અમદાવાદઃ હાર્દિકને મળતા પ્રચંડ સમર્થનથી બેબાકળી બની પોલીસ, મીડિયાકર્મીઓને જોઇ લેવાની આપી ધમકી

હાર્દિક ઉપવાસ છાવણી પહોંચે તે અગાઉ મોટો ડોમ બાંધવામાં આવ્યો છે. હાર્દિકને સમગ્ર રાજ્યમાંથી મળી રહેલા પ્રચંડ સમર્થનને કારણે પોલીસ અધિકારીઓ અને સરકારના પગ નીચેથી જમીન સરકી હોય તેમ લાગી રહ્યુ છે. પોલીસ કોના ઇશારે દાદાગીરી કરી રહી છે તેવા સવાલો ઉઠવા લાગ્યા છે.

અમદાવાદ પોલીસના ઉચ્ચ અધિકારીઓના પગ નીચેથી જમીન સરકી ગઇ હોય તેમ લાગી રહ્યુ છે. જેથી હાર્દિકના ઉપવાસના દશ્યો લોકો સુધી પહોંચે નહી તે માટે મીડિયા કર્મીઓને રોકવામાં આવ્યા હતા.

અમદાવાદઃ બે દિવસની સારવાર લઇને પાટીદાર નેતા હાર્દિક પટેલ ફરીવાર ઉપવાસ છાવણીમાં પહોંચ્યો છે. જેની કવરેજ કરી રહેલા મીડિયા કર્મીઓને પોલીસના ઉચ્ચ અધિકારીઓએ રોકવાનો પ્રયાસ કર્યો હતો. એટલું જ નહી મીડિયાકર્મીઓ સાથે પોલીસે દાદાગીરી કરી હતી. ઘણા પત્રકારોના કેમેરા છીનવી લેવાનો પણ પોલીસે પ્રયાસ કર્યો હતો. મીડિયા કર્મીઓએ વિરોધ કરતા પોલીસે ધમકી આપી હતી કે જે દિવસે હાથે ચડશો તે દિવસે બતાવીશું.