Gujarat Rain: ગુજરાતમાં આગામી 7 દિવસ વરસાદની આગાહી, જાણો હવામાનનું અપડેટ

Gujarat Rain: ગુજરાતમાં આગામી 7 દિવસ વરસાદની આગાહી, જાણો હવામાનનું અપડેટ

પ્રતિકાત્મક તસવીર

ગાંધીનગર: ગુજરાતમાં ચોમાસાની વિધિવત રીતે શરુઆત થઈ ગઈ છે. રાજ્યના અનેક જિલ્લાઓમાં વરસાદ વરસી રહ્યો છે. હવામાન વિભાગની વરસાદની આગાહી વચ્ચે આજે જૂનાગઢ અને અમરેલી જિલ્લામાં વરસાદ વરસ્યો છે .

રાજ્યમાં આગામી સાત દિવસ સામાન્ય વરસાદની હવામાન વિભાગે આગાહી કરી છે. સાત દિવસ સુધી રાજ્યના અનેક જિલ્લાઓમાં વરસાદી માહોલ જામશે.

હવામાન વિભાગની આગાહી મુજબ, સાયક્લોનિક સર્ક્યુલેશન સક્રિય થયું છે ત્યારે દક્ષિણ ગુજરાત, ઉત્તર ગુજરાતમાં વરસાદની આગાહી કરવામાં આવી છે.

આ સાથે સૌરાષ્ટ્રના જિલ્લાઓમાં પણ વરસાદની આગાહી કરવામાં આવી છે. રાજકોટ, અમરેલી, જૂનાગઢ, ગીર સોમનાથ, બોટાદ, ભાવનગર જિલ્લામાં વરસાદ વરસી શકે છે.

હવામાન વિભાગ મુજબ આગામી સાત દિવસ મહત્તમ તાપમાન યથાવત રહેશે. એટલે કે ગરમીથી કોઈ રાહત મળવાના અણસાર નથી.

દક્ષિણ ગુજરાતમાં પણ સારો વરસાદ વરસી શકે છે. આગામી સાત દિવસ સુધી દક્ષિણ ગુજરાતના જિલ્લાઓમાં ભારે વરસાદ વરસી શકે છે.