India Attack Pakistan: ભારતે પાકિસ્તાનના અનેક એરબેઝ કર્યા તબાહ, સેટેલાઇટ તસવીરોમાં મળ્યા પુરાવા

ભારતીય વાયુસેનાએ 10 મેના રોજ અનેક પાકિસ્તાની લશ્કરી ઠેકાણાઓ પર સચોટ હુમલા કર્યા હતા. સેટેલાઇટ ઇમેજમાં ભારે તબાહી પુષ્ટી કરી હતી. જેમા એરબેઝ, હેંગર અને રડાર સિસ્ટમ સામેલ છે.

પ્રતિકાત્મક તસવીર

ભારતીય વાયુસેનાએ 10 મેના રોજ અનેક પાકિસ્તાની લશ્કરી ઠેકાણાઓ પર સચોટ હુમલા કર્યા હતા. સેટેલાઇટ ઇમેજમાં ભારે તબાહી પુષ્ટી કરી હતી. જેમા એરબેઝ, હેંગર અને રડાર સિસ્ટમ સામેલ છે. ભારતીય વાયુસેના દ્વારા કરવામાં આવેલી લશ્કરી કાર્યવાહી માત્ર બદલો લેવાની કાર્યવાહી નહોતી, પરંતુ તેનો હેતુ વ્યૂહાત્મક દૃષ્ટિકોણથી દુશ્મનની ક્ષમતાઓને નબળી પાડવાનો પણ હતો.

જવાબી કાર્યવાહી પાછળ ભારતનો સ્પષ્ટ સંદેશ એ છે કે આતંકવાદ અને સરહદ પારના હુમલાઓનો જવાબ ફક્ત રાજદ્વારી દ્વારા જ નહીં પરંતુ ચોક્કસ લશ્કરી કાર્યવાહી દ્વારા પણ આપવામાં આવશે. આનાથી પાકિસ્તાનની લશ્કરી શક્તિને સીધું નુકસાન થયું એટલું જ નહીં, પરંતુ આંતરરાષ્ટ્રીય મંચ પર ભારતના મજબૂત પ્રતિભાવની છબી પણ ઉભી થઈ હતી.

કાવા સ્પેસ અને અન્ય સ્ત્રોતોમાંથી મળેલી તસવીરોમાં હુમલાની ભયાનકતા સ્પષ્ટપણે દેખાય છે. આ હુમલામાં ભોલારી એરબેઝના હેંગર પર હુમલો કરવામાં આવ્યો હતો. રનવે પાસે કાટમાળ પડેલો છે.

જેકોબાદ એરબેઝના મુખ્ય એપ્રોન પર થયેલા હુમલા બાદ એર ટ્રાફિક કંટ્રોલ (ATC) બિલ્ડિંગને નુકસાન થયું છે.

ઇસ્લામાબાદ નજીક નૂર ખાન એરબેઝ પર લશ્કરી કાર્યવાહીમાં ગોદામને નુકસાન થયું છે. તસવીરોમાં સળગતા ગ્રાઉન્ડ સપોર્ટ વાહનો જોઈ શકાય છે.

ભારતીય સશસ્ત્ર દળોએ રવિવારે હુમલા પહેલા અને પછીની તસવીરો શેર કરી હતી જેમાં સ્પષ્ટપણે દર્શાવવામાં આવ્યું હતું કે એર ડિફેન્સ સિસ્ટમને નિશાન બનાવીને તેનો નાશ કરવામાં આવ્યો હતો. પાકિસ્તાનની એર ડિફેન્સ સિસ્ટમને નબળી પાડવાની દિશામાં આ એક મોટું પગલું છે.

ઇસ્લામાબાદથી માત્ર 10 કિમી દૂર સ્થિત નૂર ખાન એરબેઝને ખાસ નિશાન બનાવવામાં આવ્યું હતું. આ એરબેઝ VIP ટ્રાન્સપોર્ટ, એર રિફ્યુઅલિંગ અને ટ્રાન્સપોર્ટ સ્ક્વોડ્રન માટે મહત્વપૂર્ણ છે.