![ABP Premium](https://cdn.abplive.com/imagebank/Premium-ad-Icon.png)
IND vs ENG, 1st T-20: ભારત-ઈંગ્લેન્ડ વચ્ચે આવતીકાલે પ્રથમ ટી-20, જાણો કઈ ચેનલ પરથી કેટલા વાગે થશે ટેલિકાસ્ટ
IND vs ENG, 1st T20: ભારત-ઈંગ્લેન્ડ વચ્ચે પ્રથમ ટી-20 રાત્રે 10.30 કલાકે શરૂ થશે. સાઉથેમ્પટન ટી20ના ટાઈમિંગથી બ્રોડકાસ્ટર, બીસીસીઆઈ અને ભારતીય ક્રિકેટ ફેંસ ઉપરાંત વિજ્ઞાપનદાતા પણ ખુશ નથી.
![IND vs ENG, 1st T-20: ભારત-ઈંગ્લેન્ડ વચ્ચે આવતીકાલે પ્રથમ ટી-20, જાણો કઈ ચેનલ પરથી કેટલા વાગે થશે ટેલિકાસ્ટ IND vs ENG 1st T20: Know live telecast details where to watch t20 Series on TV and probable playing xi IND vs ENG, 1st T-20: ભારત-ઈંગ્લેન્ડ વચ્ચે આવતીકાલે પ્રથમ ટી-20, જાણો કઈ ચેનલ પરથી કેટલા વાગે થશે ટેલિકાસ્ટ](https://feeds.abplive.com/onecms/images/uploaded-images/2021/11/21/5776887543a76d71bf1bfb714114ac20_original.jpg?impolicy=abp_cdn&imwidth=1200&height=675)
IND vs ENG 1st T20: ભારતીય ટીમ (INDIA) હાલમાં ઇંગ્લેન્ડ (ENGLAND) પ્રવાસમાં છે. ટેસ્ટમાં હાર બાદ હવે ભારતીય ટીમ ઇંગ્લેન્ડ સામે ટી20 સીરીઝ રમવાની છે. બન્ને ટીમો વચ્ચે પ્રથમ ટી20 આગામી 7મી જુલાઇથી શરૂ થવા જઇ રહી છે. સીરીઝની પહેલી મેચ ધ રૉઝ બાઉલ, સાઉથેમ્પ્ટન (The Rose Bowl, Southampton)માં રાત્રે 10:30 વાગ્યાથી શરૂ થશે. આ મેચ માટે ભારતીય ટીમે પ્રેક્ટિસ શરૂ કરી દીધી છે. હવે ટીમ ઇન્ડિયાનો પ્રેક્ટિસ વીડિયો સામે આવ્યો છે, આ વીડિયોમાં હાર્દિક, ચહલ અને કાર્તિક સખત પ્રેક્ટિસ કરતા દેખાઇ રહ્યાં છે.
ભારતીય કેપ્ટન રોહિત શર્મા રમશે
ભારતીય ટીમ માટે સારા સમાચાર છે. ભારતીય કેપ્ટન રોહિત શર્મા કોરોના વાયરસથી મુક્ત થયા બાદ ટીમ સાથે જોડાઈ ગયો છે. રોહિત શર્મા સાઉથેમ્પટન ટી20માં રમેશ તેમ માનવામાં આવે છે. ભારત-ઈંગ્લેન્ડ વચ્ચે પ્રથમ ટી-20 રાત્રે 10.30 કલાકે શરૂ થશે. સાઉથેમ્પટન ટી20ના ટાઈમિંગથી બ્રોડકાસ્ટર, બીસીસીઆઈ અને ભારતીય ક્રિકેટ ફેંસ ઉપરાંત વિજ્ઞાપનદાતા પણ ખુશ નથી.
પ્રથમ ટી20 માટે સંભવિત ભારતીય પ્લેઇંગ ઇલેવન
રોહિત શર્મા (કેપ્ટન), ઈશાન કિશન, સંજુ સેમસન, સૂર્ય કુમાર યાદવ, હાર્દિક પંડ્યા, દીપક હુડ્ડા, દિનેશ કાર્તિક, ભુવનેશ્વર કુમાર, હર્ષલ પટેલ, યુઝવેન્દ્ર ચહલ, રવિ બિશ્નોઈ / આવેશ ખાન.
પહેલી ટી20માં મેચનુ શિડ્યૂલ -
મેચ - પહેલી ટી20
તારીખ - 7 જુલાઇ 2022
સમય - 10:30 pm (ભારતીય સમયાનુસાર)
સ્થાન - ધ રૉઝ બાઉલ ક્રિકેટ ગ્રાઉન્ડ
કઈ ચેનલ પરથી થશે લાઇવ ટેલિકાસ્ટ
ભારત અને ઈંગ્લેન્ડ વચ્ચે રમાનારી ટી-20 સીરિઝનું પ્રસારણ ભારતમાં સોની નેટવર્ક પરથી થશે. મોબાઈલ યૂઝર્સ સોની લિવ એપ પર મેચ જોઈ શકશે. જિયો ટીપી એપ પરથી પણ સ્ટ્રીમિંગ નીહાળી શકાશે.
કેવું રહેશે હવામાન
સાઉથેમ્પટનમાં રમાનારી પ્રથમ ટી-20માં હળવો વરસાદ પડવાની સંભાવના છે. જોકે તેનાથી મેચ પ્રભાવિત થવાની સંભાવના નહીંવત છે. હવામાન મેચને અનુકૂળ રહેશે. તાપમાન 20 થી 24 ડિગ્રી સેલ્સિયસ રહેશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)