ગુજરાતના 29 પોલીસને રાષ્ટ્રપતિ એવોર્ડ, જાણો કોને-કોને મળ્યો એવોર્ડ

હાલ અમદાવાદમાં ગૃહ મંત્રાલયમાં ડીવાયએસપી તરીકે ફરજ અદા કરતા હિમાંશુ અમૃતલાલ સુતરિયાની પણ પ્રશંસનીય કામગીરી બદલ ઇન્ડિયન પોલીસ મેડલ માટે પસંદગી કરવામાં આવી છે. પોલીસ દળમાં સારી કામગીરી અદા કરનારા ચુનંદા પોલીસકર્મીઓને આ ઇન્ડિયન પોલીસ મેડલથી સન્માનિત કરવામાં આવતા હોય છે.

સુરત શહેરના હે.કો. ઈમ્તિયાઝ હુસેન એફમનસુરી, મોરબીના હે.કો.ફારૃકભાઈ યાકુબભાઈ પટેલ, અમદાવાદ શહેરના હે.કો.ગુલાબજી ધુળાજી પનુચા, બનાસકાંઠાના હે.કો.મુકેશભાઈ ડાહયાલાલ દરજી, એસઆરપી જુથ-9 વડોદરાના કોન્સ્ટેબલ પ્રવિણકુમાર સી.લીંબાચીયા, સીએમ સિક્યોરીટીના પીએસઓ હરેશકુમાર દત્તારામ ઈંગલે અને એસઆરપી જુથ-17 જામનગરના એએસઆઈ મહેશચંદ્ર કે ભાલારાને મેડલ જાહેર કરાયા છે. રાજ્યના પોલીસ વડા શિવાનંદ જહાએ રાષ્ટ્રપતિ મેડલ મેળવનાર પોલીસ અધિકારી જવાનોને શુભેચ્છાઓ પાઠવી હતી.

જ્યારે એસઆરપી જુથ-9ના પીએસઆઈ અશોકકુમાર સિંગ, આઈબી રાજકોટ રીઝીયનના પીએસઆઈ અશોકકુમાર બી.ગીંડા, જામનગરના એએસઆઈ મહેન્દ્ર દામજીભાઈ જેઠવા, અમદાવાદ રેન્જના એએસઆઈ હીતેન્દ્રકુમાર જીવણલાલ પરમાર, બનાસકાંઠાના એએસઆઈ વિસાભાઈ શગથાભાઈ રાઠોડ, વડોદરા શહેરના એએસઆઈ અરવિંદ કાશીનાથ થોરાટ, ગાંધીનગર રેન્જના એએસઆઈ રહેમતુલ્લાખાન એ.બહેલીમ, સુરત શહેરના એએસઆઈ મનોજ કાંતિલાલ દહીંવેલકર, એસઆરપી જુથ-17 જામનગરના એએસઆઈ નામદેવસિંહ ડી.જાડેજાને એવોર્ડ જાહેર કરવામાં આવ્યા છે.

અમદાવાદ: 15મી ઓગસ્ટ સ્વાતંત્ર્ય દિનની પૂર્વ સંધ્યાને રાષ્ટ્રપતિ રામનાથ કોવિંદે ગુજરાત પોલીસમાં ચાર વિશિષ્ટ સેવા ચંદ્રકો તથા 25 પ્રશંસનીય સેવાના પોલીસ મેડલો અધિકારી જવાનોને જાહેર કર્યાં હતાં. જેમાં ગુજરાત આઈબીના વડા આર.બી.બ્રહ્મભટ્ટ, નિવૃત એસીપી પી.આર.ગેહલોતને વિશિષ્ટ સેવા મેડલ તો વડોદરા જેસીપી કે.જી.ભાટી, ડીવાયએસપી ડી.પી.ચુડાસમા, એમ.જે.સોલંકીને પ્રસંશનીય સેવા મેડલ એનાયત કરવામાં આવ્યા છે. તેમની સાથે રાજ્યના અલગ અલગ વિભાગમાં ફરજ બજાવતાં પોલીસ અધિકારી અને જવાનોને એવોર્ડ જાહેર કરવામાં આવ્યા છે.

પ્રસંશનીય સેવા પોલીસ મેડલમાં વડોદરા શહેરના સંયુક્ત પોલીસ કમિશનર કે.જી.ભાટી, રાજપીપળાના ડીવાયએસપી એસ.એફ.વાઢેર, ગાંધીનગર હેડક્વાર્ટસ ડીવાયએસપી એમ.જે.સોલંકી, અમદાવાદ એસીબીના મદદનીશ નિયામક ડી.પી.ચુડાસમા, સીએમ સિક્યોરીટીના ડીવાયએસપી પી.પી.વ્યાસ, ઓએનજીસીના ડીવાયએસપી પી.વી.રાવલ, જુથ-૯ વડોદરાના ડીવાયએસપી ડી.વી.બાંભણિયા, જુથ-11 વાવ સુરતના ડીવાયએસપી કે.વી.પરીખ, એટીએસના પીઆઈ એચ.ઝેડ.સોલંકીને એવોર્ડ જાહેર કરવામાં આવ્યા છે.

સ્વાતંત્ર્ય દિનની પૂર્વ સંધ્યાએે રાષ્ટ્રપતિ દ્વારા ગુજરાત પોલીસમાં ફરજ બજાવતાં અધિકારીઓ અને જવાનોને વિવિધ ૨૯ મેડલ જાહેર કર્યા છે. જેમાં ગુજરાત આઈબીના વડા આર.બી.બ્રહ્મભટ્ટ, વડોદરા એકમ એસીબીના નિવૃત એસીપી પી.આર.ગેહલોત, અમદાવાદ શહેરના ટ્રાફિક મદદનીશ પોલીસ કમિશનર ડી.એસ.વ્યાસ અને સુરત શહેરના પીએસઆઈ નરસંગ દલસંગભાઈ ચૌધરીને રાષ્ટ્રપતિનો વિશિષ્ટ સેવા પોલીસ મેડલ જાહેર કરાયો છે.