IND vs NZ WTC Final Live Updates: ટીમ ઈન્ડિયાને મોટો ઝટકો, રોહિત શર્મા 30 રન બનાવી આઉટ
ક્રિકેટ ફેન્સ આ મુકાબલાની આતુરતાથી રાહ જોતા હતા પરંતુ વરસાદે રોમાંચ ખરાબ કરી નાંખ્યો છે. સાઉથેમ્પ્ટનમાં હવામાનને જોતાં આઈસીસીએ રિઝર્વ ડે (23 જૂન) રાખ્યો છે.
LIVE
Background
આઈસીસી વર્લ્ડ ટેસ્ટ ચેમ્પિયનશીપની ફાઈનલનો પ્રથમ દિવસ વરસાદમાં ધોવાઈ ગયો હતો. બીજા અને ત્રીજા દિવસની રમત દરમિયાન ટીમ ઈન્ડિયાએ (Team India) પ્રથમ ઈનિંગમાં 217 બનાવ્યા હચા. જ્યારે ન્યૂઝિલેન્ડની ટીમે ત્રીજા દિવસની રમત પૂરી થઈ ત્યાં સુધીમાં 2 વિકેટના નુકસાન પર 101 રન બનાવ્યા હતા. ચોથા દિવસની રમત વરસાદના કારણે ધોવાઈ ગઈ હતી. આજે મેચનો પાંચમો અને અંતિમ દિવસ છે. જરૂર પડશે તો આવતીકાલે રિઝર્વ ડેના દિવસે પણ મેચ રમાશે.
રોહિત શર્મા 30 રન બનાવી આઉટ
ટીમ ઈન્ડિયાને મોટો ઝટકો લાગ્યો છે. રોહિત શર્મા 30 રન બનાવી આઉટ થયો છે. હાલ ભારતે 27 ઓવરમાં 2 વિકેટના નુકસાન પર 51 બનાવ્યા છે. કોહલી અને પૂજારા રમતમાં છે.
21.1 ઓવર બાદ ટીમ ઈન્ડિયાનો સ્કોર 40-1
21.1 ઓવર બાદ ટીમ ઈન્ડિયાનો સ્કોર 40-1 છે. રોહિત શર્મા 23 અને પુજારા 8 રન બનાવી રમતમાં છે. ન્યૂઝીલેન્ડની ટીમે ભારતને 32 રનને લીડ આપી હતી જે ભારતે પાર કરી છે.
ન્યૂઝીલેન્ડની ટીમ ઓલઆઉટ
ન્યૂઝીલેન્ડની ટીમ પોતાની પ્રથમ ઈનિંગમાં 249 રનમાં ઓલઆઉટ થઈ ગઈ છે. ન્યૂઝીલેન્ડની ટીમે 32 રનની લીડ મેળવી છે. ન્યૂઝીલેન્ડના કેપ્ટન કેન વિલિયમસને સૌથી વધુ 49 રન બનાવ્યા. આ સિવાય નિચલા ક્રમમાં ટીમ સાઉથી 30 અને જેમીસને 21 રનનું યોગદાન આપ્યું, ભારત તરફથી મોહમ્મદ શમીએ સૌથી વધારે 4 વિકેટ ઝડપી હતી. આ સિવાય ઈશાંત શર્માએ 3 અને અશ્વિને 2 વિકેટ ઝડપી. જાડેજાને એક વિકેટ મળી.
શમીએ ભારતને વધુ એક સફળતા અપાવી
ન્યૂઝીલેન્ડે છઠ્ઠી વિકેટ ગુમાવી છે. મોહમ્મદ શમીએ ભારતને વધુ એક સફળતા અપાવી છે. તેણે કૉલિન ડી ગ્રેંડહોમને એલબીડબ્લ્યૂ આઉટ કર્યો છે. તે 13 રન બનાવી પેવેલિયન પરત ફર્યો છે.
શમીએ ભારતને પાંચમી સફળતા અપાવી
ન્યૂઝીલેન્ડની અડધી ટીમ પેવેલિયન પરત ફી છે. શમીએ ભારતને પાંચમી સફળતા અપાવી છે. પોતાની અંતિમ ટેસ્ટ રમી રહેલો વાટલિંગ માત્ર એક રન બનાવી આઉટ થયો છે. ન્યૂઝીલેન્ડ હાલ ભારતથી 82 રન પાછળ છે.
ટ્રેન્ડિંગ સમાચાર
ટોપ સ્ટોરી
