IND vs ENG: જેણે આપી ડેબ્યૂ કેપ એના જ રેકોર્ડની સરફરાઝ ખાને કરી બરાબરી, વાંચો રસપ્રદ કનેક્શન

Sarfaraz Khan એ રાજકોટમાં ઈંગ્લેન્ડ સામેની તેની ડેબ્યૂ ટેસ્ટમાં 62 રનની અડધી સદી ફટકારીને ધમાલ મચાવી હતી. જોકે, તે થોડો કમનસીબ હતો અને રનઆઉટ થયો હતો.

જેણે આપી ડેબ્યૂ કેપ એના જ રેકોર્ડની સરફરાઝ ખાને કરી બરાબરી

Source : Social Media

Anil Kumble and Sarfaraz Khan: સ્ટાર યુવા બેટ્સમેન સરફરાઝ ખાને રાજકોટમાં ઈંગ્લેન્ડ સામે ધમાકેદાર ડેબ્યૂ કર્યું હતું. તેની પ્રથમ મેચની પ્રથમ ઇનિંગ્સમાં, સરફરાઝ ખાને 62 રનની ઝડપી અડધી સદી ફટકારી, ઇંગ્લેન્ડના બોલરોને ધોઈ નાંખ્યા હતા. આ યુવા બેટ્સમેન ડેબ્યૂ મેચમાં જબરદસ્ત ટચમાં જોવા મળ્યો હતો. જો કે, તે થોડો કમનસીબ હતો અને રવિન્દ્ર જાડેજાના ખોટા કોલને કારણે નોન-સ્ટ્રાઈકર છેડે રનઆઉટ થયો હતો. રાજકોટમાં તેની ડેબ્યૂ મેચમાં રનઆઉટ થયા પછી પણ, સરફરાઝ ખાને ભારતના ભૂતપૂર્વ દિગ્ગજ અને તેને ડેબ્યૂ કેપ આપનાર વ્યક્તિ અનિલ કુંબલેના રેકોર્ડની બરાબરી કરી હતી.

સરફરાઝે અનિલ કુંબલેના અનિચ્છિત રેકોર્ડની બરાબરી કરી

રન આઉટ થકી સરફરાઝ ખાન અને અનિલ કુંબલે વચ્ચે ખાસ કનેક્શન બન્યું છે. વાસ્તવમાં, સરફરાઝ પહેલા અનિલ કુંબલેએ પણ 9 ઓગસ્ટ 1990ના રોજ માન્ચેસ્ટરમાં ઈંગ્લેન્ડ વિરુદ્ધ ટેસ્ટ ડેબ્યૂ કર્યું હતું. સરફરાઝની જેમ કુંબલે પણ તેની પ્રથમ ટેસ્ટની પ્રથમ ઇનિંગમાં રનઆઉટ થયો હતો. જોકે, કુંબલે તેની પ્રથમ ટેસ્ટ ઇનિંગમાં માત્ર 2 રન જ બનાવી શક્યો હતો. જે સરફરાઝના પ્રથમ દાવ કરતા 60 રન ઓછા છે.

કુંબલેની જેમ સરફરાઝ પણ ઇંગ્લેન્ડ સામે ડેબ્યૂ ટેસ્ટની પ્રથમ ઇનિંગમાં રનઆઉટ થયો હતો. જો કે, સરફરાઝ માટે કુંબલેની બેટિંગ કરતાં તેનું ડેબ્યૂ ઘણું ખાસ હતું. તેણે 66 બોલમાં 9 ચોગ્ગા અને 1 છગ્ગાની મદદથી 62 રન બનાવ્યા હતા.

અનિલ કુંબલેએ સરફરાઝને ડેબ્યૂ કેપ આપી હતી

સરફરાઝ ખાનને રાજકોટ ટેસ્ટમાં ભૂતપૂર્વ ભારતીય સ્પિન બોલર અનિલ કુંબલે દ્વારા ડેબ્યૂ ટેસ્ટ કેપ આપવામાં આવી હતી. આવી સ્થિતિમાં ઈંગ્લેન્ડ સામે ડેબ્યૂ ટેસ્ટ કેપ લઈને કુંબલેના રેકોર્ડની બરાબરી કરવી એક રસપ્રદ સંયોગ છે. સરફરાઝ મેચની બીજી ઇનિંગમાં પોતાના રન આઉટને ભૂલીને ભારત માટે મોટી ઇનિંગ રમવા માંગશે.