ભારત ન્યુઝીલેન્ડ સિરીઝ માટે BCCI એ શેડ્યુલ જાહેર કર્યું, જાણો ક્યારે અને ક્યાં મેચ રમાશે
3 ODI અને 5 T20 મેચ માટે કયા શહેરો યજમાની કરશે? જાણો સંપૂર્ણ વિગતો અને ભારતીય ટીમની વ્યસ્તતા.
- BCCI એ જાન્યુઆરી 2026 માં ભારત અને ન્યુઝીલેન્ડ વચ્ચે 3 ODI અને 5 T20I મેચોની શ્રેણીનું સમયપત્રક જાહેર કર્યું છે.
- આ શ્રેણી, ખાસ કરીને T20I મેચો, ફેબ્રુઆરી-માર્ચ 2026 માં યોજાનાર T20 વર્લ્ડ કપ માટે ભારતની તૈયારીઓ માટે અત્યંત મહત્વપૂર્ણ છે.
- 2025 ના અંત સુધી, ભારતીય ટીમ ઇંગ્લેન્ડ, વેસ્ટ ઇન્ડિઝ, બાંગ્લાદેશ, ઓસ્ટ્રેલિયા અને દક્ષિણ આફ્રિકા સામે શ્રેણીઓ રમશે, જે પછી 2026 માં ન્યુઝીલેન્ડ સામે ઘરઆંગણે શરૂઆત થશે.
- ODI શ્રેણી બરોડા (11 જાન્યુઆરી), રાજકોટ (14 જાન્યુઆરી) અને ઇન્દોર (18 જાન્યુઆરી) માં રમાશે.
- T20I શ્રેણી નાગપુર (21 જાન્યુઆરી), રાયપુર (23 જાન્યુઆરી), ગુવાહાટી (25 જાન્યુઆરી), વિઝાગ (28 જાન્યુઆરી) અને ત્રિવેન્દ્રમ (31 જાન્યુઆરી) માં રમાશે.
IND vs NZ 2026 schedule: ભારતીય ક્રિકેટ કંટ્રોલ બોર્ડ (BCCI) એ ભારત અને ન્યુઝીલેન્ડ વચ્ચે રમાનારી સફેદ બોલ શ્રેણીનું સમયપત્રક જાહેર કરી દીધું છે. ન્યુઝીલેન્ડની ટીમ જાન્યુઆરી 2026માં ભારતનો પ્રવાસ ખેડશે, જ્યાં બંને ટીમો વચ્ચે 3 ODI અને 5 T20 મેચો રમાશે. આ પ્રવાસ 11 જાન્યુઆરી, 2026થી શરૂ થઈને 31 જાન્યુઆરી, 2026 સુધી ચાલશે.
આ શ્રેણી ભારતીય ટીમ માટે ખાસ કરીને T20 ફોર્મેટમાં ખૂબ જ મહત્ત્વપૂર્ણ બની રહેશે, કારણ કે આવતા વર્ષે ફેબ્રુઆરી-માર્ચમાં T20 વર્લ્ડ કપ રમાવાનો છે. ન્યુઝીલેન્ડ સામેની આ T20 શ્રેણી ટી20 વર્લ્ડ કપની તૈયારીઓ માટે એક મજબૂત પ્લેટફોર્મ પૂરું પાડશે.
વ્યસ્ત 2025 પછી 2026ની શરૂઆત ઘરઆંગણે
વર્ષ 2026માં ભારતીય ટીમ માટે આ પ્રથમ શ્રેણી હશે. જોકે, આ પહેલા ટીમ ઈન્ડિયાનું 2025નું વર્ષ અત્યંત વ્યસ્ત રહેવાનું છે. જૂનથી ડિસેમ્બર 2025 દરમિયાન, ભારતીય ટીમે ઈંગ્લેન્ડ, વેસ્ટ ઈન્ડિઝ, બાંગ્લાદેશ, ઓસ્ટ્રેલિયા અને દક્ષિણ આફ્રિકા સામે શ્રેણી રમવાની છે. આ સમયગાળા દરમિયાન, ટીમ ઇન્ડિયા ઇંગ્લેન્ડ, બાંગ્લાદેશ અને ઓસ્ટ્રેલિયાનો પ્રવાસ કરશે, જ્યારે વેસ્ટ ઇન્ડીઝ અને દક્ષિણ આફ્રિકાની ટીમો ભારતમાં રમવા આવશે.
ભારત-ન્યુઝીલેન્ડ શ્રેણીનું સંપૂર્ણ સમયપત્રક (જાન્યુઆરી 2026):
ODI શ્રેણી:
- પ્રથમ ODI: 11 જાન્યુઆરી 2026 – બરોડા
- બીજી ODI: 14 જાન્યુઆરી 2026 – રાજકોટ
- ત્રીજી ODI: 18 જાન્યુઆરી 2026 – ઇન્દોર
T20 શ્રેણી:
- પ્રથમ T20: 21 જાન્યુઆરી 2026 – નાગપુર
- બીજી T20: 23 જાન્યુઆરી 2026 – રાયપુર
- ત્રીજી T20: 25 જાન્યુઆરી 2026 – ગુવાહાટી
- ચોથી T20: 28 જાન્યુઆરી 2026 – વિઝાગ
- પાંચમી T20: 31 જાન્યુઆરી 2026 – ત્રિવેન્દ્રમ
ટેસ્ટ ચેમ્પિયનશિપ અને આગામી પડકારો
વર્લ્ડ ટેસ્ટ ચેમ્પિયનશિપ 2023-25 ચક્ર સમાપ્ત થઈ ગયું છે, જેમાં દક્ષિણ આફ્રિકા ચેમ્પિયન બન્યું છે. હવે વર્લ્ડ ટેસ્ટ ચેમ્પિયનશિપ 2025-27ના નવા ચક્રમાં, ભારત માટે પહેલો પડકાર ઇંગ્લેન્ડ સામેનો રહેશે. ટીમ ઇન્ડિયાનો ઇંગ્લેન્ડ પ્રવાસ 20 જૂન, 2025 થી શરૂ થશે. ત્યારબાદ, ટીમ ઇન્ડિયાએ બાંગ્લાદેશ સામેની ODI અને T20 શ્રેણીનો પડકાર પણ પાર કરવો પડશે.
ટોપ સ્ટોરી
ટ્રેન્ડિંગ સમાચાર
