Gujarat Rain: આજથી ત્રણ દિવસ વરસાદનું જોર વધશે, આ જિલ્લાઓમાં રેડ એલર્ટ જાહેર

Gujarat Rain: આજથી ત્રણ દિવસ વરસાદનું જોર વધશે, આ જિલ્લાઓમાં રેડ એલર્ટ જાહેર

પ્રતિકાત્મક તસવીર

અમદાવાદ: હવામાન વિભાગ દ્વારા વરસાદને લઈ લેટેસ્ટ આગાહી કરવામાં આવી છે. આજથી ત્રણ દિવસ વરસાદનું જોર વધશે. આગામી ત્રણ દિવસ કેટલાક જિલ્લાઓમાં વરસાદને લઇ રેડ એલર્ટ આપવામાં આવ્યું છે. નવસારી, વલસાડ, ડાંગ, દમણ અને દાદરા નગર હવેલીના આજે અત્યંત ભારે વરસાદ સાથે રેડ એલર્ટ આપવામાં આવ્યું છે.

જયારે હવામાન વિભાગે વડોદરા, ભરૂચ, સુરત, નર્મદા અને છોટા ઉદેપુરમાં ઓરેન્જ એલર્ટ સાથે ભારે વરસાદની આગાહી કરી છે. આજે બનાસકાંઠા, સાબરકાંઠા, અરવલ્લી, ભાવનગર અને બોટાદમાં ઓરેન્જ એલર્ટ સાથે ભારે વરસાદની આગાહી કરવામાં આવી છે.

અમદાવાદ, ગાંધીનગર સહિત પાટણ, મહેસાણા, અરવલ્લી, મહીસાગર, પંચમહાલ, દાહોદ, આણંદ, સુરેન્દ્રનગર, રાજકોટ, પોરબંદર, જુનાગઢ અને ગીર સોમનાથમાં યલો એલર્ટ સાથે હળવા વરસાદની આગાહી કરવામાં આવી છે.

આવતીકાલે 6 સપ્ટેમ્બરે બનાસકાંઠા, સાબરકાંઠા, મહેસાણા, અરવલ્લી અને સુરેન્દ્રનગરમાં અત્યંત ભારે વારસાદ સાથે હવામાન વિભાગ દ્વારા રેડ અલર્ટ આપવામાં આવ્યું છે.

પાટણ, મોરબી, રાજકોટ, બોટાદ, ગાંધીનગર, ખેડા અને મહીસાગરમા ઓરેન્જ અલર્ટ સાથે ભારે વારસાદનું અનુમાન છે. આ જિલ્લાઓમાં ક્યાંક ભારે તો ક્યાંય મધ્યમ વરસાદ વરસી શકે છે.

અમદાવાદ સહીત અન્ય જિલ્લાઓમાં પણ વરસાદને લઈ યલો એલર્ટ સાથે હળવા વરસાદની આગાહી કરવામાં આવી છે. 7 સપ્ટેમ્બરે કચ્છ, બનાસકાંઠા, મહેસાણા અને સાબરકાંઠામાં અત્યંત ભારે વરસાદ સાથે રેડ એલર્ટ આપવામાં આવ્યું છે.

આ સિવાય મોરબી, સુરેન્દ્રનગર, પાટણ, ગાંધીનગર અને અરવલ્લીમાં આવતીકાલે ઓરેન્જ એલર્ટ આપવામાં આવ્યું છે. અમદાવાદ, ખેડા, આણંદ, પંચમહાલ, મહીસાગર, દાહોદ, દેવભૂમિ દ્વારકા, જામનગર, પોરબંદર, જુનાગઢ, રાજકોટ અને બોટાદમાં યલો એલર્ટ સાથે હળવા વરસાદની આગાહી કરવામાં આવી છે.