ભારતના દિગ્ગજ ક્રિકેટરનું અચાનક લંડનમાં નિધન,રાજકોટ સાથે છે ખાસ કનેક્શન, ક્રિકેટ જગતમાં શોકની લહેર

Dilip Doshi Died In London: ભારતીય ક્રિકેટ ટીમના ભૂતપૂર્વ ખેલાડી અને ડાબા હાથના સ્પિનરનું લંડનમાં અવસાન થયું છે. તેમણે ભારત માટે 33 ટેસ્ટ અને 15 વનડે રમી હતી.

ભૂતપૂર્વ ભારતીય દિગ્ગજનું નિધન

Source : Getty Images

Dilip Doshi Died In London: ભૂતપૂર્વ ભારતીય ક્રિકેટર દિલીપ દોશીનું અવસાન થયું છે. દિલીપ દોશીએ સોમવાર, 23 જૂને લંડનમાં અંતિમ શ્વાસ લીધા. તેઓ ઘણા દાયકાઓથી લંડનમાં રહેતા હતા. દિલીપ દોશીનું હૃદયરોગના હુમલાથી અવસાન થયું. તેમણે 32 વર્ષની ઉંમરે ટેસ્ટ ક્રિકેટમાં પ્રવેશ કર્યો હતો અને માત્ર ચાર વર્ષની કારકિર્દીમાં, દિલીપ દોશીએ 100 થી વધુ વિકેટો લીધી હતી. તેમણે અચાનક અને ખૂબ જ શાંતિથી ક્રિકેટથી પોતાને દૂર કરી દીધા હતા. દિલીપ દોશીએ તેમના ક્રિકેટ કારકિર્દી પર એક આત્મકથા પણ લખી છે, જેનું નામ છે સ્પિન પંચ. દિલીપ દોશીનો જન્મ રાજકોટમાં થયો હતો. તેઓ રણજી ટ્રોફીમાં સૌરાષ્ટ્ર અને બંગાળ તરફથી રમ્યા હતા. તેઓએ ભારત માટે 1979 થી 1883 દરમિયાન 33 ટેસ્ટ મેચ અને 15 વન-ડે રમી હતી.

 

Former India spinner Dilip Doshi dies of cardiac arrest in London, confirms sources close to the cricketer. He was 77. pic.twitter.com/cCcmezDvZg

— Press Trust of India (@PTI_News) June 23, 2025

દિલીપ દોશીએ ટેસ્ટમાં 100 થી વધુ વિકેટો લીધી હતી

દિલીપ દોશી ભારતના ડાબા હાથના સ્પિન બોલર હતા. તેઓ 1979 થી 1983 વચ્ચે ભારતની આંતરરાષ્ટ્રીય ટીમનો ભાગ હતા. તેમણે 32 વર્ષની ઉંમરે તેમની ટેસ્ટ કારકિર્દીની શરૂઆત કરી હતી. તેમણે તેમની કારકિર્દીમાં ભારત માટે 33 ટેસ્ટ અને 15 વનડે રમ્યા હતા. દિલીપ દોશીએ 33 મેચોમાં 114 વિકેટો લીધી હતી. તે જ સમયે, તેમણે છ વખત પાંચ વિકેટો લેવાનો રેકોર્ડ બનાવ્યો છે.

ODI માં પણ સફળ કારકિર્દી

દિલીપ દોશીએ પોતાની કારકિર્દીમાં 15 ODI રમી, જેમાં તેમણે 3.96 ની ઇકોનોમી સાથે બોલિંગ કરી અને કુલ 22 વિકેટ લીધી. આ ઉપરાંત, દિલીપ દોશીએ ફર્સ્ટ ક્લાસ ક્રિકેટ પણ રમી છે. તેમણે સૌરાષ્ટ્ર, બંગાળ, બર્કશાયર અને નોટિંગહામશાયર માટે ફર્સ્ટ ક્લાસ ક્રિકેટ રમી છે.

દિલીપ દોશીનો પરિવાર
દિલીપ દોશીના પરિવારમાં તેમની પત્ની કાલિંદી, એક પુત્ર નયન અને એક પુત્રી વિશાખાનો સમાવેશ થાય છે. દિલીપ દોશીનો પુત્ર નયન પણ સૌરાષ્ટ્ર અને સરી માટે ફર્સ્ટ ક્લાસ ક્રિકેટ રમી ચૂક્યો છે. દિલીપ દોશી એક દાયકાથી વધુ સમયથી તેમના પરિવાર સાથે લંડનમાં રહેતા હતા અને તેમણે ત્યાં જ અંતિમ શ્વાસ લીધા.

બીસીસીઆઈએ આપી શ્રદ્ધાંજલિ

The BCCI mourns the sad demise of former India spinner, Dilip Doshi, who has unfortunately passed away in London.

May his soul rest in peace 🙏 pic.twitter.com/odvkxV2s9a

— BCCI (@BCCI) June 23, 2025

આ પણ વાંચો

93 વર્ષના ભારતીય ટેસ્ટ ક્રિકેટના ઇતિહાસમાં ઋષભ પંતે રચ્યો નવો ઇતિહાસ: લીડ્સ ટેસ્ટની બંને ઇનિંગ્સમાં….

ભારત ઈંગ્લેન્ડ શ્રેણી વચ્ચે પૃથ્વી શોએ ટીમ છોડી, જાણો હવે 'જુનિયર સેહવાગ' કઈ નવી ટીમ માટે રમશે