4 દિવસમાં શરૂ થશે સીરીઝ, કેપ્ટન બદલ્યો, અલગ કૉચ, ફૉર્મેટ બદલ્યું, ભારતીય ટીમ પહોંચી સાઉથ આફ્રિકા

Cricket News: ટીમ ઈન્ડિયાના મુખ્ય કૉચ ગૌતમ ગંભીર ન્યૂઝીલેન્ડ સામેની ટેસ્ટ સીરીઝમાં વ્યસ્ત હોવાના કારણે દક્ષિણ આફ્રિકાના પ્રવાસે ગયા નથી

(તસવીર- એબીપી લાઇવ)

Source : એબીપી લાઇવ

Cricket News: ભારતીય ક્રિકેટ ટીમને ન્યૂઝીલેન્ડ સામેની ટેસ્ટ સીરીઝમાં મળેલી હારને ભૂલવામાં ઘણો સમય લાગશે. આ દરમિયાન ટીમ ઈન્ડિયા એક અલગ ફોર્મેટમાં સાઉથ આફ્રિકા પહોંચી છે, જેમાં અલગ કેપ્ટન અને અલગ કૉચ છે. ભારતીય ટીમ 4 મેચની ટી20 સીરીઝ રમવા માટે સૂર્યકુમાર યાદવની કેપ્ટનશીપ હેઠળ વિદેશ પ્રવાસ પર ગઈ હતી. BCCIએ ટીમના આગમનની માહિતી પ્રશંસકો સાથે શેર કરી છે. વીવીએસ લક્ષ્મણ દક્ષિણ આફ્રિકામાં ટીમના કૉચની ભૂમિકામાં જોવા મળશે.

ટીમ ઈન્ડિયાના મુખ્ય કૉચ ગૌતમ ગંભીર ન્યૂઝીલેન્ડ સામેની ટેસ્ટ સીરીઝમાં વ્યસ્ત હોવાના કારણે દક્ષિણ આફ્રિકાના પ્રવાસે ગયા નથી. તેમના સ્થાને પૂર્વ ભારતીય બેટ્સમેન વીવીએસ લક્ષ્મણ ભારતીય ટીમના કૉચની જવાબદારી સંભાળશે. ભારતીય ટીમ આ પ્રવાસમાં ચાર ટી20 મેચ રમવાની છે. પ્રથમ મેચ 9 નવેમ્બરે કિંગ્સમીડ ખાતે રમાશે. બીજી મેચ 10મીએ સેન્ટ જ્યોર્જ ઓવલ ખાતે રમાશે. ત્રીજી ટી20 મેચ સુપરસ્પોર્ટ પાર્કમાં રમાશે જ્યારે છેલ્લી મેચ વોન્ડરર્સ સ્ટેડિયમમાં યોજાશે.

ટી20 સીરીઝનો કાર્યક્રમ  - 
1લી ટી20: - 8 નવેમ્બર, કિંગ્સમીડ
બીજી ટી20: - 10 નવેમ્બર, સેન્ટ જ્યોર્જ ઓવલ
3જી ટી20 - નવેમ્બર 13, સુપરસ્પોર્ટ પાર્ક
4થી ટી20: - 15 નવેમ્બર, વાન્ડરર્સ સ્ટેડિયમ

ટી20 સીરીઝ માટે બન્ને ટીમો -

ભારતની ટી20 ટીમઃ - 
સૂર્યકુમાર યાદવ (કેપ્ટન), અભિષેક શર્મા, સંજૂ સેમસન (વિકેટકીપર), રિંકુ સિંહ, તિલક વર્મા, જીતેશ શર્મા (વિકેટકીપર), હાર્દિક પંડ્યા, અક્ષર પટેલ, રમનદીપ સિંહ, વરુણ ચક્રવર્તી, રવિ બિશ્નોઈ, અર્શકુમાર સિંહ, વિજયકુમાર, આવેશ ખાન અને યશ દયાલ.

દક્ષિણ આફ્રિકાની ટી20 ટીમ: - 
એઇડન માર્કરમ (કેપ્ટન), ઓટનીલ બાર્ટમેન, ગેરાલ્ડ કોએત્ઝી, ડોનોવન ફરેરા, રીઝા હેન્ડ્રીક્સ, માર્કો જેન્સન, હેનરિક ક્લાસેન, પેટ્રિક ક્રુગર, કેશવ મહારાજ, ડેવિડ મિલર, મિહલાલી મ્પોન્ગવાના, નકાબા પીટર, રિયાન રિકેલટન, એન્ડિલ સિમલેન, લૂથો સિપામ્લા, ટ્રિસ્ટન સ્ટબ્સ.

આ પણ વાંચો