Gujarat Rain: આ તારીખ બાદ ભૂક્કા બોલાવશે વરસાદ, જાણો હવામાનનું લેટેસ્ટ અપડેટ

રાજ્યમાં સતત વરસાદ વરસી રહ્યો છે. અનેક જિલ્લાઓમાં હવામાન વિભાગ દ્વારા વરસાદની આગાહી કરવામાં આવી છે.

પ્રતિકાત્મક તસવીર

ગાંધીનગર: રાજ્યના હવામાન વિભાગ દ્વારા ભારે વરસાદને લઈ આગાહી કરવામાં આવી છે. હવામાન વિભાગે આગામી સાત દિવસ વરસાદની આગાહી કરી છે. જે મુજબ રાજ્યના કેટલાક જિલ્લાઓમાં ભારેથી લઈ મધ્યમ વરસાદ વરસી શકે છે.

હવામાન વિભાગની આગાહી મુજબ આજે સાબરકાંઠા, અરવલ્લી, મહીસાગર, પંચમહાલ, દાહોદ, છોટાઉદેપુર, નવસારી, વલસાડ, દાદરા અને નગર હવેલીમાં હળવા વરસાદની આગાહી કરી છે.

આગાહી મુજબ આવતીકાલે નવસારી, વલસાડ, દાદરા નગર હવેલીમાં હળવા વરસાદની આગાહી કરવામાં આવી છે. 3 સપ્ટેમ્બરથી ભારે વરસાદ સાથે રાજ્યમાં ઓરેન્જ એલર્ટ આપવામાં આવ્યું છે.

આજે દક્ષિણ ગુજરાતના માછીમારોને દરિયો ન ખેડવા હવામાન વિભાગ દ્વારા સૂચના આપવામાં આવી છે. આગાહી મુજબ આગામી 4 થી 5 સપ્ટેમ્બરે વરસાદનું જોર વધશે.

રાજ્યમાં અપર એર સર્ક્યુલેશન, મોન્સૂન ટ્રફ અને લો પ્રેસર સક્રિય થવાના કારણે વરસાદની આગાહી કરવામાં આવી છે. આગમી 24 કલાકમાં બંગાળની ખાડીમાં લો પ્રેસર સક્રિય થશે. સપ્ટેમ્બર મહિનામાં સામાન્ય કરતાં વધુ વરસાદની શક્યતા હવામાન વિભાગે વ્યક્ત કરી છે.

ગુજરાતમાં સરેરાશ 85 ટકાથી વધુ વરસાદ નોંધાયો છે. જેમાં સૌથી વધુ દક્ષિણ ગુજરાત અને ઉત્તર ગુજરાતમાં 89 ટકા વરસાદ, કચ્છમાં 85.14 ટકા, સૌરાષ્ટ્રમાં 83.84 ટકા, જ્યારે પૂર્વ-મધ્યમાં 81.03 ટકા સરેરાશ વરસાદ વરસ્યો છે