IND vs ENG: રૂટે ઈગ્લેન્ડને અપાવી શાનદાર જીત, કોહલી-ઐય્યરની અડધી સદી કામ ન આવી

IND vs ENG: બીજી વનડેમાં જો રૂટના શાનદાર અણનમ 99 રનની મદદથી ઇંગ્લેન્ડે ભારતને ચાર વિકેટથી હરાવ્યું.

બીજી વનડેમાં જો રૂટના શાનદાર અણનમ 99 રનની મદદથી ઇંગ્લેન્ડે ભારતને ચાર વિકેટથી હરાવ્યું.

Source : ANI

Show Quick Read

Key points generated by AI, verified by newsroom

• કાર્ડિફ ODIમાં ઇંગ્લેન્ડે ભારતને 4 વિકેટે હરાવ્યું.
• જો રૂટે અણનમ 99 રન બનાવી ઇંગ્લેન્ડને જીત અપાવી.
• કોહલી અને ઐયરે ભારત માટે 65-66 રન બનાવ્યા.
• આ જીતથી શ્રેણી 1-1થી બરાબર, નિર્ણાયક મેચ લોર્ડ્સમાં.

IND vs ENG:  ગુરુવારે કાર્ડિફના સોફિયા ગાર્ડન્સ ખાતે રમાયેલી બીજી વનડેમાં જો રૂટના શાનદાર અણનમ 99 રનની મદદથી ઇંગ્લેન્ડે ભારતને ચાર વિકેટથી હરાવ્યું. આ જીતથી ત્રણ મેચની વનડે શ્રેણી 1-1થી બરાબર થઈ ગઈ. હવે રવિવારે લોર્ડ્સમાં રમાનારી ત્રીજી અને અંતિમ મેચમાં શ્રેણીનો નિર્ણય થશે. ભારતે પ્રથમ બેટિંગ કરતા 44 ઓવરમાં 233 રન બનાવ્યા. જવાબમાં ઇંગ્લેન્ડે 44.1 ઓવરમાં છ વિકેટ ગુમાવીને લક્ષ્ય હાંસલ કરી લીધું.

રૂટે ઇનિંગ્સને સ્થિર કરી

ઇંગ્લેન્ડની 234 રનનો પીછો કરવાની શરૂઆત સારી નહોતી. જસપ્રીત બુમરાહે બેન ડકેટને વહેલા આઉટ કરીને ભારતને પ્રથમ સફળતા અપાવી હતી જ્યારે પ્રસિદ્ધ કૃષ્ણાએ જેકબ બેથેલને આઉટ કર્યો હતો. હેરી બ્રુક પણ ગુરનૂર બરારનો બોલ માત્ર 16 રનમાં આઉટ થયો હતો. એક સમયે ઇંગ્લેન્ડનો સ્કોર પાંચ વિકેટે 125 રન કર્યા હતા. પરંતુ અનુભવી બેટ્સમેન જો રૂટે પોતાની હિંમત જાળવી રાખી અને ઇનિંગ્સને સ્થિર કરી હતી. તેણે વિલ જેક્સ (30) સાથે છઠ્ઠી વિકેટ માટે 72 રનની મહત્વપૂર્ણ ભાગીદારી કરીને ટીમને વિજય અપાવ્યો. રૂટે 133 બોલમાં અણનમ 99 રન બનાવ્યા. તે સદીથી માત્ર એક રન દૂર રહ્યો, પરંતુ ગુસ એટકિન્સને વિજયી બાઉન્ડ્રી ફટકારીને મેચ જીતી લીધી. સેમ કુરને 26 રનનું યોગદાન આપ્યું, જ્યારે કેપ્ટન જોસ બટલરને 11 રન બનાવીને અક્ષર પટેલે આઉટ કર્યો.

