Watch: ઓસ્ટ્રેલિયા ચોથા દિવસે ઓલઆઉટ થવાને આરે જ હતી પછી અચાનક બાજી પલટી ગઈ અને....
IND vs AUS 4th Test Day 4: ભારત અને ઓસ્ટ્રેલિયા વચ્ચે મેલબોર્ન ટેસ્ટના ચોથા દિવસે જસપ્રીત બુમરાહે કાંગારૂ ટીમની છેલ્લી વિકેટ લીધી હતી, પરંતુ પછી અચાનક પરિસ્થિતિ બદલાઈ ગઈ.
IND vs AUS 4th Test Day 4 Jasprit Bumrah No Ball: ભારત અને ઓસ્ટ્રેલિયા વચ્ચે રમાઈ રહેલી મેલબોર્ન ટેસ્ટનો ચોથો દિવસ ખૂબ જ નાટકીય રહ્યો. એક તરફ ભારતીય બોલરોએ ઓસ્ટ્રેલિયન બેટ્સમેનોને ક્રિઝ પર ન રહેવા દીધા અને બીજી તરફ કાંગારૂ ટીમના ટેલ એન્ડર્સે ભારતીય બોલરોને પરેશાન કરી દીધા. દિવસની છેલ્લી ઓવરમાં બુમરાહે લિયોનને આઉટ કરીને ઓસ્ટ્રેલિયાને ઓલઆઉટ કરી દીધું હતું, પરંતુ અચાનક બાજી એવી પલટી કે કે સમગ્ર ભારતીય કેમ્પ ઉદાસ થઈ ગયો.
તમને જણાવી દઈએ કે ભારતે ઓસ્ટ્રેલિયાની 9મી વિકેટ 65મી ઓવરમાં 173 રનમાં લીધી હતી, પરંતુ ત્યારબાદ 82મી ઓવર બાદ દિવસની રમત સમાપ્ત થઈ ગઈ હતી અને ઓસ્ટ્રેલિયાની ટીમ ઓલઆઉટ થઈ નહોતી. લિયોન અને બોલેન્ડે છેલ્લી એટલે કે 10મી વિકેટ માટે 55* (110 બોલ)ની ભાગીદારી કરી, જેણે ભારતીય બોલરોને સૌથી વધુ પરેશાન કર્યા.
છેલ્લી ઓવરમાં બાજી પટલાઈ ગઈ
ભારત તરફથી ચોથા દિવસની છેલ્લી ઓવર જસપ્રિત બુમરાહે ફેંકી હતી. બુમરાહે ઓવરના ચોથા બોલ પર નાથન લિયોનને સ્લિપ દ્વારા આઉટ કર્યો હતો. વિકેટ પડ્યા બાદ ભારતીય ટીમે ઓસ્ટ્રેલિયાના ઓલઆઉટ થવાની ઉજવણી કરી હતી. આ દરમિયાન અમ્પાયર તરફથી નો બોલનો સંકેત મળ્યો, જેને જોઈને સમગ્ર ભારતીય કેમ્પ ઉદાસ થઈ ગયો. આ રીતે ઓસ્ટ્રેલિયાની ટીમ ચોથા દિવસે ઓલઆઉટ થઈ શકી નહોતી.
In the last over of Day Four, Jasprit Bumrah thought he taken the final wicket.
— cricket.com.au (@cricketcomau) December 29, 2024
But it was called a no-ball. #AUSvIND pic.twitter.com/Yc9kjO3bVc
ઓસ્ટ્રેલિયા મજબૂત સ્થિતિમાં
બીજી ઇનિંગમાં બેટિંગ કરવા આવતા ઓસ્ટ્રેલિયાએ 173 રનના સ્કોર પર 9 વિકેટ ગુમાવી દીધી હતી. આ પછી નાથન લિયોન અને સ્કોટ બોલેન્ડ ક્રિઝ પર હાજર હતા. અહીંથી એવું લાગી રહ્યું હતું કે કાંગારૂ ટીમ 200 રન સુધી પહોંચી શકશે નહીં. પરંતુ લિયોન અને બોલેન્ડની જોડીએ શાનદાર ઇનિંગ રમીને ટીમને 228/9 રનના સ્કોર પર મૂકી દીધા હતા. દિવસના અંત સુધીમાં લિયોન 41 રન અને બોલેન્ડ 10 રન બનાવીને પેવેલિયન પરત ફર્યા હતા. દિવસના અંત સુધીમાં જસપ્રીત બુમરાહે ભારત તરફથી સૌથી વધુ 4 વિકેટ ઝડપી હતી.
આ પણ વાંચો....
IND vs AUS: શું રોહિત શર્મા ખરેખર નિવૃત્ત થવા જઈ રહ્યો છે? BCCIએ આપ્યું મોટું અપડેટ
ટોપ સ્ટોરી
ટ્રેન્ડિંગ સમાચાર
