સરકારી હોસ્પિટલમાં મફત મળે છે કોન્ડોમ, જાણો એક વખતમાં કેટલા લઈ શકો છો તમે?

Free Condoms In Government Hospitals: જે લોકોને કોન્ડોમ ખરીદવામાં સંકોચ થાય છે, તેઓ સરકારી હોસ્પિટલમાંથી મફતમાં કોન્ડોમ મેળવી શકે છે. જાણો એક વખતે કેટલા કોન્ડોમ લઈ શકો છો તમે.

Free Condoms In Government Hospitals: કોન્ડોમનો શું ઉપયોગ થાય છે, સામાન્ય રીતે આ વિશે બધા લોકોને ખબર હોય છે. પરંતુ તેમ છતાં ભારતમાં ઘણા લોકો ખુલ્લેઆમ આ વિશે વાત કરવાનું ટાળે છે. ભારતમાં આજે પણ જાતીય સંબંધો અથવા કોન્ડોમના ઉપયોગ વિશે વાત કરવી ટેબૂ માનવામાં આવે છે. આ જ કારણ છે કે ભારતની વસ્તી આજે ચીનને પણ પાછળ છોડી ચૂકી છે.

ભારતમાં આજે પણ ઘણા લોકો મેડિકલ સ્ટોરમાંથી કોન્ડોમ ખરીદવા માટે સંકોચ અનુભવે છે. મેડિકલ સ્ટોર પાસે જઈને લોકો એવી રીતે કોન્ડોમ માંગે છે જાણે લાંચની માંગણી કરી રહ્યા હોય. તો જે લોકોને આ કામ માટે સંકોચ થાય છે, અથવા જેમને શરમ આવે છે, તે લોકો માટે ખુશખબરી છે. તેઓ સરકારી હોસ્પિટલમાંથી મફતમાં કોન્ડોમ મેળવી શકે છે. જાણો એક વખતે કેટલા કોન્ડોમ લઈ શકો છો તમે.

ભારતમાં જેટલી પણ સરકારી હોસ્પિટલો છે, ત્યાં તમને સારવાર અને તબીબી સુવિધાઓ તો મફત મળે જ છે. પરંતુ સાથે જ તમને કોન્ડોમ પણ મફત મળે છે. ઘણા લોકોને આ વાતની ખબર નથી. અને એટલે જ ઘણા લોકો આ સુવિધાનો ઉપયોગ કરી શકતા નથી.

ઘણી સરકારી હોસ્પિટલોમાં તમને કોન્ડોમ બોક્સ લગાવેલા જોવા મળશે. તમે ત્યાં જઈને સરળતાથી મફત કોન્ડોમ મેળવી શકો છો. આ માટે તમારે કોઈ માહિતી પણ આપવી પડતી નથી કે કોઈ શુલ્ક પણ ચૂકવવું પડતું નથી.

જે લોકોને મેડિકલ સ્ટોરમાંથી કોન્ડોમ ખરીદવામાં શરમ આવે છે અથવા સંકોચ થાય છે, તેમના માટે આ એક શ્રેષ્ઠ રીત છે. પોતાની ગોપનીયતા જાળવી રાખવી અને કોન્ડોમ પણ લઈ લેવા. સરકારી હોસ્પિટલ ઉપરાંત આશા કાર્યકરો દ્વારા પણ કોન્ડોમ વહેંચવામાં આવે છે. જો તમારી આસપાસ કોઈ આશા કાર્યકર છે, તો તમે તેમની પાસેથી આની માંગણી કરી શકો છો.

મફત કોન્ડોમને લઈને લોકોના મનમાં આ સવાલ પણ આવે છે કે એક વ્યક્તિ કેટલા કોન્ડોમ લઈ શકે છે. શું હોસ્પિટલે આના માટે કોઈ મર્યાદા નક્કી કરી છે? તો તમને જણાવી દઈએ કે એવું નથી કે હોસ્પિટલે આના માટે કોઈ મર્યાદા નક્કી કરી હોય.

કોઈપણ વ્યક્તિ પોતાની જરૂરિયાત મુજબ મફત કોન્ડોમ લઈ શકે છે. આના પર કોઈ પ્રકારના નિયમો અને પ્રતિબંધો નથી. હવે સરકારી હોસ્પિટલોમાં મફત કોન્ડોમની સાથે મફત બર્થ કંટ્રોલ પિલ્સ અને પ્રેગ્નન્સી ટેસ્ટ કિટ પણ આપવામાં આવી રહી છે.