પટેલે જણાવ્યું છે કે 12 મે સુધી રાજ્યમાં આકરી ગરમી યથાવત રહેશે.

હવામાન વિભાગની આગાહી મુજબ ગુજરાતમાં હજુ ત્રણથી ચાર દિવસ વાતાવરણમાં પલટો જોવા મળશે અને થન્ડરસ્ટ્રોર્મ એક્ટિવિટીના કારણે ગાજવીજ અને ભારે પવન સાથે વરસાદ વરસશે.