BCCIએ 2020માં ભારતના ક્યા ક્રિકેટરને આપ્યો કેટલો પગાર? કોહલીને પછાડીને આ ગુજરાતી ક્રિકેટરે મેળવ્યો સૌથી વધુ પગાર

બુમરાહે આ કેપ્ટન વિરાટ કોહલીને પગાર મામલે પાછળ પાડી દીધો છે. કોહલીને આ વર્ષે 1.29 કરોડ રૂપિયા મળ્યા છે

નવી દિલ્હીઃ ભારતીય ક્રિકેટ કન્ટ્રૉલ બોર્ડ એટલે કે બીસીસીઆઇએ આ વર્ષ માટે ભારતીય ક્રિકેટરોને પગાર આપ્યો છે. આ વખતના સેલેરી લિસ્ટમાં ટૉપ પર કેપ્ટન વિરાટ કોહલી નથી પરંતુ ફાસ્ટ બૉલર જસપ્રીત બુમરાહનુ નામ છે. ફાસ્ટ બૉલર જસપ્રીત બુમરાહ આ વર્ષે સૌથી વધુ સેલેરી મેળવનારો ક્રિકેટર બની ગયો છે, તેને આ વર્ષે સેલેરી તરીકે રૂ. 1.38 કરોડ મળ્યા છે. બુમરાહે આ કેપ્ટન વિરાટ કોહલીને પગાર મામલે પાછળ પાડી દીધો છે. કોહલીને આ વર્ષે 1.29 કરોડ રૂપિયા મળ્યા છે. બુમરાહે એક વર્ષમાં નવ વન ડે, આઠ ટી-20 અને ચાર ટેસ્ટ મેચ રમી છે, જ્યારે કોહલીએ નવ વન-ડે અને 10 ટી-20 રમી છે. બીસીસીઆઈ દરેક ભારતીય ક્રિકેટરને એક ટેસ્ટ રમવાના રૂ. 15 લાખ, એક વન-ડે રમવાના રૂ. છ લાખ અને એક ટી-20 મેચ રમવાના રૂ. 3 લાખ ચૂકવે છે. આ લિસ્ટમાં ત્રીજા નંબરે રવીન્દ્ર જાડેજા છે, જેને એક વર્ષની સેલેરી તરીકે રૂ. 96 લાખ મળ્યા છે. તેણે આ વર્ષે બે ટેસ્ટ, નવ વન-ડે અને ચાર ટી-20 મેચ રમી છે. જોકે, આ રકમમાં સેન્ટ્રલ કોન્ટ્રાક્ટનો સમાવેશ નથી થતો. એક વર્ષમાં ટીમ ઈન્ડિયાના ખેલાડીઓની કમાણી જસપ્રીત બુમરાહ - 1.38 કરોડ વિરાટ કોહલી - 1.29 કરોડ રવીન્દ્ર જાડેજા - 96 લાખ અજિંક્ય રહાણે - 60 લાખ ઋષભ પંત - 57 લાખ રોહિત શર્મા - 30 લાખ