KL Rahul બાદ અક્ષર પટેલ પણ પહોંચ્યો મહાકાલના દરબારમાં, પત્ની સાથે ભસ્મ આરતીમાં થયો સામેલ 

ભારતીય ટીમના ઓપનર કેએલ રાહુલ બાદ હવે ઓલરાઉન્ડર અક્ષર પટેલ પણ પૂજા કરવા ઉજ્જૈનના મહાકાલ મંદિર પહોંચી ગયો છે.

તસવીર સોશિયલ મીડિયા

IND vs AUS, Axar Patel: ભારતીય ટીમના ઓપનર કેએલ રાહુલ બાદ હવે ઓલરાઉન્ડર અક્ષર પટેલ પણ પૂજા કરવા ઉજ્જૈનના મહાકાલ મંદિર પહોંચી ગયો છે. અક્ષર તેની પત્ની સાથે મહાકાલના દરબારમાં પહોંચ્યો હતો, જ્યાં તેણે ભસ્મ આરતીમાં પણ ભાગ લીધો હતો. હવે અક્ષર પટેલ મહાકાલના દરબારમાં પૂજા કરતા હોવાની તસવીર અને વીડિયો સોશિયલ મીડિયા પર ઝડપથી વાયરલ થઈ રહ્યો છે.

Ujjain Indian cricketer Axar Patel along with wife Meha participated in Bhasma Aarti at Mahakal temple.@akshar2026 #aksharpatel #axarpatel #mahakal #अक्षरपटेल #महाकालेश्वर pic.twitter.com/OtFDDfIUtB

— Priyathosh Agnihamsa (@priyathosh6447) February 27, 2023

કેએલ રાહુલે ભગવાન મહાકાલના આશીર્વાદ પણ લીધા હતા

રવિવારે ક્રિકેટર કેએલ રાહુલ પત્ની આથિયા શેટ્ટી સાથે ભગવાન મહાકાલના આશીર્વાદ લેવા પહોંચ્યા હતા. તેમણે ભસ્મ આરતીમાં પણ ભાગ લીધો હતો. આ પછી ગર્ભગૃહમાં જલાભિષેક દ્વારા પૂજા કરવામાં આવી હતી. તાજેતરમાં કેએલ રાહુલે લગ્ન કર્યા છે. સોમવારે ક્રિકેટર અક્ષર પટેલ પણ પત્ની મેહા પટેલ સાથે ભગવાન મહાકાલના આશીર્વાદ લેવા પહોંચ્યો હતો. તેણે ભસ્મ આરતી જોઈ. આ પછી ગર્ભગૃહમાં પૂજા પણ કરવામાં આવી હતી.

અક્ષર પટેલે જણાવ્યું કે તે 5 વર્ષ પહેલા ભગવાન મહાકાલના આશીર્વાદ લેવા ઉજ્જૈન પહોંચ્યો હતો, પરંતુ ભસ્મ આરતી જોઈ શક્યો ન હતો. ત્યારથી તેને ભસ્મ આરતી જોવાની ઈચ્છા હતી. આજે તેની ઈચ્છા પૂરી થઈ છે. ભસ્મ આરતી જોઈને નવવિવાહિત યુગલ ખૂબ જ ખુશ અને સંતુષ્ટ દેખાતા હતા.

ત્રીજી ટેસ્ટ મેચ ઈન્દોરમાં રમાશે

મહત્વપૂર્ણ છે કે, ટીમ ઈન્ડિયા હાલમાં ઓસ્ટ્રેલિયા સામે ચાર મેચની ટેસ્ટ શ્રેણી રમી રહી છે. આ શ્રેણીમાં ભારતીય ટીમે પ્રથમ 2 મેચ જીતીને 2-0ની લીડ મેળવી લીધી છે. બીજી તરફ જો ભારતીય ટીમ ત્રીજી મેચ જીતી જશે તો ફરી એકવાર ટીમ ઈન્ડિયા બોર્ડર-ગાવસ્કર ટ્રોફી જીતશે. ટીમે નાગપુરમાં રમાયેલી પ્રથમ ટેસ્ટમાં એક દાવ અને 132 રનથી અને દિલ્હીમાં રમાયેલી બીજી ટેસ્ટમાં 6 વિકેટે જીત મેળવી હતી.  

Rishabh Pant Update: ઋષભ પંત ક્યારે કરશે મેદાનમાં વાપસી? સૌરવ ગાંગુલી આપ્યો જવાબ

તાજેતરમાં જ ભારતીય વિકેટ કીપર બેટ્સમેન ઋષભ પંત અકસ્માતનો શિકાર બન્યો હતો. આ અકસ્માતમાં ઋષભ પંતને ગંભીર ઈજા થઈ હતી. હાલ તે ક્રિકેટથી દૂર છે. ઋષભ પંત IPL 2023નો ભાગ નહીં હોય, તે દિલ્હી કેપિટલ્સ માટે મોટો ફટકો માનવામાં આવે છે. જો કે, ઋષભ પંત ક્યારે ક્રિકેટના મેદાનમાં વાપસી કરશે... આ પ્રશ્ન યથાવત છે. હવે ભારતીય ક્રિકેટ ટીમના પૂર્વ કેપ્ટન સૌરવ ગાંગુલીએ આ સવાલનો જવાબ આપ્યો છે. દાદાએ કહ્યું ઋષભ પંત ક્યારે ક્રિકેટના મેદાનમાં પરત ફરશે.

સૌરવ ગાંગુલીનું માનવું છે કે ઋષભ પંતને મેદાનમાં પાછા ફરતા લગભગ 2 વર્ષ લાગી શકે છે. તેણે કહ્યું કે મેં ઋષભ પંત સાથે ઘણી વખત વાત કરી છે. તેમના માટે આ મુશ્કેલ સમય છે. તે અકસ્માત બાદ ઋષભ પંતે સર્જરી કરાવી, મારી શુભકામનાઓ તેની સાથે છે. ભૂતપૂર્વ ભારતીય સુકાનીએ કહ્યું કે ઋષભ પંતને મેદાનમાં વાપસી કરવામાં એક વર્ષ લાગશે અથવા તો 2 વર્ષ પણ લાગી શકે છે, પરંતુ મને ખાતરી છે કે તે ભારત માટે ફરીથી મેદાન પર ચોક્કસપણે દેખાશે. વાસ્તવમાં સૌરવ ગાંગુલી દિલ્હી કેપિટલ્સના ક્રિકેટ ડાયરેક્ટર તરીકે કામ કરી ચૂક્યા છે. જોકે, BCCI પ્રમુખ બન્યા બાદ તેમણે દિલ્હી કેપિટલ્સના ક્રિકેટ ડિરેક્ટરનું પદ છોડી દીધું હતું, પરંતુ ફરી એકવાર તેઓ ટૂંક સમયમાં આ જવાબદારીમાં જોવા મળશે.