વાવ-થરાદ જિલ્લા પંચાયતની બેઠકને લઈ નોટિફિકેશન જાહેર,જાણો કેટલી બેઠકો રહેશે અનામત
Banaskantha News: બનાસકાંઠા જિલ્લાના વિભાજન અને નવનિર્મિત વાવ-થરાદ જિલ્લાને લઈને સરકાર દ્વારા બેઠકોનું નોટિફિકેશન જાહેર કરવામાં આવ્યું છે.
Banaskantha News: બનાસકાંઠા જિલ્લાના વિભાજન અને નવનિર્મિત વાવ-થરાદ જિલ્લાને લઈને સરકાર દ્વારા બેઠકોનું નોટિફિકેશન જાહેર કરવામાં આવ્યું છે. આ ઐતિહાસિક નિર્ણયથી ઉત્તર ગુજરાતના વહીવટી માળખામાં મોટા ફેરફારો થયા છે.
નોંધનિય છે કે, 1 જાન્યુઆરી, 2025ના રોજ રાજ્ય મંત્રીમંડળની બેઠકમાં લેવાયેલા મહત્વના નિર્ણય બાદ બનાસકાંઠા જિલ્લાનું વિભાજન કરીને વાવ-થરાદને નવો જિલ્લો જાહેર કરવામાં આવ્યો હતો. આ નવા જિલ્લાની રચના સાથે જ જિલ્લા પંચાયતની બેઠકો અંગેનું નોટિફિકેશન પણ હવે સામે આવ્યું છે.
જિલ્લા પંચાયતની બેઠકોનું ગણિત
- નવનિર્મિત વાવ-થરાદ જિલ્લા પંચાયતમાં કુલ 30 બેઠકો રહેશે. આ બેઠકોનું અનામત માળખું નીચે મુજબ નક્કી કરવામાં આવ્યું છે:
- સામાન્ય બેઠકો: કુલ 17 બેઠકો સામાન્ય વર્ગ માટે રહેશે.
- OBC અનામત: પછાત વર્ગો માટે કુલ 8 બેઠકો અનામત રાખવામાં આવી છે.
- SC/ST અનામત: અનુસૂચિત જાતિ (SC) માટે 4 બેઠકો અને અનુસૂચિત જનજાતિ (ST) માટે 1 બેઠક અનામત રહેશે.
નવા જિલ્લાનું માળખું અને તાલુકાઓ
વાવ-થરાદ જિલ્લાનું મુખ્ય મથક (વડુંમથક) થરાદ રહેશે. આ જિલ્લામાં કુલ 8 તાલુકાઓનો સમાવેશ કરવામાં આવ્યો છે:
- વાવ
- થરાદ
- સુઈગામ
- દિયોદર
- લાખાણી
- ભાભર
- રાહ (નવો તાલુકો)
- ઢીમા (નવો તાલુકો)
બનાસકાંઠા જિલ્લાની નવી રૂપરેખા
વિભાજન પહેલા બનાસકાંઠામાં 14 તાલુકા હતા, પરંતુ હવે તેમાં 10 તાલુકાઓ રહેશે અને તેનું વડુંમથક પાલનપુર જ રહેશે. બનાસકાંઠામાં હવે પાલનપુર, વડગામ, દાંતા, અમીરગઢ, ડીસા, કાંકરેજ, ધાનેરા, દાંતીવાડા, ઓગડ અને હડાદ તાલુકાઓનો સમાવેશ થશે.
વિકાસને વેગ મળશે
સરકારના જણાવ્યા મુજબ, નવા જિલ્લાની રચનાથી સરહદી વિસ્તારોના વિકાસને વેગ મળશે. અત્યાર સુધી વાવ, થરાદ અને સુઈગામ જેવા અંતરિયાળ વિસ્તારોના લોકોએ જિલ્લા સ્તરના કામો માટે પાલનપુર સુધી લાંબુ થવું પડતું હતું, જે હવે સ્થાનિક સ્તરે જ ઉકેલાશે. વહીવટી તંત્ર નજીક આવવાથી નાગરિકોને ઝડપી અને પારદર્શક સેવાઓ પ્રાપ્ત થશે.
અગાઉ 9 નવી મહાનગરપાલિકાઓની જાહેરાત કરવામાં આવી હતી
આ અગાઉ, 2025ની શરૂઆતમાં, ભૂપેન્દ્ર પટેલ સરકારે રાજ્યમાં 9 નગરપાલિકાઓને મહાનગરપાલિકાનો દરજ્જો આપવાનો નિર્ણય કર્યો હતો. આમાં મહેસાણા, ગાંધીધામ, વાપી, નવસારી, આણંદ, સુરેન્દ્રનગર, નડિયાદ, મોરબી અને પોરબંદરનો સમાવેશ થાય છે. આ નિર્ણય પહેલાં, ગુજરાતમાં 8 મહાનગરપાલિકાઓ હતી - અમદાવાદ, વડોદરા, રાજકોટ, સુરત, જૂનાગઢ, ભાવનગર, જામનગર અને ગાંધીનગર. આ નવા ઉમેરા સાથે, રાજ્યમાં મહાનગરપાલિકાઓની કુલ સંખ્યા વધીને 17 થઈ ગઈ છે.
Before You Go
Ahmedabad news: દશેરા પહેલાં અમદાવાદમાં ફૂડ વિભાગનું ચેકિંગ, ફાફડા-જલેબીના સેમ્પલ લેવાયા
ટોપ સ્ટોરી
ટ્રેન્ડિંગ સમાચાર
