સદી ફટકારીને વિરાટ કોહલીએ કેવી રીતે અનુષ્કાને કર્યો પ્રેમનો એકરાર, જાણો વિગત

વિરાટ કોહલી જ્યારે 149 રનની ઇનિંગ રમ્યા બાદ છેલ્લી વિકેટના રૂપમાં આઉટ થઈને પેવેલિયન પરત ફર્યો તો વિરાટે બેટ ઉપર બતાવીને અનુષ્કા શર્મા તરફ એક વખત ફરી ઈશારો કર્યો હતો અને અનુષ્કા શર્મા આ દરમિયાન પતિ વિરાટને પ્રોત્સાહન આપતી જોવા મળી હતી.

કોહલીએ 149 રનની ઇનિંગ રમી હતી. જેમાં કોહલીએ 225 બોલો પર 14 ચોગ્ગા અને એક છગ્ગો ફટકાર્યો હતો. ઈંગ્લેન્ડની બીજી ઇનિંગમાં બીજા દિવસની રમત પૂર્ણ થઈ ત્યાં સુધી એક વિકેટ ગુમાવીને 9 રન બનાવી લીધા હતા.

ગત વર્ષે જ ડિસેમ્બરમાં કોહલી અને અભિનેત્રી અનુષ્કા શર્માએ લાંબા રિલેશનશીપ બાદ ઈટલીમાં લગ્ન કર્યા હતા. જોકે આ કોઈ પહેલી તક નથી કે જ્યારે વિરાટે આ પ્રકારે મેદાનથી પોતાની એંગેજમેન્ટ રિંગને કિસ કરીને જશ્ન મનાવ્યો હોય.

કદાચ વિરાટ કોહલી પોતાની લેડી લકને સલમા કરી રહ્યો હતો. કારણ કે 2014ના ઇંગ્લેન્ડ પ્રવાસ દરમિયાન કોહલીની અસફળતા કોઇનાથી છુપાયેલી નથી. એને 2014માં પાંચ મેચોની 10 ઇનિંગમાં માત્ર 134 રન બનાવ્યા હતા. લગ્ન બાદ આ કોહલીનો પહેલો ઇંગ્લેન્ડ પ્રવાસ છે જ્યાં એને પહેલી ઇનિંગમાં ઈતિહાસ રચી દીધો.

ભારતીય કેપ્ટન વિરાટ કોહલીએ પહેલી ટેસ્ટ મેચના બીજા દિવસે ઇંગ્લેન્ડમાં ઇતિહાસ રચ્યો હતો. ગુરુવારે વિરાટ કોહલીએ ઈંગ્લેન્ડની ધરતી પર પોતાની પહેલી ટેસ્ટ સદી ફટકારી હતી. 172 બોલમાં સદી ફટકારતાં જ વિરાટે બેટ અને બેલમેટ જમીન પર મૂકી દીધા હતાં ત્યાર બાદ ગળામાં પહેરેલી પોતાની ચેનમાં લગાવેલી વીંટીને કિસ કરી હતી. આ દરમિયાન પત્ની અનુષ્કા શર્મા આ ખાસ ક્ષણને જોવા માટે પેવેલિયનમાં હાજર હતી.