IND vs AUS, 1st Test Live: પ્રથમ દિવસની રમત પૂર્ણ, ભારત 77/1, રોહિત શર્મા 56 રને રમતમાંં
IND vs AUS, 1st Test, VCA Stadium: અહીંની પીચ હંમેશા સ્પિનરો માટે ઘણી મદદગાર રહી છે. અહીં પહેલા જ દિવસથી સ્પિનરોને થોડી મદદ મળવા લાગે છે
LIVE
Background
India vs Australia 1st Test Probable Playing 11: ભારત અને ઓસ્ટ્રેલિયા વચ્ચે બોર્ડર-ગવાસ્કર ટ્રોફીની પ્રથમ મેચ 9 ફેબ્રુઆરીથી શરૂ થઈ રહી છે. આ મેચ નાગપુરના વિદર્ભ ક્રિકેટ એસોસિએશન સ્ટેડિયમમાં રમાશે. અહીંની પીચ હંમેશા સ્પિનરો માટે ઘણી મદદગાર રહી છે. અહીં પહેલા જ દિવસથી સ્પિનરોને થોડી મદદ મળવા લાગે છે. ત્રીજા-ચોથા દિવસથી સ્પિનરોનો સામનો કરવો ખૂબ મુશ્કેલ બની જાય છે. આવી સ્થિતિમાં ભારતીય ટીમ પોતાના પ્લેઈંગ-11માં કેટલા સ્પિનરોનો સમાવેશ કરે છે અને કયા સ્પિનરને સ્થાન મળે છે તે જોવું ખૂબ જ રસપ્રદ રહેશે.
Nagpur 📍
— BCCI (@BCCI) February 8, 2023
ARE YOU READY❓#TeamIndia | #INDvAUS pic.twitter.com/JgRsLTZFIp
નાગપુર ટેસ્ટ માટે ભારતીય ટીમમાં ચાર સ્પિનરો છે. આમાંથી બે જણાનું રમવું લગભગ નિશ્ચિત છે. પરંતુ વિકેટની હાલત જોઈને ટીમ ઈન્ડિયા આના પર ત્રણ સ્પિનરોને પણ મેદાનમાં ઉતારી શકે છે. ભારત માટે સૌથી સારી વાત એ છે કે ટીમના ચારમાંથી ત્રણ સ્પિનરો સારી બેટિંગ કરી રહ્યા છે. આવી સ્થિતિમાં જો તે પ્લેઇંગ-11માં આ સ્પિન ઓલરાઉન્ડરોને સામેલ કરે છે, તો તે બેટિંગમાં ઘણી ઊંડાઈ મેળવી શકે છે.
આર અશ્વિને ટેસ્ટમાં 5 સદી ફટકારી છે
ભારતીય ટીમ આ મેચમાં 6 બેટ્સમેન સાથે ઉતરશે. જો તે બે ફાસ્ટ બોલર અને ત્રણ સ્પિન ઓલરાઉન્ડરને પોતાની સાથે લેશે. આર અશ્વિન ટેસ્ટ ક્રિકેટમાં ભારતનો બીજો સૌથી વધુ વિકેટ લેનાર બોલર છે. બાંગ્લાદેશ સામેની છેલ્લી ટેસ્ટમાં તેણે શાનદાર બેટિંગ કરીને ભારતીય ટીમને જીત અપાવી હતી.
જાડેજા, અક્ષર અને કુલદીપનું પ્રદર્શન પણ શાનદાર છે.
રવિન્દ્ર જાડેજા પણ બોલ અને બેટ સાથે અસાધારણ પ્રદર્શન કરી રહ્યો છે. ટેસ્ટમાં 242 વિકેટની સાથે તેણે ત્રણ સદી પણ ફટકારી છે. અક્ષર પટેલે અત્યાર સુધી માત્ર 8 ટેસ્ટ રમી છે જેમાં તેણે 47 વિકેટ લીધી છે. અક્ષર ભારત માટે નીચલા ક્રમમાં બેટ્સમેન તરીકે પણ મહત્વપૂર્ણ સાબિત થઈ શકે છે. અહીં ટીમ ઈન્ડિયા પાસે કુલદીપ યાદવનો વિકલ્પ પણ છે, જે હાલમાં શાનદાર ફોર્મમાં છે અને ટીમ ઈન્ડિયાને વિવિધતા આપી શકે છે. કુલદીપ યાદવે વિદેશમાં ભારતની કેટલીક ઐતિહાસિક જીતમાં મહત્વની ભૂમિકા ભજવી છે.
