IND vs AUS, 4th Test: ઓસ્ટ્રેલિયા 480 રનમાં ઓલઆઉટ, ઉસ્માન ખ્વાજાના 180 રન, અશ્વિનની 6 વિકેટ
Border Gavaskar Trophy, 4th Test: કેમરૂન ગ્રીને ટેસ્ટ કરિયરની પ્રમ સદી ફટકારી.
IND vs AUS, 4th Test, Day 2: અમદાવાદના નરેન્દ્ર મોદી સ્ટેડિયમ પર ભારત-ઓસ્ટ્રેલિયા વચ્ચે રમાઈ રહેલી બોર્ડર ગાવસ્કર ટ્રોફીની ચોથી ટેસ્ટનો આજે બીજો દિવસ છે. બીજા દિવસે ત્રીજા સત્રમાં ઓસ્ટ્રેલિયાની ટીમ 480 રનમાં ઓલઆઉટ થઈ હતી. ઉસ્માન ખ્વાજાએ 180, કેમરૂન ગ્રીને 114 રન બનાવ્યા હતા. ભારત તરફથી અશ્વિને 91 રનમાં 6 અને શમીએ 134 રનમાં 2 વિકેટ લીધી હતી.
ખ્વાજા, ગ્રીન બાદ પૂંછડીયા બેટ્સમેનોએ પરેશાન કર્યા
ઉસ્માન ખ્વાન અને ગ્રીન વચ્ચે પાંચમી વિકેટ માટે 208 રનની પાર્ટનરશિપ થઈ હતી. જે બાદ ઓસ્ટ્રેલિયાએ ટૂંકાગાળામાં ત્રણ વિકેટ ગુમાવી હતી. પરંતુ 9મી વિકેટ માટે નાથન લાયન (34 રન) અને ટોડ મર્ફી (41 રન)એ 70 રનની પાર્ટનરશિપ કરી હતી.
Innings Break!
— BCCI (@BCCI) March 10, 2023
Australia are all out for 480 runs.@ashwinravi99 picks up six wickets 👏👏
Scorecard - https://t.co/8DPghkwsO6 #INDvAUS @mastercardindia pic.twitter.com/q8AgX4wwK2
પ્રથમ દિવસે ઓસ્ટ્રેલિયાએ ટોસ જીતી બેટિંગનો ફેંસલો કર્યો
મેચના પ્રથમ દિવસે ઓસ્ટ્રેલિયાએ ટોસ જીતીને બેટિંગનો ફેંસલો કર્યો હતો. પ્રથમ દિવસના અંતે ઓસ્ટ્રેલિયાએ 4 વિકેટના નુકસાન પર 255 રન બનાવ્યા હતા. ઉસ્માન ખ્વાજા 104 રન અને કેમરૂન ગ્રીન 49 રને રમતમાં હતા. ભારત તરફથી શમીને 2, જાડેજા અને અશ્વિનને 1-1 સફળતા મળી. ટોસ જીતીને પ્રથમ બેટિંગ કરવા ઉતરેલી ઓસ્ટ્રેલિયાની ટીમે મજબૂત શરૂઆત કરી હતી. ટ્રેવિડ હેડ (32 રન) અને ઉસ્માન ખ્વાજાએ પ્રથમ વિકેટ માટે 61 રનની પાર્ટનરશિપ કરી હતી. અશ્વિને હેડને આઉટ કરી ભારતને પ્રથમ સફળતા અપાવી હતી. માર્નસ લાબુશેન 3 રન બનાવી શમીની ઓવરમાં બોલ્ડ થયો હતો. જે બાદ સ્ટીવ સ્મિથ (38 રન) અને ઉસ્માન ખ્વાજાએ ત્રીજી વિકેટ માટે 79 રનની પાર્ટનરશિપ કરી હતી. પિટર હેંડસકોમ્બ 17 રન બનાવી શમીની ઓવરમાં બોલ્ડ થયો હતો.
ચોથી ટેસ્ટ માટેની ભારતીય ટીમ -
રોહિત શર્મા (કેપ્ટન), શુભમન ગીલ, ચેતેશ્વર પુજારા, વિરાટ કોહલી, શ્રેયસ, અય્યર, શ્રીકર ભરત (વિકેટકીપર), રવીન્દ્ર જાડેજા, અક્ષર પટેલ, રવિચંદ્રન અશ્વિન, મોહમ્મદ શમી, ઉમેશ યાદવ.
ચોથી ટેસ્ટ માટેની ઓસ્ટ્રેલિયન ટીમ -
ટ્રેવિસ હેડ, ઉસ્માન ખ્વાઝા, માર્નસ લાબુશાને, સ્ટીવ સ્મિથ (કેપ્ટન), પીટર હેન્ડસ્કૉમ્બ, કેમરૂન ગ્રીન, એલેક્સ કેરી (વિકેટકીપર), મિશેલ સ્ટાર્ક, ટૉડ મર્ફી, મેથ્યૂ કૂહેનમેન, નાથન લિયૉન.
સીરિઝમાં ભારત 2-1થી આગળ
બોર્ડર-ગાવસ્કર ટ્રોફીની વાત કરીએ તો ભારતીય ટીમ હાલમાં 2-1થી આગળ છે. રોહિત શર્માની કપ્તાનીવાળી ટીમ ઈન્ડિયાએ નાગપુર અને દિલ્હી ટેસ્ટમાં મહેમાન ઓસ્ટ્રેલિયાને હરાવ્યું હતું. જો કે ઈન્દોરમાં રમાયેલી ત્રીજી ટેસ્ટ મેચમાં ભારતીય ટીમને ઓસ્ટ્રેલિયાએ 9 વિકેટે પરાજય આપ્યો હતો. આ રીતે ભારતીય ટીમ 4 ટેસ્ટ મેચોની શ્રેણીમાં 2-1થી આગળ છે. આ સાથે જ ઈશાન કિશન અમદાવાદમાં ટેસ્ટ ડેબ્યૂ કરી શકે છે. જો ઈશાન કિશનને પ્લેઈંગ ઈલેવનમાં સામેલ કરવામાં આવે તો કેએસ ભરતને બહાર બેસવું પડી શકે છે. વાસ્તવમાં કેએસ ભરતે આ શ્રેણીમાં ટેસ્ટ ડેબ્યૂ કર્યું હતું, પરંતુ તે અપેક્ષા મુજબનું પ્રદર્શન કરી શક્યો નહીં.
ટોપ સ્ટોરી
ટ્રેન્ડિંગ સમાચાર
