Cricket: વર્લ્ડકપની વચ્ચે આ બૉલરે 6 બૉલમાં 6 વિકેટો ઝડપી બધાને ચોંકાવ્યો, બન્યો ઐતિહાસિક રેકોર્ડ

ઓસ્ટ્રેલિયાના થર્ડ ડિવિઝન ક્લબના ક્રિકેટર ગેરેથ મોર્ગને સ્થાનિક મેચ દરમિયાન છ બૉલમાં છ વિકેટ ઝડપી હતી

પ્રતિકાત્મક તસવીર

Gareth Morgan 6 Wickets in 6 Balls: ક્રિકેટ અનિશ્ચિતતાઓની રમત છે, તેમાં શું થશે તે અંગે કંઈ કહી શકાય નહીં. આ રમત વિશે ઘણીવાર એવું કહેવામાં આવે છે કે ક્રિકેટ એક એવી રમત છે જ્યાં આગાહી નિષ્ફળ જાય છે. આ ગેમની ખાસિયત એ છે કે તેમાં કશું જ અશક્ય નથી. હાલમાં જ ઓસ્ટ્રેલિયાના એક બૉલરે અશક્ય લાગતું કામ કરી બતાવ્યું છે. આ બૉલરે 6 બૉલમાં 6 વિકેટો લઈને આખી દુનિયાને ચોંકાવી દીધી છે.

ઓસ્ટ્રેલિયાના થર્ડ ડિવિઝન ક્લબના ક્રિકેટર ગેરેથ મોર્ગને સ્થાનિક મેચ દરમિયાન છ બૉલમાં છ વિકેટ ઝડપી હતી, જેના કારણે તેની ટીમ વિજય નોંધાવવામાં સફળ રહી હતી. મુદગેરાબા નેરાંગ અને ડિસ્ટ્રિક્ટ્સ ક્રિકેટ ક્લબના કેપ્ટન મોર્ગને શનિવારે ગૉલ્ડ કૉસ્ટ પ્રીમિયર લીગ ડિવિઝન થ્રી સ્પર્ધામાં સર્ફર્સ પેરેડાઇઝ સામે ચાર રનથી જીત મેળવવા માટે છ બૉલમાં છ વિકેટ ઝડપી હતી.

40 ઓવરની મેચમાં 179 રનના લક્ષ્યાંકનો પીછો કરતા સર્ફર્સ પેરેડાઈઝની ટીમે છેલ્લી ઓવર પહેલા ચાર વિકેટે 174 રન બનાવી લીધા હતા. જોકે, મોર્ગને મેચના છેલ્લા છ બૉલમાં છ વિકેટ ઝડપી હતી અને પોતાની ટીમને ચાર રનથી વિજય અપાવ્યો હતો. સર્ફર્સના છેલ્લા પાંચ બેટ્સમેન પ્રથમ બૉલ પર ખાતું ખોલાવ્યા વિના આઉટ થઈ ગયા હતા અને ટીમ 174 રનમાં સમેટાઈ ગઈ હતી.

‘ABC.net.au’ મુજબ, બેટ્સમેનોએ છેલ્લી ઓવરના પહેલા ચાર બૉલ પર કેચ પકડ્યા જ્યારે છેલ્લી બે બેટ્સમેન બૉલ્ડ થયા. મૉર્ગને સાત ઓવરમાં 16 રન આપીને સાત વિકેટો ઝડપી હતી. મુદગેરાબાની ઇનિંગ દરમિયાન મોર્ગન 39 રન બનાવીને ટોપ સ્કૉરર પણ હતો.

એબીસીના રિપોર્ટ અનુસાર, પ્રૉફેશનલ ક્રિકેટમાં એક ઓવરમાં સૌથી વધુ વિકેટ લેવાનો રેકોર્ડ ન્યૂઝીલેન્ડના નીલ વેગનર, બાંગ્લાદેશના અલ અમીન હૂસૈન અને ભારતના અભિમન્યૂ મિથુનના નામે છે, જેમણે એક ઓવરમાં પાંચ વિકેટો લીધી છે.