ટીમ ઈન્ડિયાને મોટો ઝટકો: 77 રને રમતો કેએલ રાહુલ ઈજાગ્રસ્ત, મેદાનની તસવીરોએ વધારી ચિંતા

ગાલે ટેસ્ટના પહેલા દિવસે દેવદત્ત પડિકલે ઐતિહાસિક સદી ફટકારી, પરંતુ શાનદાર ફોર્મમાં રમી રહેલો કેએલ રાહુલ 77 રને રિટાયર્ડ હર્ટ થતાં ભારતીય છાવણીમાં ચિંતાનું મોજું ફરી વળ્યું છે.

kl rahul injury retired hurt ind vs sl 1st test galle update

Source : x

Show Quick Read

Key points generated by AI, verified by newsroom

• કેએલ રાહુલ ૭૭ રને ઇજાગ્રસ્ત થઈ, મેદાન છોડવું પડ્યું.
• દેવદત્ત પડિકલે ઐતિહાસિક ૧૩૧ રનની સદી ફટકારી અણનમ રહ્યો.
• ભારતે પહેલા દિવસના અંતે ૨૮૮/૨ રન બનાવ્યા, પડિકલ-પંત અણનમ.

KL Rahul injury update: ગાલે ઈન્ટરનેશનલ ક્રિકેટ સ્ટેડિયમમાં રમાઈ રહેલી પહેલી ટેસ્ટ મેચના પહેલા દિવસે ભારતીય બેટ્સમેનોનો જબરદસ્ત દબદબો જોવા મળ્યો. પણ, આ ખુશીની વચ્ચે ટીમ ઈન્ડિયાના ચાહકો માટે એક માઠા સમાચાર પણ સામે આવ્યા છે. શાનદાર ફોર્મમાં ચાલી રહેલો આપણો સ્ટાર બેટ્સમેન કેએલ રાહુલ ઈજાગ્રસ્ત થયો છે. રાહુલ બહુ જ સરસ રમી રહ્યો હતો અને 77 રન બનાવીને પોતાની સદી તરફ મક્કમ ડગલા માંડી રહ્યો હતો. પરંતુ, ત્રીજું સેશન શરૂ થાય તે પહેલાં જ તેની ઈજાના સમાચાર આવ્યા અને તેણે રિટાયર્ડ હર્ટ થઈને મેદાન છોડવું પડ્યું.

શરૂઆત રહી શાનદાર, પણ પછી આવ્યો વળાંક

મેચની વાત કરીએ તો, કેપ્ટન શુભમન ગિલે ટોસ જીતીને પહેલા બેટિંગ કરવાનો નિર્ણય લીધો હતો. ભારત તરફથી કેએલ રાહુલ અને યશસ્વી જયસ્વાલે ઓપનિંગ કર્યું. યશસ્વી 32 રન બનાવીને કમનસીબે રનઆઉટ થઈ ગયો. ત્યારપછી રાહુલ અને દેવદત્ત પડિકલે બાજી સંભાળી અને ઇનિંગને એક મજબૂત સ્થિતિમાં લાવી દીધી. બંનેએ બીજા સેશન સુધી પોતાની વિકેટ પડવા ન દીધી અને શ્રીલંકન બોલરોનો મક્કમતાથી સામનો કર્યો.

પીડામાં દેખાયો રાહુલ, માંડ ચઢી શક્યો સીડીઓ

ચાના વિરામ (ટી-બ્રેક) દરમિયાન રાહુલને હાથ અને પગમાં ભારે ખેંચાણ અને દુખાવો ઉપડ્યો. તે ફિઝિયો સાથે જ હતો અને ત્રીજા સેશનમાં બેટિંગ કરવા માટે ઉતરવાનો પૂરો પ્રયાસ કરી રહ્યો હતો. જોકે, તેનો દુખાવો એટલો બધો હતો કે તેણે મજબૂરીમાં રિટાયર્ડ હર્ટ થવું પડ્યું. તેની જગ્યાએ કેપ્ટન શુભમન ગિલ બેટિંગમાં આવ્યો, પણ તે માત્ર 16 રન બનાવીને આઉટ થઈ ગયો.

KL Rahul is struggling to walk, feel for him, was dominating at Galle. pic.twitter.com/0KF4G6vy1H

— Johns. (@CricCrazyJohns) August 15, 2026

રાહુલની જે તસવીરો સામે આવી છે તે ખરેખર ચિંતા ઉપજાવે તેવી છે. તે ફિઝિયોનો ટેકો લઈને માંડ-માંડ પવેલિયનની સીડીઓ ચઢતો જોવા મળ્યો હતો. તેના ચહેરા પરથી સ્પષ્ટ દેખાતું હતું કે તે ખૂબ જ પીડામાં છે. હાલમાં બીસીસીઆઈ (BCCI) તરફથી તેની ઈજા અંગે કોઈ સત્તાવાર નિવેદન કે અપડેટ આવ્યું નથી, પણ પરિસ્થિતિ જોતા ઈજા ગંભીર હોવાનું લાગી રહ્યું છે. નોંધનીય છે કે, સાઇ સુદર્શન અને જસપ્રીત બુમરાહ પહેલેથી જ ઈજાના કારણે શ્રીલંકા સામેની આ ટેસ્ટ સિરીઝમાંથી બહાર થઈ ગયા છે. હવે જો રાહુલ બહાર થશે તો ટીમ માટે મોટી મુશ્કેલી સર્જાશે.

આ પણ વાંચોઃ દેવદત્ત પડિકલે શ્રીલંકા સામે ફટકારી પ્રથમ ટેસ્ટ સદી, સૌરવ ગાંગુલીના ખાસ ક્લબમાં એન્ટ્રી

દેવદત્ત પડિકલની ઐતિહાસિક સદી

બીજી તરફ, ગેલે ટેસ્ટનો પહેલો દિવસ વરસાદના કારણે થોડો પ્રભાવિત રહ્યો અને કુલ 73 ઓવરની જ રમત શક્ય બની. પહેલા દિવસના અંતે ભારતે 2 વિકેટના નુકસાને 288 રન બનાવી લીધા છે. દિવસનો સૌથી મોટો હીરો રહ્યો દેવદત્ત પડિકલ, જેણે એક ઐતિહાસિક સદી ફટકારી છે. તે 15 ઓગસ્ટના રોજ ટેસ્ટ ક્રિકેટમાં સદી ફટકારનાર પ્રથમ ભારતીય બેટ્સમેન બની ગયો છે. પહેલા દિવસની રમત પૂરી થઈ ત્યારે પડિકલ 131 રન પર અને ઋષભ પંત 27 રન પર અણનમ રહ્યા હતા. હવે બીજા દિવસે આ બંને ખેલાડીઓ ભારતની ઇનિંગને આગળ વધારશે.

આ પણ વાંચોઃ WTC 2025-27 ફાઇનલ: ટીમ ઈન્ડિયાએ ફાઇનલમાં પહોંચવા કેટલી મેચ જીતવી પડશે? જાણો ગણિત