BCCI એ ટીમ ઈન્ડિયાનું વાર્ષિક શેડ્યૂલ કર્યું જાહેર, જાણો ક્યારે અને કોની સામે રમાશે સિરીઝ
India Cricket Schedule 2026: BCCI એ આગામી 12 મહિના માટે ટીમ ઈન્ડિયાનું શેડ્યૂલ જાહેર કર્યું છે. આગામી વર્ષ દરમિયાન ભારત ચાર દેશોની યજમાની કરશે.
- BCCIએ આગામી ૧૨ મહિનાનું ઘરઆંગણનું શેડ્યૂલ જાહેર કર્યું.
- ભારત વેસ્ટ ઈન્ડિઝ, શ્રીલંકા, ઝિમ્બાબ્વે, ઓસ્ટ્રેલિયાનું યજમાન બનશે.
- ઓસ્ટ્રેલિયા સામે પાંચ ટેસ્ટ મેચ રમાશે.
India Cricket Schedule: ભારતીય ક્રિકેટ કંટ્રોલ બોર્ડ (BCCI) એ ટીમ ઈન્ડિયાના આગામી 12 મહિનાનું આંતરરાષ્ટ્રીય શેડ્યૂલ જાહેર કરી દીધું છે. BCCI એ તમામ ઘરઆંગણે રમાનારી સિરીઝની તારીખોની જાહેરાત કરી દીધી છે અને આગામી એક વર્ષની અંદર ભારતે ઓસ્ટ્રેલિયા, વેસ્ટ ઈન્ડિઝ, ઝિમ્બાબ્વે અને શ્રીલંકાની યજમાની કરવાની છે. ટીમ ઈન્ડિયાએ પોતાના ઘરઆંગણે આગામી એક વર્ષની અંદર કુલ 22 મેચ રમવાની છે, જે 17 શહેરોમાં રમાશે.
🚨 News 🚨
An action-packed home season awaits 💙#TeamIndia is set to host West Indies, Sri Lanka, Zimbabwe, and Australia for 22 matches across 17 venues 🏟️
More Details 🔽https://t.co/DrhB65D9FU — BCCI (@BCCI) March 26, 2026
ટીમ ઈન્ડિયાની આ ઘરઆંગણની સીઝનની શરૂઆત વેસ્ટ ઈન્ડિઝ સામેની વ્હાઈટ બોલ સિરીઝથી થશે. વેસ્ટ ઈન્ડિઝ ટીમનો ભારત પ્રવાસ 27 સપ્ટેમ્બર થી 17 ઓક્ટોબર સુધી ચાલશે, આ દરમિયાન બંને ટીમો વચ્ચે 3 વનડે અને પાંચ ટી20 મેચ રમાશે. તેના લગભગ 2 મહિના પછી શ્રીલંકાની ટીમ ભારત રમવા આવશે, જ્યાં 13 થી 27 ડિસેમ્બર સુધી ત્રણ-ત્રણ વનડે અને ટી20 મેચોની સિરીઝ રમવાની છે.
વર્ષ 2027 ના જાન્યુઆરી મહિનામાં ઝિમ્બાબ્વેની ટીમ ભારત પ્રવાસે આવશે, જેણે 3 થી 9 જાન્યુઆરી સુધી ત્રણ વનડે મેચ રમવાની છે. બીજી તરફ જાન્યુઆરી મહિનાના અંતમાં ઓસ્ટ્રેલિયન ટીમ ભારત આવશે. 21 જાન્યુઆરી થી 27 ફેબ્રુઆરી સુધી બંને ટોચની ટીમો વચ્ચે પાંચ ટેસ્ટ મેચોની સિરીઝ રમવામાં આવશે.
ભારતનું શેડ્યૂલ (ઘરઆંગણે રમાનારી સિરીઝ)
વેસ્ટ ઈન્ડિઝનો ભારત પ્રવાસ: 27 સપ્ટેમ્બર - 17 ઓક્ટોબર - 3 ODI અને પાંચ ટી20
શ્રીલંકાનો ભારત પ્રવાસ: 13 ડિસેમ્બર - 27 ડિસેમ્બર - 3 ODI અને ત્રણ ટી20
ઝિમ્બાબ્વેનો ભારત પ્રવાસ: 3 જાન્યુઆરી - 9 જાન્યુઆરી - 3 ODI
ઓસ્ટ્રેલિયાનો ભારત પ્રવાસ: 21 જાન્યુઆરી - 27 ફેબ્રુઆરી - 5 ટેસ્ટ
કારણ કે આગામી એક વર્ષમાં ભારતને માત્ર એક જ ઘરઆંગણની ટેસ્ટ સિરીઝ રમવાની છે, જેના કારણે તેની WTC ફાઈનલ રમવાની આશા ઓછી થતી દેખાઈ રહી છે. વર્લ્ડ ટેસ્ટ ચેમ્પિયનશિપના પોઈન્ટ ટેબલમાં ભારતીય ટીમ હાલમાં છઠ્ઠા સ્થાને છે.
તમને જણાવી દઈએ કે વેસ્ટ ઈન્ડિઝથી બરાબર પહેલા ભારતીય ટીમે અફઘાનિસ્તાન સામે વનડે સિરીઝ અને એક ટેસ્ટ મેચ રમવાની છે. ત્યારબાદ ટીમ ઈન્ડિયા ટી20 સિરીઝ રમવા આયર્લેન્ડ જશે અને ત્યાંથી જ ઈંગ્લેન્ડ માટે રવાના થઈ જશે, જ્યાં તેણે વનડે અને ટી20 સિરીઝ રમવાની છે.
ટોપ સ્ટોરી
ટ્રેન્ડિંગ સમાચાર
