World Cup 2023: જો ઓસ્ટ્રેલિયા સામે શુભમન ગીલ નહીં રમે તો કેવી હશે ટીમ ઈન્ડિયાની પ્લેઈંગ ઈલેવન, જાણો કોણ કરશે ઓપનિંગ

ICC Cricket World Cup 2023:  વન ડે ક્રિકેટ વર્લ્ડ કપ શરૂ થઈ ગયો છે. ભારતની પ્રથમ મેચ 8 ઓક્ટોબર, રવિવારે ચેન્નાઈના એમએ ચિદમ્બરમ સ્ટેડિયમમાં ઓસ્ટ્રેલિયા સામે રમાશે.

(તસવીર-ટ્વિટર)

Source : BCCI

ICC Cricket World Cup 2023:  વન ડે ક્રિકેટ વર્લ્ડ કપ શરૂ થઈ ગયો છે. ભારતની પ્રથમ મેચ 8 ઓક્ટોબર, રવિવારે ચેન્નાઈના એમએ ચિદમ્બરમ સ્ટેડિયમમાં ઓસ્ટ્રેલિયા સામે રમાશે. ભારતીય ચાહકો તેમજ વિશ્વભરના ક્રિકેટ ચાહકો આ મેચની આતુરતાથી રાહ જોઈ રહ્યા છે, કારણ કે આ બંને ટીમો આ વખતે વર્લ્ડ ચેમ્પિયન બનવાની પ્રબળ દાવેદાર માનવામાં આવે છે. આવી સ્થિતિમાં આ બંનેની પ્રથમ મેચ રોમાંચક બને તેવી પૂરી આશા છે.

જો કે આ મોટી મેચ પહેલા ભારતીય ટીમને મોટો ઝટકો લાગ્યો છે. છેલ્લા એક વર્ષથી શાનદાર ફોર્મમાં રહેલા શુભમન ગિલ ડેન્ગ્યુથી પીડિત છે. ગુરુવારે હાથ ધરાયેલી તપાસમાં તે બીમાર હોવાનું જાણવા મળ્યું હતું. આ કારણોસર શુભમન ગિલ શુક્રવારે પ્રેક્ટિસ કરવા આવ્યો ન હતો. મેડિકલ ટીમે તેમને આરામ કરવાની સલાહ આપી છે. આવી સ્થિતિમાં શુભમન ગિલ માટે ઓસ્ટ્રેલિયા સામેની પ્રથમ મેચમાં રમવું મુશ્કેલ છે. હવે સવાલ એ થાય છે કે જો તે નહીં રમે તો કેપ્ટન રોહિત શર્મા સાથે ઓપનિંગની જવાબદારી કોણ નિભાવશે અને ભારતની પ્લેઈંગ ઈલેવન કેવી હશે?

શુભમન વિના ભારતની પ્લેઈંગ ઈલેવન

રોહિત શર્મા અને શુભમન ગિલ ઉપરાંત, ઈશાન કિશન અને કેએલ રાહુલ પણ ભારતની વર્લ્ડ કપ ટીમમાં ઓપનર બેટ્સમેન છે, પરંતુ ઓપનિંગની જવાબદારી ઈશાન કિશનને મળે તેવી અપેક્ષા છે, કારણ કે કેએલ રાહુલ ઓપનિંગ કરતાં મિડલ ઓર્ડરમાં વધુ સારું પ્રદર્શન કરી રહ્યો છે. . આ સાથે જ ઈશાન કિશને વનડે ફોર્મેટમાં ઓપનર તરીકે બેવડી સદી પણ પોતાના નામે કરી છે. આવી સ્થિતિમાં, એવી પૂરી આશા છે કે ગિલ નહીં રમે તો ઈશાન કિશન રોહિત શર્માની સાથે ઓપનિંગની જવાબદારી લઈ શકે છે. આ સિવાય ભારતની ઓસ્ટ્રેલિયા સામેની મેચ ચેન્નાઈમાં રમાશે, જ્યાં સ્પિનને મદદ કરતી પીચ છે. આ કારણે ટીમ ઈન્ડિયા પોતાના ત્રણ મુખ્ય સ્પિનરો રવિન્દ્ર જાડેજા, કુલદીપ યાદવ અને રવિચંદ્રન અશ્વિનને પ્લેઈંગ ઈલેવનમાં રાખી શકે છે.

ઓસ્ટ્રેલિયા સામે ભારતની સંભવિત પ્લેઈંગ ઈલેવન - રોહિત શર્મા (કેપ્ટન), ઈશાન કિશન, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, રવિન્દ્ર જાડેજા, કુલદીપ યાદવ, રવિચંદ્રન અશ્વિન, મોહમ્મદ સિરાજ અને જસપ્રિત બુમરાહ.