જોશીમઠમાં બેઘર થયા લોકો, NDRF-SDRF ટીમો લોકોને કરી રહી છે મદદ

ભૂસ્ખલનથી પ્રભાવિત જોશીમઠમાં 'અસુરક્ષિત' જાહેર કરાયેલી બે હોટલોને તોડી પાડવાની કાર્યવાહી ગુરુવારે શરૂ કરવામાં આવી છે.

જોશીમઠમાં લોકો થયા બેઘર

તિરાડ પડી ગયેલી ઇમારતોને તોડી પાડવા પર દેખરેખ રાખવા ઉપરાંત, સેન્ટ્રલ બિલ્ડિંગ રિસર્ચ ઇન્સ્ટિટ્યૂટ દ્વારા અસ્થાયી પુનર્વસન માટે 'ટેમ્પરરી શેલ્ટર સાઇટ'ની ડિઝાઇન તૈયાર કરવામાં આવી રહી છે.

સેન્ટ્રલ બિલ્ડિંગ રિસર્ચ ઇન્સ્ટિટ્યૂટ દ્વારા મકાનોને થયેલા નુકસાનનું મૂલ્યાંકન કરવામાં આવી રહ્યું છે, જેના માટે જાહેર બાંધકામ વિભાગના 30 એન્જિનિયર મદદ કરી રહ્યા છે.