(Source: ECI/ABP News/ABP Majha)
Prithvi Shaw Statement: ચેતેશ્વર પુજારાને લઈને આ શું બોલી ગયો પૃથ્વી શો, થઈ શકે છે બબાલ!
Prithvi Shaw Statement: વિસ્ફોટક બેટ્સમેન પૃથ્વી શૉ, જેને એક સમયે વીરેન્દ્ર સેહવાગ અને સચિન તેંડુલકરની બેટિંગનું કોમ્બિનેશન કહેવામાં આવતું હતું, તે લાંબા સમયથી ટીમ ઈન્ડિયાની બહાર છે.
Prithvi Shaw Statement: વિસ્ફોટક બેટ્સમેન પૃથ્વી શૉ, જેને એક સમયે વીરેન્દ્ર સેહવાગ અને સચિન તેંડુલકરની બેટિંગનું કોમ્બિનેશન કહેવામાં આવતું હતું, તે લાંબા સમયથી ટીમ ઈન્ડિયાની બહાર છે. પૃથ્વી શૉ તેની કારકિર્દીની આશાસ્પદ શરૂઆત બાદ હવે ભારતીય ટીમમાં સ્થાન મેળવવાની રેસમાં ઘણો પાછળ પડી ગયો છે, પરંતુ મુંબઈના યુવા ખેલાડીએ શનિવારે કહ્યું કે તે રાષ્ટ્રીય ટીમમાં પોતાનું સ્થાન પાછું મેળવવા માટે તેની કુદરતી 'આક્રમકતા'નો ઉપયોગ કરશે.
શૉએ ભારત માટે તેની છેલ્લી મેચ જુલાઈ 2021માં રમી હતી. જ્યારે તેણે કોલંબોમાં શ્રીલંકા સામે બ્લુ જર્સીમાં ટી20 ઈન્ટરનેશનલ મેચ રમી હતી. IPL 2023માં પણ શૉ બેટથી કંઈ ખાસ કરી શક્યો ન હતો.
શૉએ સેન્ટ્રલ ઝોન અને વેસ્ટ ઝોન વચ્ચે રમાયેલી દુલીપ ટ્રોફી મેચ બાદ કહ્યું, "વ્યક્તિગત રીતે, મને નથી લાગતું કે મારે મારી રમત બદલવાની જરૂર છે. હા, હું મારી રમતને બુદ્ધિપૂર્વક સુધારી શકું છું." હું ચેતેશ્વર પૂજારા સરની જેમ બેટિંગ કરી શકતો નથી અને પુજારા સર મારી જેમ બેટિંગ નથી કરી શકતા. વેસ્ટ ઝોનના ઓપનરે કહ્યું, હું એ જ કરવાનો પ્રયાસ કરી રહ્યો છું, જેની મદદથી હું અહીં સુધી પહોંચ્યો છું. ઉદાહરણ તરીકે, મારી આક્રમક બેટિંગ. હું તેને બદલવા માંગતો નથી.
શોએ કહ્યું કે તે તેની કારકિર્દીના આ તબક્કે શક્ય તેટલી વધુ મેચ રમવા માંગે છે. 23 વર્ષીય ખેલાડીએ કહ્યું કે ભારતીય ટીમમાં પુનરાગમન કરવા માટે દરેક રન તેના માટે ખૂબ જ મહત્વપૂર્ણ રહેશે. ઓપનિંગ બેટ્સમેને કહ્યું, મને લાગે છે કે આ સમયે મને જે પણ મેચ રમવાની તક મળી રહી છે તે મારા માટે ખૂબ જ મહત્વપૂર્ણ છે. ભલે હું દુલીપ ટ્રોફીમાં રમું કે મુંબઈ માટે રમું, મને લાગે છે કે તે મારા માટે મહત્વપૂર્ણ છે. આ સમયે મારે શ્રેષ્ઠ પ્રદર્શન કરવું ખૂબ જ મહત્વપૂર્ણ છે.
શો દુલીપ ટ્રોફી સેમિફાઇનલની બંને ઇનિંગ્સમાં સારી શરૂઆતને મોટા સ્કોરમાં ફેરવવામાં નિષ્ફળ રહ્યો હતો. તેણે 25 અને 26 રનની ઇનિંગ્સ રમી હતી. શૉએ કહ્યું કે અહીંના બેટ્સમેનો માટે પરિસ્થિતિ પડકારજનક હતી, પરંતુ તેમની પાસે તેનો સામનો કરવાની યોજના હતી. એવું શક્ય નથી કે તમે હંમેશા સંપૂર્ણ રહો. હું વધુ મહેનત કરવાનો પ્રયાસ કરું છું. T20 માં થોડી વધુ આક્રમક રાખવી પડે છે, પરંતુ માનસિકતા સમાન હોય છે.
Join Our Official Telegram Channel: https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
