David Warnerએ ઇન્ટરનેશનલ ક્રિકેટને કહ્યું અલવિદા, આવી રહી દિગ્ગજ ક્રિકેટરની કેરિયર
David Warner Career: બાંગ્લાદેશ સામે અફઘાનિસ્તાનની જીત બાદ ઓસ્ટ્રેલિયા ટી20 વર્લ્ડકપમાંથી બહાર થઈ ગયું છે. આ દરમિયાન મોટા સમાચાર સામે આવી રહ્યા છે
David Warner Career: બાંગ્લાદેશ સામે અફઘાનિસ્તાનની જીત બાદ ઓસ્ટ્રેલિયા ટી20 વર્લ્ડકપમાંથી બહાર થઈ ગયું છે. આ દરમિયાન મોટા સમાચાર સામે આવી રહ્યા છે. વાસ્તવમાં ઓસ્ટ્રેલિયાના દિગ્ગજ ઓપનર ડેવિડ વોર્નરે આંતરરાષ્ટ્રીય ક્રિકેટને અલવિદા કહી દીધું છે. જોકે, તે IPL સહિત અન્ય લીગમાં રમવાનું ચાલુ રાખશે. ડેવિડ વોર્નરના નામે 49 આંતરરાષ્ટ્રીય સદી છે. પરંતુ હવે આ ખેલાડીએ આંતરરાષ્ટ્રીય ક્રિકેટને અલવિદા કહેવાનો નિર્ણય કર્યો છે.
ડેવિડ વોર્નરે 2011માં ન્યૂઝીલેન્ડ સામે ટેસ્ટ ડેબ્યૂ કર્યું હતું. આ પછી તેણે ત્રણેય ફોર્મેટમાં ઓસ્ટ્રેલિયાનું પ્રતિનિધિત્વ કરવાનું ચાલુ રાખ્યું. જોકે ડેવિડ વોર્નરની ટેસ્ટ કારકિર્દી ઉતાર-ચઢાવથી ભરેલી હતી, પરંતુ તે ODI અને T20 ફોર્મેટમાં ખૂબ જ સફળ રહ્યો હતો. આ સિવાય ડેવિડ વોર્નર IPLના સૌથી સફળ બેટ્સમેનોમાંનો એક છે. આ ખેલાડીની કેપ્ટનશીપમાં સનરાઇઝર્સ હૈદરાબાદે IPL 2016 જીતી હતી. સનરાઇઝર્સ હૈદરાબાદ ઉપરાંત તે IPLમાં દિલ્હી કેપિટલનો ભાગ રહી ચૂક્યો છે.
ડેવિડ વોર્નરે 112 ટેસ્ટ મેચોમાં ઓસ્ટ્રેલિયાનું પ્રતિનિધિત્વ કર્યું હતું. જેમાં આ ખેલાડીએ 44.6ની એવરેજથી 8786 રન બનાવ્યા છે. ટેસ્ટ ફોર્મેટમાં 3 બેવડી સદી ઉપરાંત ડેવિડ વોર્નરના નામે 26 સદી છે. આ સિવાય તેણે એક વખત 300 રનનો આંકડો પાર કર્યો છે. ઉપરાંત, આ બેટ્સમેને ટેસ્ટ મેચોમાં 37 અર્ધસદી ફટકારી છે.
આ સિવાય ODI ફોર્મેટમાં ડેવિડ વોર્નરે 97.26ની સ્ટ્રાઈક રેટ અને 45.01ની એવરેજથી 6932 રન બનાવ્યા છે. તેણે ODI મેચોમાં 22 સદી ફટકારી છે. 33 વખત પચાસ રનનો આંકડો પણ પાર કર્યો. ઓસ્ટ્રેલિયા માટે 110 T20 મેચોમાં ડેવિડ વોર્નરે 139.77ની સ્ટ્રાઈક રેટ અને 40.52ની એવરેજથી 6565 રન બનાવ્યા હતા. આ ફોર્મેટમાં ડેવિડ વોર્નરના નામે 1 સદી ઉપરાંત 28 અડધી સદી છે.
ટોપ સ્ટોરી
ટ્રેન્ડિંગ સમાચાર
