Gujarat Rain : આગાહી વચ્ચે ક્યાં શરૂ થયો વરસાદ?

Gujarat Rain : આગાહી વચ્ચે ક્યાં શરૂ થયો વરસાદ?

Meteorological Department forecast: ગુજરાતમાં મોનસૂનની જામતી મેઘમહેર વચ્ચે હવામાન વિભાગ (IMD) દ્વારા તાત્કાલિક ધોરણે આગામી એક કલાક માટે વરસાદનું મહત્વનું એલર્ટ જારી કરવામાં આવ્યું છે. વિભાગની આગાહી મુજબ, રાજ્યના ચાર જિલ્લાઓમાં વિજળીના કડાકા અને ભડાકા સાથે મુસળધાર વરસાદની શક્યતાને પગલે ઓરેન્જ એલર્ટ આપવામાં આવ્યું છે. આ સાથે જ ઉત્તર અને દક્ષિણ ગુજરાત સહિત રાજ્યના અન્ય 16 જિલ્લાઓમાં મધ્યમથી ભારે વરસાદની સંભાવનાને ધ્યાને રાખીને યલો એલર્ટ જારી કરાયું છે.

હવામાન વિભાગ દ્વારા જારી કરાયેલા યલો એલર્ટમાં મધ્ય, ઉત્તર અને દક્ષિણ ગુજરાતના મોટાભાગના વિસ્તારો આવરી લેવાયા છે. જેમાં સાબરકાંઠા, મહેસાણા, અરવલ્લી, મહિસાગર, ગાંધીનગર અને અમદાવાદ જેવા ઉત્તર-મધ્ય ગુજરાતના જિલ્લાઓનો સમાવેશ થાય છે. આ ઉપરાંત ખેડા, આણંદ, વડોદરા, ભરૂચ, દાહોદ, પંચમહાલ, છોટાઉદેપુર અને નર્મદામાં પણ આગામી એક કલાક દરમિયાન વરસાદી માહોલ જામશે. દક્ષિણ ગુજરાતમાં સુરત, તાપી, નવસારી, ડાંગ, વલસાડ તેમજ કેન્દ્રશાસિત પ્રદેશ દમણ અને દાદરાનગર હવેલીમાં પણ મેઘરાજા ગાજવીજ સાથે ધોધમાર વરસી શકે છે.