ભારતીય બોલરોએ શરૂઆતમાં દબાણ બનાવ્યું

ભારતીય ઝડપી બોલરોએ નવા બોલ સાથે શાનદાર પ્રદર્શન કર્યું. બુમરાહ, પ્રસિદ્ધ કૃષ્ણા અને ગુરનુર બરારે શરૂઆતમાં ફટકા માર્યા, જેનાથી ઈંગ્લેન્ડ પર દબાણ આવ્યું. જોકે, ત્યારબાદ રૂટે શાનદાર બેટિંગ કરી ભારતીય બોલરોને વાપસી કરવાની તક ગુમાવી દીધી. ગુરનુરે બે વિકેટ લીધી, જ્યારે બુમરાહ, પ્રસિદ્ધ, શિવમ દુબે અને અક્ષર પટેલે એક-એક વિકેટ લીધી.

કોહલી અને ઐયરે ભારતની ઇનિંગને મજબૂત બનાવી

અગાઉ ટોસ હારીને પ્રથમ બેટિંગ કરવાનો નિર્ણય લીધા બાદ ભારતીય ટીમ 44 ઓવરમાં 233 રનમાં ઓલઆઉટ થઈ ગઈ. ભારત તરફથી વિરાટ કોહલી અને વાઈસ કપ્તાન શ્રેયસ ઐય્યર સૌથી વધુ સ્કોરર રહ્યા. કોહલીએ 66 બોલમાં 65 રનની શાનદાર ઇનિંગ રમી, જેમાં આઠ ચોગ્ગાનો સમાવેશ થાય છે. તેણે શરૂઆતથી જ આત્મવિશ્વાસથી બેટિંગ કરી અને ઘણા આકર્ષક શોટ રમ્યા. શ્રેયસ ઐય્યરે 71 બોલમાં 66 રન બનાવ્યા, બંને બેટ્સમેનોએ 67 રનની મહત્વપૂર્ણ ભાગીદારી કરી પરંતુ તેમના આઉટ થયા પછી ભારતીય બેટિંગ તૂટી પડી હતી 

રોહિત શર્મા ફરી ફ્લોપ થયો

ભારતીય ટીમ માટે સૌથી મોટી ચિંતા કેપ્ટન રોહિત શર્માનું ખરાબ ફોર્મ હતું. રોહિત 47 બોલમાં ફક્ત 26 રન જ બનાવી શક્યો. તેની ઇનિંગમાં ફક્ત એક છગ્ગોનો સમાવેશ થતો હતો અને તે લાંબા સમય સુધી રન બનાવવા માટે સંઘર્ષ કરતો હતો. ઇંગ્લેન્ડના બોલરોએ તેને સતત દબાણમાં રાખ્યો અને તેણે આખરે વિલ જેક્સના બોલ પર જોસ બટલરને સરળ કેચ આપ્યો. શુભમન ગિલે 31 રન બનાવ્યા જ્યારે ઇશાન કિશન માત્ર એક રન બનાવીને આઉટ થયો. નીચલા ક્રમના બેટ્સમેન વોશિંગ્ટન સુંદર (2), અક્ષર પટેલ (1) અને શિવમ દુબે (0) યોગદાન આપવામાં નિષ્ફળ રહ્યા. મધ્યમ ક્રમના પતનને કારણે ભારત મોટો સ્કોર બનાવી શક્યું નહીં, 26 બોલમાં 15 રન આપીને ચાર વિકેટ ગુમાવી દીધી.

ઇંગ્લેન્ડના બોલરોનું પ્રભાવશાળી પ્રદર્શન

ઇંગ્લેન્ડ તરફથી જોફ્રા આર્ચર સૌથી સફળ બોલર રહ્યો. તેણે 10 ઓવરમાં 47 રન આપીને ત્રણ વિકેટ લીધી અને ભારતીય બેટ્સમેનોને સતત દબાણમાં રાખ્યા. ગુસ એટકિન્સને પણ ત્રણ વિકેટ લીધી, જ્યારે સાકિબ મહમૂદે બે બેટ્સમેનને આઉટ કર્યા હતા.