ભારતીય ક્રિકેટ ટીમ માટે BCCIના 10 કડક નિયમોઃ મસ્તીના દિવસો પૂરા, જાણો નવી ગાઈડલાઈન્સ

ઓસ્ટ્રેલિયામાં કારમી હાર બાદ BCCIએ ખેલાડીઓ માટે 10 કડક નિયમો જાહેર કર્યા, પરિવારથી લઈને સામાન સુધીના નિયમોમાં ફેરફાર, ડોમેસ્ટિક ક્રિકેટ પર પણ ધ્યાન આપવું પડશે.

ટીમ ઇન્ડિયા માટે બીસીસીઆઈના 10 કડક નિયમો જાહેર

Source : PTI

BCCI new guidelines: ઓસ્ટ્રેલિયામાં ભારતીય ક્રિકેટ ટીમની હાર બાદ BCCI (ભારતીય ક્રિકેટ કંટ્રોલ બોર્ડ)એ ખેલાડીઓ સામે કડક વલણ અપનાવ્યું છે. બોર્ડે 10 નવા નિયમો જાહેર કર્યા છે, જેનું પાલન દરેક ખેલાડીએ કરવું પડશે. આ નિયમોમાં પરિવાર સાથેના પ્રવાસ અને સામાનના વજન સહિતના નિયમોનો સમાવેશ થાય છે.  BCCIએ બેઠક બાદ દસ નિયમો જારી કર્યા છે. આનું વિગતવાર વર્ણન કરવામાં આવ્યું છે. જો પાલન ન કરવામાં આવે તો કડક પગલાં લેવામાં આવી શકે છે. ખેલાડીઓની બેગના વજન અને ટીમ સાથે પ્રવાસ અંગેના નિયમો પણ લાગુ કરવામાં આવ્યા છે.

BCCI દ્વારા જાહેર કરાયેલા 10 મુખ્ય નિયમો

1. ડોમેસ્ટિક ક્રિકેટ પર ધ્યાન: ખેલાડીઓએ ડોમેસ્ટિક ક્રિકેટ માટે તૈયાર રહેવું પડશે અને ડોમેસ્ટિક ક્રિકેટના ઇકોસિસ્ટમ સાથે જોડાયેલા રહેવું પડશે. ફિટનેસ અને મજબૂતી પર ખાસ ધ્યાન આપવું પડશે.
2. પ્રેક્ટિસમાં હાજરી: ખેલાડીઓએ પ્રેક્ટિસ સેશન અને મેચોમાં ટીમ સાથે રહેવું પડશે. મુખ્ય કોચ અને પસંદગી સમિતિની પૂર્વ મંજૂરી લીધા વગર ક્યાંય જઈ શકાશે નહીં.
3. સામાનનું વજન: ખેલાડીઓએ નિયત કરેલી મર્યાદામાં જ સામાન લઈ જવાનો રહેશે. વધારે વજનના કિસ્સામાં ખર્ચ ખેલાડીએ પોતે ઉઠાવવો પડશે.
4. વિદેશ પ્રવાસ (30 દિવસથી વધુ): ખેલાડીઓને 3 સૂટકેસ અને 2 કીટ બેગની મંજૂરી આપવામાં આવશે, જેનું કુલ વજન 150 કિલો સુધી હોઈ શકે છે. સપોર્ટ સ્ટાફ માટે 2 સૂટકેસ અને એક નાની બેગની મંજૂરી છે, જેનું વજન 80 કિલો સુધી હોઈ શકે છે.
5. વિદેશ પ્રવાસ (30 દિવસથી ઓછો): ખેલાડીઓને 4 બેગ લઈ જવાની મંજૂરી આપવામાં આવશે અને વજન 120 કિલોથી વધુ ન હોઈ શકે. સપોર્ટ સ્ટાફ માટે 2 બેગ હશે, જેનું વજન 60 કિલો છે.
6. હોમ સિરીઝ: ખેલાડીઓને કિટ બેગ સહિત 4 બેગની મંજૂરી આપવામાં આવશે, વજન 120 કિલો હોઈ શકે છે. સપોર્ટ સ્ટાફ માટે પણ 60 કિલોનો આ જ નિયમ હશે.
7. પરિવાર સાથે પ્રવાસ (45 દિવસથી વધુ): જો વિદેશ પ્રવાસ 45 દિવસથી વધુનો હશે, તો ખેલાડીઓ તેમના પરિવારને વધુમાં વધુ 14 દિવસ માટે સાથે રાખી શકશે.
8. પરિવાર સાથે પ્રવાસ (45 દિવસથી ઓછો): જો પ્રવાસ 45 દિવસથી ઓછો હશે તો પરિવાર 7 દિવસથી વધુ સમય માટે સાથે રહી શકશે નહીં.
9. વ્યક્તિગત સ્ટાફ પર પ્રતિબંધ: ખેલાડીઓ તેમના વ્યક્તિગત રસોઈયા, હેર સ્ટાઈલિસ્ટ અને સુરક્ષા ગાર્ડને સાથે લઈ જઈ શકશે નહીં.
10. ટીમ બસમાં જ મુસાફરી: ખેલાડીઓએ માત્ર ટીમની બસમાં જ મુસાફરી કરવી પડશે.

આ પણ વાંચો...