![ABP Premium](https://cdn.abplive.com/imagebank/Premium-ad-Icon.png)
IND vs PAK: તિલક વર્મા કરશે ડેબ્યૂ ? પાકિસ્તાન વિરુદ્ધ આવી હોય શકે છે ભારતની પ્લેઈંગ ઈલેવન
એશિયન ક્રિકેટનો મહાકુંભ એટલે કે એશિયા કપ 30 ઓગસ્ટથી શરૂ થશે. ટૂર્નામેન્ટની પ્રથમ મેચ પાકિસ્તાન અને નેપાળ વચ્ચે રમાશે.
![IND vs PAK: તિલક વર્મા કરશે ડેબ્યૂ ? પાકિસ્તાન વિરુદ્ધ આવી હોય શકે છે ભારતની પ્લેઈંગ ઈલેવન Asia cup 2023 team india playing 11 against pakistan ind vs pak 2 september 2023 IND vs PAK: તિલક વર્મા કરશે ડેબ્યૂ ? પાકિસ્તાન વિરુદ્ધ આવી હોય શકે છે ભારતની પ્લેઈંગ ઈલેવન](https://feeds.abplive.com/onecms/images/uploaded-images/2023/08/26/45358e0c36e57ebc1c43ead7dd529ca2169306339315878_original.jpg?impolicy=abp_cdn&imwidth=1200&height=675)
Team India Playing, IND vs PAK: એશિયન ક્રિકેટનો મહાકુંભ એટલે કે એશિયા કપ 30 ઓગસ્ટથી શરૂ થવા જઈ રહ્યો છે. આ ટૂર્નામેન્ટની પ્રથમ મેચ પાકિસ્તાન અને નેપાળ વચ્ચે રમાશે. ટીમ ઇન્ડિયા 2023 એશિયા કપમાં 2 સપ્ટેમ્બરે પાકિસ્તાન સામેની મેચથી તેના અભિયાનની શરૂઆત કરશે. જાણો આ મેચમાં ટીમ ઈન્ડિયાની પ્લેઈંગ ઈલેવન કેવી હોઈ શકે છે.
શું તિલક વર્મા ડેબ્યૂ કરશે?
યુવા બેટ્સમેન તિલક વર્માને 2023 એશિયા કપ માટે ટીમ ઈન્ડિયામાં જગ્યા મળી છે. આવી સ્થિતિમાં સૌથી મોટો સવાલ એ છે કે શું તિલક પાકિસ્તાન સામે ડેબ્યૂ કરશે. બેટ્સમેન તિલક ચોથા નંબર પર બેટિંગ કરવાનો દાવેદાર છે. જો શ્રેયસ અય્યર અને કેએલ રાહુલ પાકિસ્તાન સામેની મેચ માટે ફિટ નથી તો તિલક ડેબ્યૂ કરી શકે છે.
કેએલ રાહુલ માટે રમવું મુશ્કેલ
એશિયા કપ માટે ટીમ ઈન્ડિયાની જાહેરાત સમયે ચીફ સિલેક્ટર અજીત અગરકરે કહ્યું હતું કે કેએલ રાહુલ શરૂઆતની મેચ ચૂકી શકે છે. જોકે કેએલ રાહુલ સતત પ્રેક્ટિસ કરી રહ્યો છે. જો તે મેચ ફીટ નથી તો ઈશાન કિશનને પાકિસ્તાન સામે તક મળી શકે છે.
બેટિંગ વિભાગ આવો હોય શકે છે
જો આપણે સંભવિત પ્લેઈંગ ઈલેવન વિશે વાત કરીએ તો રોહિત શર્મા અને શુભમન ગિલ ચોક્કસપણે ઓપનિંગ કરશે. આ પછી વિરાટ કોહલી ત્રીજા નંબર પર રમશે. શ્રેયસ અય્યર ચોથા નંબરે અને હાર્દિક પંડ્યા પાંચમા નંબરે રમી શકે છે. આ પછી ઈશાન કિશન પ્રથમ મેચમાં કેએલ રાહુલની જગ્યાએ વિકેટકીપર તરીકે રમી શકે છે.
બોલિંગ વિભાગ આવો હોય શકે છે
બોલિંગ વિભાગની વાત કરીએ તો સ્પિન ઓલરાઉન્ડર રવિન્દ્ર જાડેજા સાતમા નંબર પર રમતો જોવા મળશે. આ પછી કુલદીપ યાદવ ટીમનો મુખ્ય સ્પિનર હશે. બીજી તરફ ફાસ્ટ બોલિંગની વાત કરીએ તો પ્લેઈંગ ઈલેવનમાં ત્રણ ફાસ્ટ બોલર જોવા મળી શકે છે. આમાં જસપ્રીત બુમરાહ મોહમ્મદ શમી અને મોહમ્મદ સિરાજ જોવા મળી શકે છે.
પાકિસ્તાન સામેની મેચમાં ભારતની સંભવિત પ્લેઈંગ ઈલેવન - રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, ઈશાન કિશન (વિકેટકીપર), હાર્દિક પંડ્યા, રવિન્દ્ર જાડેજા, કુલદીપ યાદવ, જસપ્રીત બુમરાહ, મોહમ્મદ શમી અને મોહમ્મદ સિરાજ.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)