બદલાઈ ગઈ IND vs ENG બીજી વનડેની ટાઇમિંગ, 3 વાગ્યે શરૂ નહીં થાય મેચ; જાણો ક્યાં જોવા મળશે LIVE સ્ટ્રીમિંગ

IND vs ENG 2nd ODI Timing, Venue, Live Streaming: ભારત વિરુદ્ધ ઇંગ્લેન્ડ વનડે સિરીઝની પહેલી મેચ 3:30 વાગ્યે શરૂ થઈ હતી, પરંતુ આજે રમાનારી બીજી મેચનો સમય અલગ છે. જાણો LIVE સ્ટ્રીમિંગની વિગતો.

ભારત વિરુદ્ધ ઇંગ્લેન્ડ

Source : @BCCI

Show Quick Read

Key points generated by AI, verified by newsroom

• ભારત vs ઇંગ્લેન્ડ બીજી વનડે કાર્ડિફના સોફિયા ગાર્ડન્સમાં રમાશે.
• આ મેચ ભારતીય સમય અનુસાર સાંજે 5:30 વાગ્યે શરૂ થશે.
• સોની સ્પોર્ટ્સ નેટવર્ક અને જિયોહોટસ્ટાર પર લાઈવ જોઈ શકાશે.
• સિરીઝ જીતવા ભારત અજેય લીડ મેળવવા પ્રયાસ કરશે.

IND vs ENG 2nd ODI Timing, Venue, Live Streaming:  ભારત વિરુદ્ધ ઇંગ્લેન્ડ બીજી વનડે આજે કાર્ડિફમાં આવેલા સોફિયા ગાર્ડન્સ સ્ટેડિયમમાં રમાશે. ભારત આ મેચ જીતીને સિરીઝમાં અજેય લીડ મેળવવા માંગશે, જ્યારે સિરીઝ જીતવાની આશા જીવંત રાખવા માટે યજમાન ટીમને કોઈપણ ભોગે જીત જરૂરી છે. આજે રમાનારી રોમાંચક મેચનો સમય અલગ છે, જ્યારે ગત મેચ ભારતીય સમય અનુસાર બપોરે 3:30 વાગ્યે શરૂ થઈ હતી. જાણો આજે મેચ કેટલા વાગ્યે શરૂ થશે, તેનું લાઈવ પ્રસારણ કઈ ચેનલ પર અને લાઈવ સ્ટ્રીમિંગ કઈ એપ પર થશે.

 

પહેલી મેચમાં વિરાટ કોહલી અને રોહિત શર્માનું બેટ ચાલ્યું ન હતું, જ્યારે કેપ્ટન શુભમન ગિલે 80 રનની શાનદાર ઇનિંગ રમી હતી. જોવાનું રહેશે કે કેપ્ટન આજે રમે છે કે નહીં, કારણ કે ગત મેચમાં તે ઈજાના કારણે રિટાયર્ડ હર્ટ થઈને મેદાનની બહાર જતો રહ્યો હતો. તો બીજી તરફ સંદર અને અક્ષર પટેેલે શાનદાર બેટિંગ કરી ભારતને જીત અપાવી હતી.            

સોફિયા ગાર્ડન્સ સ્ટેડિયમમાં ટીમ ઈન્ડિયાનો રેકોર્ડ

ભારતીય ક્રિકેટ ટીમે 2014 પછી સોફિયા ગાર્ડન્સ સ્ટેડિયમમાં કોઈ મેચ રમી નથી, આ ગ્રાઉન્ડ પર રમાયેલી 4 મેચોમાંથી ભારતે 3માં જીત મેળવી છે. ઇંગ્લેન્ડ સામે અહીં રમાયેલી 2 મેચોમાંથી 1 ભારતે જીતી છે અને 1 માં હાર થઈ છે.

 

Hello, Cardiff 👋#TeamIndia touches down for the 2️⃣nd ODI as we look to seal the series 🙌#ENGvIND pic.twitter.com/pJ9uoOdvOP

— BCCI (@BCCI) July 16, 2026

કેટલા વાગ્યે શરૂ થશે IND vs ENG 2nd ODI?

ભારત વિરુદ્ધ ઇંગ્લેન્ડ બીજી વનડે કાર્ડિફના સમય અનુસાર બપોરે 1 વાગ્યે શરૂ થશે, આ સમયે ભારતમાં સાંજના 5:30 વાગ્યા હશે. ભારતીય સમય અનુસાર ટોસ સાંજે 5 વાગ્યે થશે.

IND vs ENG 2nd ODI નું લાઈવ પ્રસારણ ક્યાં?

ભારત વિરુદ્ધ ઇંગ્લેન્ડ બીજી વનડેનું લાઈવ પ્રસારણ સોની સ્પોર્ટ્સ નેટવર્કની ચેનલ પર થશે.

IND vs ENG 2nd ODI નું લાઈવ સ્ટ્રીમિંગ કઈ એપ પર થશે?

ભારત વિરુદ્ધ ઇંગ્લેન્ડ બીજી વનડેનું લાઈવ સ્ટ્રીમિંગ જિયોહોટસ્ટાર એપ અને વેબસાઈટ પર થશે.

આ પણ વાંચો

IND vs ENG: ફક્ત એક ખેલાડીની થશે એન્ટ્રી! બીજી વન-ડેમાં આવી હોઈ શકે છે ટીમ ઈન્ડિયાની સંભવિત પ્લેઈંગ-11

મોડે સુધી જાગવા તૈયાર રહેજો! ભારત-ઇંગ્લેન્ડ વચ્ચે રમાનાર 2જી વનડેના સમયમાં મોટો ફેરફાર