Gujarat Weather: 3 દિવસ બાદ કાતિલ ઠંડીમાં થશે વધારો, જાણો હવામાનનું લેટેસ્ટ અપડેટ

Gujarat Weather: 3 દિવસ બાદ કાતિલ ઠંડીમાં થશે વધારો, જાણો હવામાનનું લેટેસ્ટ અપડેટ

પ્રતિકાત્મક તસવીર

ગાંધીનગર: ગુજરાતમાં ફરી એક વખત કાતિલ ઠંડીમાં વધારો થવાની સંભાવના છે. ઠંડીમાં ફરી વધારો થશે તેવી આગાહી હવામાન વિભાગ દ્વારા કરવામાં આવી છે. મહત્તમ તાપમાનમાં વધારો થવાની હવામાન વિભાગની આગાહી છે.

આગામી 3 દિવસમાં તાપમાન 3થી 5 ડિગ્રી વધશે. 2 ફેબ્રુઆરી સુધી શુષ્ક વાતાવરણ રહેવાની સંભાવના. અમદાવાદ, ગાંધીનગરમાં લઘુત્તમ તાપમાન 15 ડિગ્રીની આસપાસ રહી શકે છે.

હવામાન વિભાગની આગાહી મુજબ આગામી 7 દિવસ વાતાવરણ સૂકું રહેશે. રાજ્યમાં ઉતરપૂર્વના પવન રહેશે. રાજ્યમાં સૌથી નીચું તાપમાન નલિયામાં 7 ડિગ્રી નોંધાયું છે. ફરી પવનની દિશા બદલાશે.

હવામાન વિભાગના જણાવ્યા મુજબ આગામી 3 દિવસમાં તાપમાન 3થી 5 ડિગ્રી વધશે. કાતિલ ઠંડીનો ચમકારો ફરી એક વખત જોવા મળશે.

ઉત્તર-પૂર્વીય ઠંડા પવનો ફૂંકાવાને કારણે સમગ્ર રાજ્યમાં ઠંડીનું જોર વધ્યું છે. ખાસ કરીને સૌરાષ્ટ્ર- કચ્છ વિસ્તારોમાં લઘુત્તમ તાપમાનમાં મોટો ઘટાડો નોંધાયો છે.

વેસ્ટર્ન ડિસ્ટર્બન્સને કારણે ઉત્તર ભારતના હવામાનમાં પલટો આવ્યો છે. હિમાચલ પ્રદેશના શિમલા અને મનાલીમાં સિઝનની પ્રથમ બરફવર્ષા થઈ છે.દિલ્હીમાં પણ કાતિલ ઠંડી પડી રહી છે.