IND vs BAN Score Live: વર્લ્ડકપમાં ભારતની સતત ચોથી જીત, વિરાટ કોહલીની અણનમ સદી
ICC Cricket World Cup: ભારતીય ટીમ તેની પ્રથમ ત્રણ મેચ જીતીને મેદાનમાં ઉતરશે, જ્યારે બાંગ્લાદેશની ટીમ અત્યાર સુધી 3 મેચમાંથી માત્ર 2 જ જીતી શકી છે
Background
ICC Cricket World Cup: આજે વર્લ્ડ કપમાં ભારત અને બાંગ્લાદેશ વચ્ચે મેચ રમાવાની છે. આ વર્લ્ડ કપની 17મી મેચ છે અને ભારત અને બાંગ્લાદેશ બંને માટે આ ચોથી વર્લ્ડ કપ મેચ હશે. આ મેચ પુણેના મેદાન પર રમાશે. ભારતીય ટીમ તેની પ્રથમ ત્રણ મેચ જીતીને મેદાનમાં ઉતરશે, જ્યારે બાંગ્લાદેશની ટીમ અત્યાર સુધી 3 મેચમાંથી માત્ર 2 જ જીતી શકી છે. આ મેચમાં બાંગ્લાદેશના કેપ્ટને ટોસ જીતીને પ્રથમ બેટિંગ કરવાનો નિર્ણય લીધો છે. બાંગ્લાદેશના કેપ્ટન નઝમુલ હુસૈન શાંતોએ કહ્યું કે તે પિચ અને હવામાનને ધ્યાનમાં રાખીને પ્રથમ બેટિંગ કરવા માંગે છે, જ્યારે રોહિત શર્માએ કહ્યું કે તે ટોસ જીત્યા બાદ પ્રથમ બોલિંગ કરવા માંગે છે.
જો આ વર્લ્ડ કપની વાત કરીએ તો ભારતે પ્રથમ ત્રણ મેચ જીતી છે. જ્યારે બાંગ્લાદેશ 3 માંથી માત્ર એક મેચ જીતી શક્યું છે. તેના માટે આ મેચમાં પણ જીત મેળવવી ઘણી મુશ્કેલ બની શકે છે.
વર્લ્ડ કપ 2023માં ભારતે તેની પ્રથમ મેચ ઓસ્ટ્રેલિયા સામે રમી હતી. 6 વિકેટે જીત મેળવી હતી. આ પછી તેણે અફઘાનિસ્તાન અને પાકિસ્તાનને હરાવ્યું. ભારતીય ટીમ કુલદીપ યાદવ અને રવિન્દ્ર જાડેજા સાથે મેદાનમાં ઉતરી શકે છે. રવિચંદ્રન અશ્વિનને પણ આ મેચમાં બહાર બેસવું પડી શકે છે. જસપ્રીત બુમરાહ, મોહમ્મદ સિરાજ અને શાર્દુલ ઠાકુરની જગ્યા લગભગ નિશ્ચિત છે.
આ વર્લ્ડ કપમાં બાંગ્લાદેશે પોતાની પ્રથમ મેચ અફઘાનિસ્તાન સામે રમી હતી. જેમાં તેણે 6 વિકેટે જીત મેળવી હતી. આ પછી તેને ઈંગ્લેન્ડ અને ન્યૂઝીલેન્ડ સામે ભારે હારનો સામનો કરવો પડ્યો હતો. જો આપણે ઓવરઓલ વન-ડે રેકોર્ડ પર નજર કરીએ તો તેમાં પણ તે ભારત સામે ઘણો નબળો દેખાય છે. જોકે પુણેમાં ટીમ નવી રણનીતિ સાથે મેદાનમાં ઉતરશે. તે ભારતને પડકાર આપી શકે છે.
ટીમ ઈન્ડિયા હાલ પોઈન્ટ ટેબલમાં બીજા સ્થાન પર છે. ભારતે ત્રણેય મેચ જીતી છે. તેના 6 પોઈન્ટ છે. જ્યારે બાંગ્લાદેશની ટીમ ત્રણમાંથી માત્ર એક મેચ જીતી શકી છે. તેના 2 પોઈન્ટ છે.
ભારતની સતત ચોથી જીત
વન-ડે વર્લ્ડ કપ 2023ની 17મી મેચમાં ટીમ ઈન્ડિયાએ બાંગ્લાદેશને સાત વિકેટે હરાવ્યું છે. આ ટૂર્નામેન્ટમાં ભારતની આ સતત ચોથી જીત છે અને ટીમ ઈન્ડિયા પોઈન્ટ ટેબલમાં ટોપ પર પહોંચી ગઈ છે. બાંગ્લાદેશે ટોસ જીતીને બેટિંગ કરવાનો નિર્ણય કર્યો અને આઠ વિકેટે 256 રન કર્યા હતા. ભારતે વિરાટ કોહલીની સદીની મદદથી ત્રણ વિકેટ ગુમાવીને આ લક્ષ્યાંક હાંસલ કરી લીધો.
𝙃𝙐𝙉𝘿𝙍𝙀𝘿!
— BCCI (@BCCI) October 19, 2023
Number 4⃣8⃣ in ODIs
Number 7⃣8⃣ in international cricket
Take a bow King Kohli 👑🙌#CWC23 | #TeamIndia | #INDvBAN | #MenInBlue pic.twitter.com/YN8XOrdETH
વિરાટ કોહલીએ ફિફ્ટી ફટકારી
વિરાટ કોહલીએ પોતાની ફિફ્ટી પૂરી કરી લીધી છે. વિરાટની ફિફ્ટી 48 બોલમાં પુરી થઈ હતી. 28 ઓવર પછી ભારતનો સ્કોર બે વિકેટના નુકસાન પર 174 રન છે. ભારતને જીતવા માટે 83 રનની જરૂર છે.
ટોપ સ્ટોરી
ટ્રેન્ડિંગ સમાચાર
