Indian Team Players Match Fee: હવે પુરૂષ અને મહિલા ક્રિકેટરો માટે સમાન મેચ ફી, જય શાહે કહ્યું- નવા યુગની શરૂઆત
બીસીસીઆઈના સચિવ જય શાહે કહ્યું કે હવે મહિલા ખેલાડીઓને પુરૂષ ખેલાડીઓની બરાબર મેચ ફી મળશે.
Indian Team Players Match Fee: ભારતીય ક્રિકેટ કંટ્રોલ બોર્ડે મહિલા ખેલાડીઓને લઈને મોટો નિર્ણય લીધો છે. બીસીસીઆઈના સચિવ જય શાહે કહ્યું કે હવે મહિલા ખેલાડીઓને પુરૂષ ખેલાડીઓની બરાબર મેચ ફી મળશે. જય શાહે મેચ ફી અંગે ટ્વિટ કર્યું છે. જેમાં તેણે મહિલા ખેલાડીઓની મેચ ફી વિશે વિગતવાર માહિતી આપી છે.
જય શાહે ટ્વીટમાં લખ્યું, “મને એ જાહેરાત કરતાં આનંદ થાય છે કે BCCIએ ભેદભાવને દુર કરવાની દિશામાં પહેલું પગલું ભર્યું છે. અમે મહિલા ક્રિકેટરો માટે વેતન ઇક્વિટી પોલિસી લાગુ કરી રહ્યા છીએ. અમે ક્રિકેટમાં લિંગ સમાનતાના નવા યુગમાં પ્રવેશી રહ્યા છીએ ત્યારે પુરુષ અને મહિલા ક્રિકેટર બંને માટે મેચ ફી સમાન હશે.”
તેમણે આગળ લખ્યું, “મહિલા ક્રિકેટરોને તેમના પુરૂષ સમકક્ષો જેટલી જ મેચ ફી ચૂકવવામાં આવશે. ટેસ્ટ મેચ માટે 15 લાખ રૂપિયા, ODI માટે 6 લાખ રૂપિયા અને T20I માટે 3 લાખ રૂપિયા આપવામાં આવશે. જય હિન્દ''
I’m pleased to announce @BCCI’s first step towards tackling discrimination. We are implementing pay equity policy for our contracted @BCCIWomen cricketers. The match fee for both Men and Women Cricketers will be same as we move into a new era of gender equality in 🇮🇳 Cricket. pic.twitter.com/xJLn1hCAtl
— Jay Shah (@JayShah) October 27, 2022
The @BCCIWomen cricketers will be paid the same match fee as their male counterparts. Test (INR 15 lakhs), ODI (INR 6 lakhs), T20I (INR 3 lakhs). Pay equity was my commitment to our women cricketers and I thank the Apex Council for their support. Jai Hind 🇮🇳
— Jay Shah (@JayShah) October 27, 2022
પુરુષોને કેટલી મેચ ફી મળે છે?
એક ટેસ્ટ મેચઃ રૂ. 15 લાખ
એક ODI મેચઃ રૂ. 6 લાખ
એક T20 મેચઃ રૂ. 3 લાખ
અત્યાર સુધી સરેરાશ મહિલાઓને આટલા પૈસા મળતા હતા
જો સરેરાશ સાથે સરખામણી કરવામાં આવે તો અત્યાર સુધી સિનિયર મહિલા ક્રિકેટરોને મેચ માટે દરરોજ 20 હજાર રૂપિયા મળતા હતા. તે લગભગ અંડર-19 પુરૂષ ક્રિકેટરની બરાબર હતી. જ્યારે વરિષ્ઠ પુરૂષ ખેલાડીઓ મેચ ફી તરીકે દરરોજ સરેરાશ 60 હજાર રૂપિયા કમાય છે. તેથી તે સ્ત્રીઓ અને પુરુષો વચ્ચે એક મોટો તફાવત હતો. પરંતુ હવે આ ભેદભાવ પણ દૂર થશે. 2022 પહેલા મહિલા ક્રિકેટરોને મેચ ફી તરીકે માત્ર 12,500 રૂપિયા આપવામાં આવતા હતા.
ટ્રેન્ડિંગ સમાચાર
ટોપ સ્ટોરી
