IND vs WI, T20 Series:KL Rahul અને  Axar Patel ટી20 સીરીઝમાંથી બહાર,  Team India એ આ બે ખેલાડીઓને આપી જગ્યા

KL Rahul and Axar Patel ruled out of T20 Series India vs Westindies:  ટીમ ઈન્ડિયાના બેટ્સમેન કેએલ રાહુલ અને અક્ષર પટેલ વેસ્ટ ઈન્ડિઝ સામેની ટી20 શ્રેણીમાંથી બહાર થઈ ગયા છે.

KL Rahul and Axar Patel ruled out of T20 Series India vs Westindies:  ટીમ ઈન્ડિયાના બેટ્સમેન કેએલ રાહુલ અને અક્ષર પટેલ વેસ્ટ ઈન્ડિઝ સામેની ટી20 શ્રેણીમાંથી બહાર થઈ ગયા છે. આ બે ખેલાડીઓની જગ્યાએ ઋતુરાજ ગાયકવાડ અને દીપક હુડ્ડાનો ટીમમાં સમાવેશ કરવામાં આવ્યો છે.

9 ફેબ્રુઆરીએ બીજી વનડેમાં ફિલ્ડિંગ કરતી વખતે રાહુલ ઈજાગ્રસ્ત થયો હતો. તેને હેમસ્ટ્રિંગ તાણનો સામનો કરવો પડ્યો હતો, જ્યારે અક્ષરે તાજેતરમાં COVID-19 માંથી સ્વસ્થ થયા પછી તેના પુનર્વસનનો અંતિમ તબક્કો ફરી શરૂ કર્યો હતો. તે હવે તેની ઈજાના વધુ સારવાર માટે બેંગલુરુમાં નેશનલ ક્રિકેટ એકેડમી જશે.

ઓલ ઈન્ડિયા સિનિયર સિલેક્શન કમિટીએ રાહુલ અને અક્ષરને બદલે ઋતુરાજ ગાયકવાડ અને દીપક હુડાને ટીમમાં સ્થાન આપ્યું છે.

જણાવી દઈએ કે ભારત અને વેસ્ટ ઈન્ડિઝ વચ્ચેની વનડે સીરીઝ બાદ ત્રણ મેચની ટી20 સીરીઝ રમાશે. આ શ્રેણીની તમામ મેચો કોલકાતામાં યોજાશે. T20ની પ્રથમ મેચ 16 ફેબ્રુઆરીએ રમાશે. જ્યારે બીજી અને ત્રીજી મેચ અનુક્રમે 18 અને 20 ફેબ્રુઆરીએ રમાશે.

ભારતની T20 ટીમઃ રોહિત શર્મા (કેપ્ટન), ઈશાન કિશન, વિરાટ કોહલી, શ્રેયસ ઐયર, સૂર્ય કુમાર યાદવ, રિષભ પંત (વિકેટમેન), વેંકટેશ ઐયર, દીપક ચહર, શાર્દુલ ઠાકુર, રવિ બિશ્નોઈ, યુઝવેન્દ્ર ચહલ, વોશિંગ્ટન સુંદર, મોહમ્મદ સિરાજ, ભુવનેશ્વર કુમાર, અવેશ ખાન, હર્ષલ પટેલ, ઋતુરાજ ગાયકવાડ, દીપક હુડા.

Team India ના આ બે બેટ્સમેને છેલ્લા 9 વર્ષમાં સૌથી વધુ ODI સદી ફટકારી છે

ભારતીય ક્રિકેટ ટીમના ઘણા ખેલાડીઓએ આંતરરાષ્ટ્રીય રેકોર્ડ બનાવ્યા છે. તેમાં સચિન તેંડુલકરથી લઈને વિરાટ કોહલી સુધીના ઘણા ક્રિકેટરો સામેલ છે. ભારતીય ટીમના વર્તમાન કેપ્ટન રોહિત શર્મા અને વિરાટના નામે એક ખાસ રેકોર્ડ છે. આ રેકોર્ડ હજુ સુધી કોઈ તોડી શક્યું નથી. આ બંને ખેલાડીઓ ચેમ્પિયન્સ ટ્રોફી 2013ની ફાઈનલ બાદ સૌથી વધુ સદી ફટકારવાના મામલે ODI ક્રિકેટમાં ટોચ પર છે.

કોહલી અને રોહિતના આ ખાસ રેકોર્ડને અત્યાર સુધી કોઈ તોડી શક્યું નથી. વિરાટ કોહલી ચેમ્પિયન્સ ટ્રોફી 2013 પછી ODI ક્રિકેટમાં સૌથી વધુ સદી ફટકારવાના મામલે પ્રથમ સ્થાને છે. કોહલીએ આ સમયગાળા દરમિયાન અત્યાર સુધીમાં 30 સદી ફટકારી છે. જ્યારે આ મામલામાં રોહિત બીજા સ્થાને છે. રોહિત અને કોહલી વચ્ચે 3 સદીનું અંતર છે. રોહિતે અત્યાર સુધીમાં 27 સદી ફટકારી છે.

પૂર્વ કેપ્ટન કોહલીની વાત કરીએ તો તેણે વર્ષ 2019માં વેસ્ટ ઈન્ડિઝ સામે છેલ્લી વનડે સદી ફટકારી હતી. તેણે 99 બોલમાં અણનમ 114 રન બનાવ્યા હતા. જ્યારે આ પહેલા તેણે ઓસ્ટ્રેલિયા, ઈંગ્લેન્ડ અને દક્ષિણ આફ્રિકા સામે ઘણી શાનદાર ઈનિંગ્સ રમી હતી. લાંબા સમય બાદ કોહલીના ફેન્સ તેની સદીની રાહ જોઈ રહ્યા છે.