અભિષેક શર્મા અને સંજુ સેમસન શૂન્ય રને આઉટ, ભારતીય ક્રિકેટના ઇતિહાસમાં નોંધાયો શરમજનક રેકોર્ડ

IND vs IRE T20 2026: આયર્લેન્ડ સામેની બીજી T20 મેચની પ્રથમ ઓવરમાં જ બંને ભારતીય ઓપનર ખાતું ખોલાવ્યા વિના પેવેલિયન પરત ફર્યા, આંતરરાષ્ટ્રીય T20 માં આવું માત્ર ત્રીજી વખત બન્યું.

ind vs ire t20 abhishek sharma sanju samson duck record cricket updates

Source : ai

Show Quick Read

Key points generated by AI, verified by newsroom

• ભારત-આયર્લેન્ડ T20માં અભિષેક, સંજુ શૂન્ય રને આઉટ.
• T20માં ત્રીજીવાર ભારતીય ઓપનરો શૂન્ય પર આઉટ.
• સંજુ સેમસન T20માં બે વાર પ્રથમ બોલે આઉટ.

IND vs IRE T20 2026: ભારત અને આયર્લેન્ડ વચ્ચે રમાયેલી બીજી T20 મેચમાં ભારતીય ટીમના ઓપનિંગ બેટ્સમેન અભિષેક શર્મા અને સંજુ સેમસને પોતાના નામે એક અત્યંત શરમજનક અને અનિચ્છનીય રેકોર્ડ નોંધાવ્યો છે. 155 રનના લક્ષ્યાંકનો પીછો કરવા ઉતરેલી ભારતીય ટીમના બંને ઓપનર ઇનિંગની પહેલી જ ઓવરમાં શૂન્ય રને (ખાતું ખોલાવ્યા વિના) આઉટ થઈ ગયા હતા. ભારતીય T20 ક્રિકેટના ઇતિહાસમાં આવું માત્ર 3 જી વખત બન્યું છે જ્યારે બંને ઓપનરોએ 0 રને પોતાની વિકેટ ગુમાવી હોય.

આયર્લેન્ડના બોલર જય મુન્દ્રાનો તરખાટ

આયર્લેન્ડ સામેની આ બીજી T20 મેચમાં પ્રથમ બેટિંગ કરતા આયર્લેન્ડની ટીમે નિર્ધારિત 20 ઓવરમાં 154 રન બનાવ્યા હતા. આ લક્ષ્યાંકનો પીછો કરવા મેદાનમાં ઉતરેલી ભારતીય ટીમની શરૂઆત અત્યંત ખરાબ રહી હતી. આયર્લેન્ડ તરફથી રમતા ભારતીય મૂળના બોલર જય મુન્દ્રાએ તરખાટ મચાવતા ઇનિંગની પહેલી જ ઓવરમાં અભિષેક શર્મા અને સંજુ સેમસનને પેવેલિયનનો રસ્તો બતાવી દીધો હતો. બંને બેટ્સમેન 0 રને આઉટ થતાં ભારતીય છાવણીમાં શરૂઆતમાં જ ભારે નિરાશા વ્યાપી ગઈ હતી.

ભારતીય ક્રિકેટના ઇતિહાસમાં આવું માત્ર 3 જી વખત બન્યું

આંતરરાષ્ટ્રીય T20 ક્રિકેટના ઇતિહાસ પર નજર કરીએ તો, આ માત્ર ત્રીજો જ પ્રસંગ છે જ્યારે બંને ભારતીય ઓપનર ખાતું ખોલાવ્યા વિના પ્રથમ ઓવરમાં જ આઉટ થયા હોય.

આ અગાઉ વર્ષ 2016 માં પાકિસ્તાન સામેની મેચમાં રોહિત શર્મા અને અજિંક્ય રહાણે શૂન્ય રને આઉટ થયા હતા.

ત્યારબાદ વર્ષ 2023 માં દક્ષિણ આફ્રિકા સામેની મેચમાં શુભમન ગિલ અને યશસ્વી જયસ્વાલ પણ પ્રથમ ઓવરમાં જ ખાતું ખોલાવ્યા વિના પેવેલિયન પરત ફર્યા હતા.

હવે આ શરમજનક યાદીમાં આયર્લેન્ડ સામે અભિષેક શર્મા અને સંજુ સેમસનનું નામ પણ જોડાઈ ગયું છે.

આ પણ વાંચોઃ વૈભવ સૂર્યવંશીને બીજી T20I માં રમવવા મળશે કે નહીં? આવી હશે ભારત અને આયર્લેન્ડની સંભવિત પ્લેઇંગ ઇલેવન

સંજુ સેમસનના નામે નોંધાયો વધુ એક ખરાબ રેકોર્ડ

આ મેચમાં સંજુ સેમસન માટે સ્થિતિ વધુ નિરાશાજનક રહી હતી, કારણ કે તે ઇનિંગના પહેલા જ બોલ પર આઉટ થયો હતો. આ સાથે જ સેમસન T20 ક્રિકેટના ઇતિહાસમાં 2 વખત ઇનિંગના પહેલા જ બોલ પર આઉટ થનાર એકમાત્ર ભારતીય બેટ્સમેન બની ગયો છે. અત્રે ઉલ્લેખનીય છે કે તેના પહેલા કે.એલ. રાહુલ, પૃથ્વી શો, રોહિત શર્મા અને ખુદ અભિષેક શર્મા પણ T20 માં ઇનિંગના પ્રથમ બોલ પર આઉટ થવાનો અણગમતો રેકોર્ડ ધરાવે છે. ક્રિકેટ નિષ્ણાતોના મતે, આ પ્રકારની શરૂઆત કોઈપણ ટીમ માટે એક મોટો ફટકો સાબિત થાય છે.

આ પણ વાંચોઃ IND vs IRE: બીજી T20માં બદલાશે ટીમ ઇન્ડિયાની પ્લેઇંગ 11; વૈભવ સૂર્યવંશીને મળશે તક?