IND vs NZ: તેના સિવાય કોઈ પણ ભારતીય કેપ્ટન આ કામ કરી શક્યો નથી, અજિંક્ય રહાણેનો છે આ શાનદાર રેકોર્ડ

પ્રથમ વખત વર્ષ 2017માં ઓસ્ટ્રેલિયા સામે ધર્મશાલામાં રમાયેલી ચોથી ટેસ્ટ મેચમાં કેપ્ટન તરીકેની તક મળી હતી.

અજિંક્ય રહાણે

IND vs NZ: અજિંક્ય રહાણે ભારતીય ખેલાડીઓમાં શ્રેષ્ઠ રેકોર્ડ ધરાવે છે જેમણે ઓછામાં ઓછી 5 ટેસ્ટ મેચોમાં કેપ્ટનશીપ કરી છે. ન્યુઝીલેન્ડ વિરૂદ્ધ કાનપુર ટેસ્ટ મેચ પહેલા ટીમે 5માંથી 4 મેચ જીતી છે જેમાં રહાણેએ કેપ્ટનશીપ કરી છે.

છેલ્લા કેટલાક વર્ષોમાં, જ્યારે પણ વિરાટ કોહલી ઈજાના કારણે મેચ રમી શક્યો ન હતો અથવા અંગત કારણોસર આરામ લીધો હતો, ત્યારે રહાણેને સ્ટેન્ડ બાય કેપ્ટન તરીકે ટીમનું નેતૃત્વ કરવાની તક મળી હતી અને તે પ્રસંગોએ રેહાણેએ તેનું શાનદાર પરફોર્મ કરીને પણ પોતાની જાતને સાબિત કરી છે.

તેને પ્રથમ વખત વર્ષ 2017માં ઓસ્ટ્રેલિયા સામે ધર્મશાલામાં રમાયેલી ચોથી ટેસ્ટ મેચમાં કેપ્ટન તરીકેની તક મળી હતી. અને ત્યારબાદ શ્રેણી 1-1 થી બરાબર થઈ હતી. છેલ્લી ટેસ્ટ મેચમાં અજિંક્ય રહાણેએ ટીમમાં જાડેજા અને અશ્વિન હોવા છતાં કુલદીપ યાદવને પ્લેઈંગ ઈલેવનમાં સામેલ કરવાનો નિર્ણય કર્યો અને આ નિર્ણય સાચો સાબિત થયો. કુલદીપે ઓસ્ટ્રેલિયાની પ્રથમ ઇનિંગમાં 4 વિકેટ લીધી હતી અને ધર્મશાલામાં ટેસ્ટ ડેબ્યૂ પણ કર્યું હતું.

24 રન બનાવીને જીત નોંધાવી હતી

વર્ષ 2020-21ની સિઝનમાં એડિલેડ ટેસ્ટ મેચમાં માત્ર 36 રનમાં ઓલઆઉટ થયા બાદ રહાણેની કપ્તાનીમાં ટીમ ઈન્ડિયા જે રીતે વાપસી કરી છે તેની ભાગ્યે જ કોઈએ કલ્પના કરી હશે. તે સમયે વિરાટ કોહલી અંગત કારણોસર એડિલેડ ટેસ્ટ મેચ બાદ રમી શક્યો ન હતો અને રહાણેને કેપ્ટનશિપની તક મળી હતી. આ અવસર પર મેલબોર્નમાં સદી રમવાની સાથે તેણે ટીમ ઈન્ડિયાને જીત તરફ દોરી અને બ્રિસબેનમાં રમાયેલી છેલ્લી ટેસ્ટ મેચના છેલ્લા દિવસે ટીમ ઈન્ડિયાએ એક દિવસમાં 324 રન બનાવીને જીત મેળવી. ઓસ્ટ્રેલિયામાં આ શ્રેણી જીતને ભારતીય ક્રિકેટના ઇતિહાસમાં સૌથી યાદગાર જીત ગણવામાં આવે છે અને રહાણેએ ટોચના 7/8 ખેલાડીઓ વિના આ સિદ્ધિ મેળવી હતી.

રહાણેએ 5 મેચમાં કેપ્ટનશિપ કરી છે

ઓસ્ટ્રેલિયા ઉપરાંત અફઘાનિસ્તાન સામે પણ ટેસ્ટ મેચ જીતવાનો શ્રેય રહાણેના નામે જાય છે. રહાણેની કેપ્ટનશીપ હેઠળની 5 મેચોમાંથી ભારતે 4માં જીત મેળવી છે અને 1 ટેસ્ટ મેચ ડ્રો રહી હતી જે સિડનીમાં રમાઈ હતી. એટલા માટે જો આપણે જીતના રેકોર્ડ પર નજર કરીએ તો તે 80 ટકા છે અને કોઈપણ ભારતીય ટેસ્ટ કેપ્ટન કે જેણે ઓછામાં ઓછી 5 મેચમાં કેપ્ટનશિપ કરી હોય તેની જીતની ટકાવારી એટલી ઊંચી નથી.