Ravindra Jadeja Film Production: રવિન્દ્ર જાડેજાએ ફિલ્મી દુનિયામાં કરી એન્ટ્રી, શેર કર્યું પોતાની પ્રથમ ફિલ્મનું પોસ્ટર 

ભારતીય ટીમના સ્ટાર ક્રિકેટર રવિન્દ્ર જાડેજાએ પણ ફિલ્મી દુનિયામાં એન્ટ્રી કરી છે.  રવિન્દ્ર જાડેજા તેની પત્ની રીવાબા સાથે મળીને એક ફિલ્મ બનાવી રહ્યા છે.

રવીંદ્ર જાડેજા

Ravindra Jadeja Film: ભારતીય ટીમના સ્ટાર ક્રિકેટર રવિન્દ્ર જાડેજાએ પણ ફિલ્મી દુનિયામાં એન્ટ્રી કરી છે.  રવિન્દ્ર જાડેજા તેની પત્ની રીવાબા સાથે મળીને એક ફિલ્મ બનાવી રહ્યા છે, જેની માહિતી ખુદ રવિન્દ્ર જાડેજાએ પોતાના સોશિયલ મીડિયા પ્લેટફોર્મ દ્વારા ફિલ્મનું પોસ્ટર શેર કરીને આપી છે. ચાલો તમને ભારતીય ક્રિકેટ ટીમના સ્ટાર ઓલરાઉન્ડર રવિન્દ્ર જાડેજાની આ પહેલી ફિલ્મ વિશે જણાવીએ.

રવિન્દ્ર જાડેજાની આ ફિલ્મનું નામ છે પછતર કા છોરા છે. આ ફિલ્મમાં રણદીપ હુડ્ડા,  સંજય મિશ્રા, નીના ગુપ્તા અને ગુલશન ગ્રોવર જેવા બોલિવૂડના દિગ્ગજ કલાકારો જોવા મળશે. રવિન્દ્ર જાડેજા અને તેના પત્ની રીવાબા આ ફિલ્મના સહ-નિર્માતા છે. જ્યારે આ ફિલ્મના ડાયરેક્ટર જયંત ગિલતર છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Ravindrasinh jadeja (@ravindra.jadeja)

જાડેજા પોતાની પત્નીની સાથે ફિલ્મ બનાવી રહ્યા છે

રવિન્દ્ર જાડેજાની આ ફિલ્મની લોન્ચ ડેટ સામે નથી આવી.  રવિન્દ્ર જાડેજાના પત્ની  જામનગરના ધારાસભ્ય છે અને તેઓ ત્યાં રહે છે. જ્યારે  રવિન્દ્ર જાડેજા હાલમાં ટીમ ઇન્ડિયા સાથે છે, જે બોર્ડર-ગાવસ્કર ટ્રોફી માટે ઓસ્ટ્રેલિયા સામે 4 ટેસ્ટ મેચની શ્રેણી રમી રહ્યા છે.

જાડેજાએ આશરે 6 મહિના બાદ આંતરરાષ્ટ્રીય ક્રિકેટમાં શાનદાર વાપસી કરી છે. જાડેજાએ ઓસ્ટ્રેલિયા ટેસ્ટ શ્રેણીમાં અત્યાર સુધીમાં 3 મેચ રમી છે અને તે પોતાના નામે 21 વિકેટ નોંધાવી છે. આ સિવાય તેણે બેટથી કેટલીક સારી ઇનિંગ્સ પણ રમી હતી. ભારતે આ શ્રેણીમાં નાગપુર અને દિલ્હી ટેસ્ટ મેચ જીતી હતી અને બંને મેચમાં પ્લેયર ઓફ ધ મેચનો એવોર્ડ રવિન્દ્ર જાડેજાને મળ્યો હતો.

હવે ભારતીય ટીમ આ ટેસ્ટ સિરીઝની છેલ્લી અને નિર્ણાયક મેચ અમદાવાદમાં રમશે.  આ મેચમાં પણ રવિન્દ્ર જાડેજાના ખભા પર ઘણી જવાબદારીઓ હશે,  કારણ કે જો ભારત આ મેચ જીતશે તો તે વર્લ્ડ ટેસ્ટ ચેમ્પિયનશિપની ફાઇનલમાં પહોંચી જશે અને જો નહી જીતે તો તેમણે શ્રીલંકા અને સાઉથ આફ્રીકાના જીતની ટકાવારી પર નિર્ભર રહેવું  પડશે.