અશ્વિન અને અક્ષર ચોક્કસ રમશે!
ભારત માટે આ ચારમાંથી કોઈ બે કે ત્રણ બોલરની પસંદગી કરવી મુશ્કેલ કામ હશે. આર અશ્વિન અને અક્ષર પટેલનું રમવાનું નિશ્ચિત છે. જો ભારતીય ટીમ ત્રીજા સ્પિનરને રમાડવા માંગે છે, તો તે કુલદીપ યાદવને પ્રાધાન્ય આપી શકે છે.
પ્રથમ દિવસે ભારત ઓસ્ટ્રેલિયાથી 100 રન પાછળ
પ્રથમ દિવસના અંતે ભારતે 1 વિકેટ ગુમાવી 77 રન બનાવ્યા છે. કેપ્ટન રોહિત શર્મા 56 રને બેટિંગ કરી રહ્યો છે. કેએલ રાહુલ 20 રન બનાવી આઉટ થયો હતો. ભારત ઓસ્ટ્રેલિયાના સ્કોરથી 100 રન પાછળ છે.
Stumps on Day 1️⃣ of the first #INDvAUS Test!#TeamIndia finish the day with 77/1, trailing by 100 runs after dismissing Australia for 177 👌🏻
— BCCI (@BCCI) February 9, 2023
We will see you tomorrow for Day 2 action!
Scorecard - https://t.co/edMqDi4dkU #INDvAUS | @mastercardindia pic.twitter.com/yTEuMvzDng
રોહિત-રાહુલની શાનદાર શરૂઆત
નાગપુર ટેસ્ટના પ્રથમ દિવસે ભારતીય ઓપનર્સે શાનદાર શરૂઆત કરી છે. 18 ઓવરમાં ભારતનો સ્કોર વિના વિકેટ 59 રન છે. રોહિત શર્મા 42 અને કેએલ રાહુલ 16 રને રમતમાં છે.
બીજા સત્રમાં શું થયું
બીજા સત્રમાં ઓસ્ટ્રેલિયાની ટીમે કુલ 6 વિકેટ ગુમાવીને 98 રન બનાવ્યા હતા. બીજા સત્રમાં રવિન્દ્ર જાડેજાએ કાતિલ બોલિંગ કરી હતી. તેણે બીજા સત્રમાં 4 વિકેટ ઝડપી હતી. જ્યારે અશ્વિને 2 વિકેટ લીધી હતી.
જાડેજાએ બે બોલમાં બે વિકેટ ઝડપી
લંચ બાદ રવિન્દ્ર જાડેજાએ પોતાનો જાદુ બતાવ્યો અને ઓસ્ટ્રેલિયાની ટીમને 84 રનમાં સતત બે વિકેટ ઝડપી હતી. પહેલા તેણે માર્નસ લાબુશેનને 49 રનમાં આઉટ કર્યો. તે પછીના બોલ પર જાડેજાએ નવા બેટ્સમેન મેટ રેનશોને એલબીડબ્લ્યુ આઉટ કર્યો હતો.
લંચ સુધીમાં ઓસ્ટ્રેલિયાની મક્કમ બેટિંગ
ભારતીય ટીમે નાગપુર ટેસ્ટ મેચના પહેલા દિવસે લંચ સુધી ઓસ્ટ્રેલિયાને દબાણમાં રાખ્યું હતું. કાંગારૂ ટીમે લંચ સુધી 2 વિકેટ ગુમાવીને 76 રન બનાવી લીધા હતા. હાલમાં સ્ટીવ સ્મિથ 19 અને માર્નસ લાબુશેન 47 રન બનાવીને અણનમ છે.