England vs New Zealand WC 2023: ઇગ્લેન્ડ અને ન્યૂઝિલેન્ડ વચ્ચે રમાશે વર્લ્ડકપની પ્રથમ મેચ, જાણો કોનું પલડુ છે ભારે ?
England vs New Zealand WC 2023: ન્યૂઝીલેન્ડનો દિગ્ગજ ખેલાડી વિલિયમસન પ્લેઈંગ ઈલેવનનો ભાગ નહીં હોય
England vs New Zealand WC 2023: વિશ્વ કપ 2023 ગુરુવારથી શરૂ થશે. તેની પ્રથમ મેચ ઈંગ્લેન્ડ અને ન્યૂઝીલેન્ડ વચ્ચે અમદાવાદના નરેન્દ્ર મોદી સ્ટેડિયમમાં રમાશે. આ બંને ટીમો ખૂબ જ મજબૂત છે અને મેદાન પર એકબીજાને ટક્કર આપતી જોવા મળશે. જોસ બટલરની કેપ્ટનશીપ હેઠળની ઈંગ્લેન્ડની ટીમ સંપૂર્ણપણે ફિટ છે. તે પ્લેઈંગ ઈલેવનમાં અનુભવી ખેલાડીઓને પ્રાથમિકતા આપશે. ન્યૂઝીલેન્ડની ટીમ કેન વિલિયમ્સન વિના મેદાનમાં ઉતરશે.
A rematch of the 2019 Final kicks things off at #CWC23 🏆
— ICC (@ICC) October 5, 2023
Who's your pick to win the opener? 👀 pic.twitter.com/lRJau3MbUJ
બટલરની સાથે ઈંગ્લેન્ડની ટીમમાં જો રૂટ, ડેવિડ મલાન, જોની બેયરસ્ટો અને બેન સ્ટોક્સ જેવા મહાન ખેલાડીઓ છે. તેણે ઘણી મેચોમાં શાનદાર પ્રદર્શન કર્યું છે. ઈંગ્લેન્ડની ટીમ તેને પ્લેઈંગ ઈલેવનમાં સ્થાન આપશે. માર્ક વુડ અને ક્રિસ વોક્સ શાનદાર બોલિંગ માટે જાણીતા છે. તેનાથી ટીમના બોલિંગ આક્રમણને મજબૂતી મળશે. મલાનની વાત કરીએ તો તેનો ન્યૂઝીલેન્ડ સામે સારો રેકોર્ડ છે. તેણે એક સદી અને બે અડધી સદી ફટકારી છે. વર્લ્ડ કપ મેચમાં રૂટનો રેકોર્ડ સારો છે.
ન્યૂઝીલેન્ડનો દિગ્ગજ ખેલાડી વિલિયમસન પ્લેઈંગ ઈલેવનનો ભાગ નહીં હોય. તેના બદલે ટોમ લાથમ કેપ્ટનશીપ કરતો જોવા મળી શકે છે. ન્યૂઝિલેન્ડની ટીમમાં ડેવોન કોનવે, વિલ યંગ, ગ્લેન ફિલીપ અને જીમી નીશમ પ્લેઈંગ ઈલેવનમાં સામેલ થઈ શકે છે. ટીમ પાસે મજબૂત બોલિંગ આક્રમણ છે. ટ્રેન્ટ બોલ્ટ, મેટ હેનરી અને ફર્ગ્યુસન અને રચિન રવિન્દ્ર પર તમામની નજર રહેશે.
ઈંગ્લેન્ડની સંભવિત પ્લેઇંગ ઇલેવન
જોની બેયરસ્ટો, ડેવિડ મલાન, જો રૂટ, બેન સ્ટોક્સ/હેરી બ્રુક, જોસ બટલર (કેપ્ટન, વિકેટકીપર), લિયામ લિવિંગસ્ટોન, મોઈન અલી, સેમ કુરન, ક્રિસ વોક્સ, આદિલ રશીદ, માર્ક વુડ.
ન્યૂઝિલેન્ડની સંભવિત પ્લેઇંગ ઇલેવન
ડેવોન કોનવે, વિલ યંગ, ડેરીલ મિશેલ, ટોમ લાથમ (કેપ્ટન, વિકેટકીપર), ગ્લેન ફિલિપ્સ, જીમી નીશમ/રચિન રવિન્દ્ર, મિશેલ સેન્ટનર, ઈશ સોઢી, મેટ હેનરી, ટ્રેન્ટ બોલ્ટ, લોકી ફર્ગ્યુસન
ટ્રેન્ડિંગ સમાચાર
ટોપ સ્ટોરી
