ટીમ ઈન્ડિયાએ અફઘાનિસ્તાનને આપ્યો 350 રનનો લક્ષ્યાંક, ગાયકવાડ અને તિલકની ફિફ્ટી

IND A Vs AFG A: ભારતીય ટીમે પહેલા બેટિંગ કરતા 349 રન બનાવી દીધા છે. ઋતુરાજ ગાયકવાડ, તિલક વર્મા અને પ્રભસિમરન સિંહની અર્ધસદીની ઇનિંગના દમ પર ઇન્ડિયા A ની ટીમ મોટા સ્કોર સુધી પહોંચી શકી.

ટીમ ઈન્ડિયા

Source : social nedia

Show Quick Read

Key points generated by AI, verified by newsroom

• ભારતીય ટીમે પહેલા બેટિંગ કરતા 349 રન બનાવ્યા.
• ગાયકવાડ, તિલક, પ્રભસિમરનની અર્ધસદીથી મોટો સ્કોર થયો.
• અફઘાનિસ્તાન માટે અબ્દુલ્લા અહમદઝાઈએ પાંચ વિકેટ લીધી.

IND A Vs AFG A: ભારતીય ટીમે પહેલા બેટિંગ કરતા 349 રન બનાવી દીધા છે. ઋતુરાજ ગાયકવાડ, તિલક વર્મા અને પ્રભસિમરન સિંહની અર્ધસદીની ઇનિંગના દમ પર ઇન્ડિયા A ની ટીમ મોટા સ્કોર સુધી પહોંચી શકી. સૂર્યાંશ શેડગેએ એક વાર ફરી દમદાર બેટિંગ કરતા 40 રનનું યોગદાન આપ્યું. તમને જણાવી દઈએ  કે વરસાદના કારણે મેચમાં પ્રત્યેક ઇનિંગમાં ઓવરોની સંખ્યા ઘટાડીને 49 કરી દેવામાં આવી છે.

 

ભારતીય ઇનિંગની શરૂઆત પ્રભસિમરન સિંહ અને વૈભવ સૂર્યવંશીએ કરી. બંનેએ ટીમને તોફાની શરૂઆત અપાવી અને 7 ઓવરોમાં જ ટીમનો સ્કોર 70 ને પાર હતો. વૈભવ 22 બોલમાં 44 રન બનાવીને આઉટ થઈ ગયો અને સૌથી વિચિત્ર વાત એ રહી કે વૈભવની આ ઇનિંગમાં 9 ચોગ્ગા લાગ્યા પરંતુ એક પણ સિક્સ લાગી નહીં.

ગાયકવાડ-તિલક-પ્રભસિમરન ચમક્યા

ઇન્ડિયા A ના મોટા સ્કોરનો પાયો પ્રભસિમરન સિંહે નાખ્યો, જેમણે 69 બોલમાં 84 રનની ઇનિંગ રમી અને આ ઇનિંગમાં 14 ચોગ્ગા લગાવ્યા. પ્રિયાંશ આર્ય સતત બીજી મેચમાં મોટો સ્કોર ન કરી શક્યો. પરંતુ પાછલી મેચના સદીવીર ઋતુરાજ ગાયકવાડે એક વાર ફરી દમ બતાવતા 66 રનની અર્ધસદીની ઇનિંગ રમી. બીજી તરફ કેપ્ટન તિલક વર્માએ સતત બીજી મેચમાં ફિફ્ટી લગાવતા 66 રન બનાવ્યા. બંને વચ્ચે 78 રનની પાર્ટનરશિપ થઈ.

અફઘાનિસ્તાન તરફથી અબ્દુલ્લા અહમદઝઈએ ભારે કહેર વર્તાવ્યો અને 5 વિકેટ લીધી. ફરમાનુલ્લાહ સૈફી ખૂબ મોંઘો સાબિત થયો, પરંતુ 3 બેટ્સમેનોને આઉટ કરવામાં સફળતા મેળવી. કેપ્ટન ઇમરાન મીર અને ખલીલ ગુરબાજે ભારતીય બેટ્સમેનોને હાથ ખોલવાની તક ન આપી, પરંતુ અન્ય બોલિંગ ઘણી મોંઘી સાબિત થઈ.

 

Innings Break!

India A put up a strong total of 3️⃣4️⃣9️⃣/9 against Afghanistan A 💪

Prabhsimran Singh led the charge with 8️⃣4️⃣(69) 👏

Scorecard ▶️ https://t.co/dMNsGrzIOD#INDAvAFGA | #TriNationSeries

(Image credit: Sri Lanka Cricket) pic.twitter.com/7tRDz6cgyS

— BCCI (@BCCI) June 11, 2026

આ ટ્રાય સિરીઝની બીજી મેચ છે અને અફઘાનિસ્તાન પોતાની પહેલી મેચ રમી રહ્યું છે. સિરીઝના પહેલા મુકાબલામાં ઇન્ડિયા A એ શ્રીલંકા A ને હરાવ્યું હતું.                             

આ પણ વાંચો

આવતીકાલથી શરૂ થશે 2026 ટી20 વર્લ્ડકપ, ક્યારે થશે IND vs PAK મહાટક્કર ? જાણો પુરેપુરુ શિડ્યૂલ

હાર્દિક પંડ્યા અફઘાનિસ્તાન વનડે શ્રેણીમાંથી બહાર, ટીમમાં જગ્યા મેળવવા માટે આ બે ઓલરાઉન્ડર વચ્ચે ટક્કર