હાર્દિક પટેલને સોલા સિવિલમાંથી SGVP હોસ્પિટલ ખસેડાયો

અમદાવાદ: સોલા સિવિલ હોસ્પિટલમાંથી હાર્દિક પટેલને શુક્રવારે રાત્રે 10 વાગ્યે SGVP હોસ્પિટલ ખસેડવામાં આવ્યો છે. હાર્દિક પટેલે સોલા સિવિલમાં સારવાર લેવાનો ઈનકાર કર્યો હતો. જ્યારે મનોજ પનારાએ પણ સરકાર પર ભરોસો ન હોવાનો આરોપ લગાવ્યો હતો.

હાર્દિક પટેલની તબિયત લથડતા ગુજરાતભરના પાટિદાર પ્રભાવિત વિસ્તારોમાં પરિસ્થિતિ કાબૂ બહાર ન જાય તેની ખાસ તકેદારી સ્વરૂપે પોલીસને સ્ટેન્ડ ટૂ રાખી દેવામાં આવી છે.

ઉપવાસના 14માં દિવસે હાર્દિક પટેલની તબિયત લથડી જતાં તેને તાબોડતોડ સોલા સિવિલ હોસ્પિટલમાં ખસેડવામાં આવ્યો હતો. સરકારને આપેલા અલ્ટિમેટમ પૂર્ણ થતાં હાર્દિકે ગુરુવાર રાતથી પાણીનો ત્યાગ કર્યો હતો બાદમાં તેને સતત ચક્કર આવવા અને શ્વાસ લેવામાં તકલીફ પડતા હોસ્પિટલ લઈ જવાયો છે. હાર્દિકના સમર્થકો મોટી સંખ્યામાં ઉમટી પડતા પોલીસ એલર્ટ છે.